بوسنیا کاصوفی

بوسنیا کاصوفی...انداز بیاں …سردار احمد قادری

روزنامہ جنگ ادارتی صفحہ۔۔کالم

اس نے اپنی گھومنے والی کرسی کا رخ میری طرف کیا اور پوچھا” کیا آپ کو ”بوسنیا“ کے لفظی معنی معلوم ہیں؟ میں نے فورا جواب دیا نہیں مجھے بوسنیا کے معنی معلوم نہیں ہیں، اس نے کہا دراصل ساری دنیا کے مسلمان یہ سمجھتے ہیں کہ ہم نئے مسلمان ہوئے ہیں اور اس جنگ آزادی کی وجہ سے ہمارا تعلق اسلام سے قائم ہوا ہے جبکہ ہم اولین دور سے ہی اسلام کے دامن میں آگئے تھے اور ہم اس کے بعد مسلمان ہی رہے لیکن یہ بات صحیح ہے کہ دنیائے اسلام سے ہمارا تعلق کمیونسٹ نظام کی وجہ سے کٹ گیا تھا ۔ ہم اس وقت بوسنیا ہرزی گو دینیا کے دارالحکومت ”سرائیوو“ کے ایک مشہور روزنامہ کے دفتر میں اس کے چیف ایڈیٹر کے کمرے میں بیٹھے تھے ”اچھا تو آپ کے لوگ اسلام کے اولین دور میں مدینہ منورہ پہنچ گئے تھے۔ میں نے حیرانی سے پوچھا تو تجربہ کار ایڈیٹر نے کہا وہاں ہم نے خود جاکر اسلام کو سیکھا۔ ہمارے لوگ واپس آنے لگے تو انہوں نے حضرت عمر سے گزارش کی کہ ہمیں حضور نبی اکرام صلے اللہ عیلہ وسلم کی کوئی نشانی تبرکاً عطا کی جائے تاکہ اسے ہم اپنے علاقے میں لے جائیں اور اس سے برکت حاصل کرتے رہیں انہوں نے ہماری محبت کو دیکھا تو نبی اکرم صلے اللہ علیہ وسلم کے نعلین پاک ہمارے لوگوں کو عطا کردےئے ہمارے وفد کو جب آپ صلے اللہ علیہ وسلم کے مقدس جوتے مل گئے تو ان کی خوشی کی کوئی حد نہ رہی انہوں نے فیصلہ کیا اس مقدس ترین تحفے کو ہم باری باری اپنے سروں پر اٹھائیں گے اور جس کی باری نعلین پاک کو اٹھانے کی آتی وہ ادب واحترام اور شوق و محبت میں اپنے جوتے اتار دیتا اور یوں حضور علیہ السلام کے مقدس نعلین جب ہمارے علاقے میں لیکر یہ لوگ پہنچے تو اس کو اٹھانے والے نے اپنے جوتے اتارے ہوئے تھے جسے دیکھ کر لوگوں نے کہا یہ ”بوسنی“ (ننگے پاؤں) کون آرہے کیونکہ ہماری زبان میں ننگے پاؤں کو ”بوسنی“ کہا جاتا ہے جب لوگوں کو معلوم ہوا کہ ان کو مدینہ منورہ سے حضور نبی اکرم صلے اللہ علیہ وسلم کے نعلین مبارک عطا ہوئے ہیں اور ادب احترام کی وجہ سے وہ ننگے پاؤں آرہے ہیں تو اسی دن سے ہمارا نام ”بوسنی“ اور ہمارے علاقے کا نام ”بوسنیا“ پڑ گیا۔ الطریقہ المحمدیہ کے درویشوں کے حالیہ دورہ ترکی سے پہلے جب ایک بوسنیا کے نوجوان کو معلوم ہوا کہ برطانیہ میں مقیم صوفیوں کا ایک وفد ترکی آرہا ہے تو نوجوان نے وہاں مزید چند دن رک کر وفد اور اس کے سربراہ شیخ احمدد باغ سے ملاقات کا فیصلہ کرلیا۔ بوسنیا کا کمال احمد اپنی بیوی کے ہمراہ ترکی کی سیاحت کے لئے آیا ہوا تھا وہ امریکہ میں رہتا ہے اپنا کاروبار کرتا ہے اور ایک مسجد میں تصوف کا درس بھی دیتا ہے۔ بوسنیا کے ایک صوفی منشن کی ملاقات میں جب مسلمان برطانوی نوجوانوں اور شیخ احمد دباغ سے ہوئی تو اس نے پہلا سوال یہ کیا۔ کیا تصوف میں سب سے پہلے قلب کا جاری ہونا ضروری ہے”بالکل نہیں“ شیخ نے جواب دیا تو پھر کیا ضروری ہے؟ ”سب سے پہلے اللہ تعالیٰ اور اس کے حبیب کریم صلے اللہ علیہ وسلم سے روحانی اور قلبی تعلق قائم کرنا ضروری ہے وہ کس طرح ہوسکتا ہے ۔ وہ خلوص دل سے سچی توبہ سے اور ساتھ گناہوں پر ندامت اور افسوس سے ہوتا ہے۔ اور پھر ” کمال احمد نے حیرت سے پوچھا نہ پھر طالب صادق اپنے شیخ طریقت کے بتلائے گئے طریقے پر مسنون ازکار صبح و شام پڑھے لیکن اپنے آپ کو آنکھ، کان، زبان، ہاتھ، پاؤں، شرمگاہ اور پیپ کے گناہوں سے محفوظ رکھے۔ یہ سات اعضاء کے گناہ ہمیں اللہ رب العلمین کی بارگاہ میں حاضری سے روکتے ہیں ان سات اعضاء کے گناہوں سے سبھی توبہ کرکے اپنی زندگی کا نیا سفر شروع کیا جائے تو روحانی دنیا میں انسان ایسے ایسے مشاہدات کرتا ہے کہ سب پرپے کلے بعد دیگرے دور ہوتے چلے جاتے ہیں۔ کمال احمد نے دوسرے روز آکر بتایا کہ وہ اب اپنے آپ کو اب پہلی مرتبہ حقیقی طور پر تصوف کا طالب علم سمجھ رہا ہے اور ایک دن میں اس نے وہ بات سمجھ لی ہے جو دس سالوں تک نہ سمجھ سکا۔ اب وہ امریکہ جاچکا ہے لیکن وہ بتاتا ہے کہ امریکہ میں جتنے امریکی نئے مسلمان ہورہے ہیں وہ تصوف کی روشنی حاصل کرنے کیلئے مسلمان ہورہے ہیں۔

بشکریہ روزنامہ جنگ

 

جواب: بوسنیا کاصوفی

سبحان اللہ ، واقعی یہ بات ہمارے لیے نئی اور محبت و عقیدت بھری ہے ۔ شاید یہی وجہہ ہے کہ اللہ پاک نے دلوں میں ایک چنگاری جلائے رکھی ۔