تیری ہستی ہے بجا رحمن رب العالمیں ۔ بلال رشید

تیری ہستی ہے بجا رحمن رب العالمیں
سب پہ ہے تیرا کرم ہر آن رب العالمین
علم و عرفاں اور اپنی معرفت کے واسطے
تو نے ہی بخشا ہمیں قرآن رب العالمین
بس رسولوں اور نبیوں کے سوا دارین میں
ہو سکی کس کو تری پہچان رب العالمین
قادر مطلق بھی تو ہے خالق قیوم بھی
ہم سے کہتا ہے یہی قرآن رب العالمین
چل رہا ہے تیری قدرت سے زمانے کا نظام
سب ہے تیرے تابع فرمان رب العالمین
ذرہ ذرہ حمد کرتا ہے تری شام و سحر
ہے مگر غافل فقط انسان رب العالمین
جن کے ہو پیش نظر تیری رضا دارین میں
کب اٹھاتے ہیں وہ پھر نقصان رب العالمین
تیرا بندہ اور ہوں تیرے محمد کا غلام
ہے فقط اپنی یہی پہچان رب العالمین
غیر سے ہوتے ہیں طالب جو ترے ہوتے ہوئے
معتبر ا ن کا نہیں ایمان رب العالین
دے بلال حق نوا کو ایک موقع ہی کبھی
ہو یہ تیرے دین پر قربان رب العالمین
-----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین