بڑے بھائی کے لطیفے

پھر چینی لے آئے ؟

 

بڑے بھائی ھارون رشید کو ایک دن گھر کے سارے کپڑے دھونے کا آرڈر ملا
حسبِ حکم اگلے دن بڑے بھائی کپڑے دھونے کی تیاری کرنے لگے تو بادل آئے اور بارش ہوگئی۔ واشنگ پروگرام اگلے دن تک ملتوی ہوگیا
دوسرے دن پھر بادل آئے اور بارش ہوگئی۔ بڑے بھائی خوش بھی تھے اور آصف احمد بھٹی کی چاچی سے خوفزدہ بھی ۔
بالآخر تیسرے دن چاچی جی کی طرف سے وارننگ مل گئی کہ کل کپڑے ہر صورت میں دھونے ہیں۔
اتفاق سے اگلی صبح دھوپ بھی نکل آئی ۔ ھارون بھائی کو چار و ناچار دکان پر واشنگ پاؤڈر لینے جانا پڑا۔ ابھی دکان کے اندر سے واشنگ پاؤڈر خرید ہی رہے تھے کہ باہر بادل گرجا
ھارون بھائی واشنگ پاؤڈر دکان کے اندر ہی چھوڑ کر باہر آئے ۔ آسمان کی طرف دیکھ کر بولے
" اوئے یار میں تے صرف ٹافیاں لینے آیا ہوں "

 

چاچا ھارون رشید اپنے مشہور و معروف و معصوم بھتیجے آصف احمد بھٹی کے ساتھ کھانا کھانے اوکاڑہ کے سستے ترین "چھپر ہوٹل" پہنچ گئے
اعلی زمینی فرنیچر "چٹائی" پر تشریف رکھتے ہی بیرا کھانا رکھ کر چلا گیا۔
عین اسی وقت ایک چوہا سرعت سے نکلا اور بھتیجے کی پلیٹ پر رقص کرتا ہوا گذر کر دوسری دیوار کے بل میں گھس گیا
بھتیجے صاحب نے کھانا چھوڑ دیا ۔ چاچا کے استفسار پر بتایا کہ چوہا پلیٹ میں گذر گیا ہے۔
چاچا جی بولے " چوہا گذر گیا تو پھر کیا ہوا ؟ کھالے یار "
بھتیجا : "نہیں چاچا ۔ چوہے کے گذرنے سے کھانا گندہ ہوگیا ہے۔ میں نہیں کھاؤں گا"
چاچا جی نے کمال درجے کی دلیل دی " اوئے پتر چوہے نے کونسا جوتے پہنے تھے۔ "
بھتیجا مطمئن ہوگیا اور کھانا شروع کردیا۔

 

ٹرین اوکاڑہ سے سکھر کے لیے رواں دواں تھی
سیٹ پر دو خواتین کچھ یوں محوِ سخن تھیں۔
پہلی : " میں تو کسی کروڑ پتی سے شادی کروں گی"
دوسری: "اگر کروڑ پتی نہ ملا تو ؟"
پہلی: " پھر کوئی لکھ پتی دیکھ لوں گی "
دوسری: "اگر لکھ پتی بھی نہ ملا تو ۔۔؟ "
پہلی : "کسی ہزاروں کی انکم والے سے گذارا کرلوں گی"
اتنی دیر میں اوپر برتھ سے بڑےبھائی ھارون رشید کی آواز ابھری
" جب بات 500 تک پہنچ جائے تو میں اوپر ہی ہوں "

 

ھارون رشید عرف بڑے بھائی ولیمہ دعوت میں 10 پلیٹیں کھا کر اگلی دیگ اترنے کے انتظار میں ایک طرف اکیلے کھڑے تھے
قریب سے ایک خوبرو خاتون گذری
خاتون نے بڑے بھائی کے اوپر سے نیچے تک غور سے دیکھا
مسکرائی ۔۔۔۔۔۔ اور ۔۔۔ آگے بڑھ گئی
ذرا دیر بعد خاتون دوبارہ اس کونے کی طرف آئی ۔ بڑے بھائی کو دوبارہ غور سے اوپر سے نیچے تک دیکھا
مسکرائی ۔۔۔۔۔۔۔۔۔۔۔۔۔ اور آگے بڑھ گئی
بڑے بھائی کے دل میں گلگاریاں پھوٹنے لگ گئیں کہ خاتون یقینا انکے حسن پر فریفتہ ہوچکی ہے۔
اب بڑے بھائی خاتون کا انتظار کرنے لگے۔
انتظار کی بےچینی جاری تھی ۔۔۔۔۔۔ کہ
اتنی دیر میں وہ خاتون پھر سے اسی کونے میں آئی
بڑے بھائی کو اوپر سے نیچے تک دیکھا
پھر مسکرائی ۔۔۔۔۔۔۔۔ اب کے مسکراہٹ زیادہ گہری تھی
اور آگے بڑھنے لگی تو اچانک بڑے بھائی نے ہمت کرکے پوچھ لیا
"دیکھیے جی ! آپ اپنی خوبصورت مسکراہٹ کا راز بتادیں "
خاتون پھر ادا سے مسکرائی اور بولی



" بھائی جی ۔ آپ نے شلوار الٹی پہنی ہوئی ہے "

ملک بلال واصف حسین الکرم آصف احمد بھٹی آصف حسین مریم سیف عبدالقیوم چوہدری غوری

 

ھاھاھاھاھا۔۔ آپ آجکل بڑے بھائی کو ہرجگہ کافی سیف سائیڈ دے رہے ہیں۔ خیریت تو ہے ؟

 

اتنی سوچ بچار شلوار پہننے سے پہلے کر لیتے تو وہ دن نہ دیکھنا پڑتا

 

یعنی لطیفہ فلاپ کروانے کے چکر میں آپ نے شلوار پھر بھی سیدھی نہیں پہننی۔

 

چاچو ھارون اپنی الٹی شلوار سمیت زندہ باد