بھائی امجد کی شاعری

کبھی کبھی ان حبس بھری راتوں میں
جب
سب آوازیں سو جاتی ہیں
آدھی نیند کی گھائل سی مدہوشی میں
اک خواب انوکھا جاگتا ہے
میں دیکھتا ہوں
گرد کی اس چادر سے اُدھر
(جو میرے اُس کے بیچ تنی ہے)
وہ بھی تنہا جاگ رہا ہے

 

فنا جی ! بہت خوب
بہت اچھا کلام ہے

 

معذرت

جی نعیم بھائی ٹھیک کہا آپ نے، ہمیں غلط فہمی ہوئی

 

احساس

فنا یہ نظم تو بہت اچھی ہے، عجیب سا احساس ہے اس میں

 

یہ دشتِ ہجر، یہ وحشت یہ شام کے سائے
خدا یہ وقت تری آنکھ کو نہ دکھلائے

اسی کے نام سے لفظوں میں چاند اترے ہیں
وہ ایک شخص کہ دیکھوں تو آنکھ بھر آئے

کلی سے میں نے گلِ تر جسے بنایا تھا
رتیں بدلتی ہیں کیسے، مجھے ہی سمجھائے

جو بے چراغ گھروں کو چراغ دیتا ہے
اس کہو کہ مرے شہر کی طرف آئے

یہ اضطرابِ مسلسل عذاب ہے امجد
مرا نہیں تو کسی اور ہی کا ہو جائے​

 

وہ! بہت خُوب، یہ شعر بہت اچھا لگا

 

بہت خوب فنا صاحب
باقی سب نے بھی اچھی غزلیں پوسٹ کی ہیں

 

وہ جو قافلے تھے بہار کے
کسی ریگزار کی دھوپ میں وہ جو قافلے تھے بہار کے
وہ جو اّن کھلے سے گلاب تھے
وہ جو خواب تھے مری آنکھ میں
جو سحاب تھے تری آنکھ میں
وہ بکھر گئے، کہیں راستوں میں غبار کے !
وہ جو لفظ تھے دمِ واپسیں
مرے ہونٹ پر
ترے ہونٹ پر
انہیں کوئی بھی نہیں سن سکا
وہ جو رنگ تھے سرِ شاخِ جاں
ترے نام کے
مرے نام کے
انہیں کوئی بھی نہیں چُن سکا
اب چنگارے بن کے بکھر گئے
ہوں کسی دہکتے شرار کے !
کسی ریگزار کی دھوپ میں وہ جو قافلے تھے بہار کے !

(امجد اسلام امجد)

 

سبھی پڑھنے والوں کو آداب
آپ احباب کی حوصلہ افزائی کا شکریہ
نعیم صاحب آپ نے واقعی نہایت عمدہ کلام لکھا

 

بہت شکریہ فنا بھائی !

 

​

آخری بات
طلوعِ شمسِ مفارقت ھے
پرانی کرنیں نئے مکانوں کے آنگنوں میں لرز رھی ھیں
فصیلِ شھرِ وفا کے روزن چمکتے ذروں سے بھر گئے ھیں
گئے دنوں کی عزیز باتیں، نگار صبحیں، گلاب راتیں
بساطِ دِل بھی عجیب شے ھے، ھزار جیتیں ھزار ماتیں
جدائیوں کی ھوائٰیں لمحوں کی خشک مٹی اڑاتی ھیں
گئ رتوں کا ملال کب تک،
چلو کہ شاخیں تو ٹوٹتی ھیں
چلو کہ قبروں پہ خون رونے سے
اپنی آنکھیں ھی پھوٹتی ھیں
یہ موڑ وہ ھے جہاں سے میرے تمہارے رستے بدل گئے ھیں
پرانی راھوں کو لوٹنا بھی ھماری تقدیر میں نہیں
کہ راستے بھی ہمارے قدموں کے ساتھ آگے نکل گئے ھیں
طلوعِ شمسِ مفارقت ھے
تم اپنی آنکھوں میں جھلملاتے ہوئے ستاروں کو موت دے دو
گئ رتوں کے تمام پھولوں، تمام خاروں کو موت دے دو
نئے سفر کو حیات بخشو
کہ پچھلی راہوں پہ ثبت جتنے نقوشِ پا ہیں
وہ بار ہوں گے
ہوا اڑائے کہ تم اڑاؤ۔

 

ارے واہ سِس !!
کمال کر دیا۔ اتنی پیاری اور اتنی لمبی نظم

لگتا ہے چھٹی کا دن اسی کام میں گذارا :lol:

