توحيد - شاعر مشرق علامہ اقبال

زندہ قوت تھي جہاں ميں يہي توحيد کبھي
آج کيا ہے، فقط اک مسئلہء علم کلام
روشن اس ضو سے اگر ظلمت کردار نہ ہو
خود مسلماں سے ہے پوشيدہ مسلماں کا مقام
ميں نے اے مير سپہ! تيري سپہ ديکھي ہے
'قل ھو اللہ، کي شمشير سے خالي ہيں نيام
آہ! اس راز سے واقف ہے نہ ملا، نہ فقيہ
وحدت افکار کي بے وحدت کردار ہے خام
قوم کيا چيز ہے، قوموں کي امامت کيا ہے
اس کو کيا سمجھيں يہ بيچارے دو رکعت کے امام!

(شاعر مشرق)

 

ایک دوسرے کو کافر و مشرک بنانے سے فرصت ملے گی تو بےچارے دو رکعت کے امام کو توحید کا حقیقی مفہوم ملے گا۔

 

ٹھیک بات کی ہما تم نے۔ اسلام کو ایک مردہ لاش بنانے میں اسلام کے دشمنوں سے زیادہ کردار انہی فتنہ باز مولویوں کا ہے، جن کی وجہ سے لوگ نہ صرف پاکباز علماء سے بلکہ اسلام ہی سے دور ہوتے چلے جا رہے ہیں۔

 

مولویوں کو برا کہنے سے پہلے ہمیں اپنے گریبان میں جھانکنا چاہیے ہم نے دین کے لئے کیا کیا ہے - جب تک ہم اپنے بچووں کو ڈاکٹر اور انجینیئر وغیرہ بناتے رہیں گے اور صرف معذور بچووں کو دین پر احسان کرنے کیلیے مدرسے بھیجتے رہیں گے غلط اور جاہل قسم کے لوگ آتے رہیں گے اور ہمیں اور آپ کو دین سے دور کرتے رہیں گے - آج ضرورت اس بات کی ہے کہ بحیثیئت مسلمان ہم اپنی ذمِہ داری کو سمجھیں اور اس سلسلے میں عملی کوششیں کریں

 

ماشاءاللہ ۔ عمران صمد بھائی ۔
خوش آمدید :222:

آپ نے بہت ہی معقول بات فرمائی ہے۔