ویسے آپ کی اردو ٹائپنگ ماشاءاللہ بہت بہتر ہو رہی ہے۔
اور ہاں۔ نظم یا کلام کے نیچے اگر شاعر کا نام بھی لکھ دیا ہوتا تو اور بھی اچھا ہوتا۔
امید ہے آئندہ دھیان رکھا جائے گا۔

 

بہت خوب زہرہ جی !!
کیا یہ امجد اسلام امجد کی نظم ہے ؟؟

 

جی بہت شکریہ
جی ہاں یہ بالکل امجد اسلام امجد کا کلام ھے۔

 

تو پھر آپ کا اپنا کلام کہاں ہے زہرہ جی ؟

 

بہت اچھا کلام ہے امجد اسلام امجد کا

اور زہرہ جی کی پسند بھی بہت اعلیٰ ہے۔

 

تیری زد سے نکلنا چاھتا ھے
یہ دریا رخ بدلنا چاھتا ھے

وہ سپنا جس کی صورت ہی نہیں ھے
میری آنکھوں میں چلنا چاھتا ھے

دِلوں کی ماندگی پہ کیا تعجب
کہ سورج بھی تو ڈھلنا چاھتا ھے

نشاطِ درد بدلی ھے تو اب دل
ذرا پہلو بدلنا چاھتا ھے

مجھے بھی سامنا ھے کربلا کا
میرا سر بھی اچھلنا چاھتا ھے

نہیں ھے ترجمانِ غم یہ آنسو
یہ پانی اب ابلنا چاھتا ھے

تبسم زیرِ لب کہتا ھے ‘امجد‘
کوئی جذبہ مچلنا چاھتا ھے

 

بہت خوب سِس !! بہت پیارا کلام

 

زہرہ جی ! کیا بات ہے آپ کی پسند کی !
بہت خوب۔

 

آپ سب کا بہت بہت شکریہ، آپ سب کا ذوق بھی بہت اعلٰی ھے۔

 

​

انکشاف
نہ وعدہ ھے کوئی تم سے، کوئی رشتہ نبھانے کا
نہ کوئی اور ہی دل میں، تہیہ یا ارادہ ھے!
کئی دن سے مگر دل میں
عجب اُلجھن سی رہتی ھے!
نہ تم اس داستاں کے سرسری کردار ہو کوئی
نہ قصہ اتنا سادہ ھے!
تعلق جو میں سمجھا تھا کہیں اُس سے زیادہ ھے!!

 

​

انکشاف
نہ وعدہ ھے کوئی تم سے، کوئی رشتہ نبھانے کا
نہ کوئی اور ہی دل میں، تہیہ یا ارادہ ھے!
کئی دن سے مگر دل میں
عجب اُلجھن سی رہتی ھے!
نہ تم اس داستاں کے سرسری کردار ہو کوئی
نہ قصہ اتنا سادہ ھے!
تعلق جو میں سمجھا تھا کہیں اُس سے زیادہ ھے!!

( امجد اسلام امجد )

 

یہ بھی خوب کہی سِس جی !

لگتا ہے آپکو امجد بھائی کافی کی شاعری کافی پسند ہے

 

تیرا نام

نہ تھی روشنی کسی آنکھ میں کسی خواب کی
یہ عجیب شامِ فراق تھی
لبِ بے نوا کے حصار میں کہیں ایک حرفِ دُعا نہ تھا
وہ فشار تھا میری روح میں کہیں جیسے کوئی خدا نہ تھا
فقط اک چشمِ جمال نے میرے کاخ و کُو کو بدل دیا
رہِ بے چراغ اُجال دی میرے چار سُو کو بدل دیا۔

( امجد اسلام امجد )

 

عمدہ کلام ہے

امجد اسلام امجد کے چند اشعار حاضر ہیں

رنگ دھنک نے بکھرائے ہیں موسم اچھا ہے
گئے زمانے یاد آئے ہیں موسم اچھا ہے

آنکھیں، چہرے، خوشبو، وعدے، آنسو، یادیں، پھول
ایک اک کر کے لوٹ آئے ہیں موسم اچھا ہے

شامِ شفق کی سیر بہانے تم بھی آ جاؤ
دوست پرانے سب آئے ہیں موسم اچھا ہے

(امجد اسلام امجد)​

 

بہت خوب نعیم بھائی
اب موسم پر امجد اسلام امجد کی ایک اور بہت اچھی نظم ھے۔


قاصد

خوشبو کی پوشاک پہن کر
کون گلی میں آیا ھے !
کیسا یہ پیغام رساں ھے
کیا کیا خبریں لایا ھے !

کھڑ کی کے باہر دیکھو،
موسم میرے دل کی باتیں، تم سے کہنے آیا ھے

 

موسم کی نسبت سے اچھے اشعار تھے

 

بہت خوب زہرہ جی