ایسا بھی کوئی خواب خدایا دکھائی دے ۔۔۔غلام ربانی فداؔ

ایسا بھی کوئی خواب خدایا دکھائی دے
جس میں حبیبِ پاک کا چہرہ دکھائی دے

ہر شئے میں مصطفیٰﷺ کا ہی جلوہ دکھائی دے
انوارِ ایزدی کا سراپا دکھائی دے

آنکھوں کو میری وصف وہ کر دے عطا خدا
کعبہ دکھائی دے کبھی طیبہ دکھائی دے

طیبہ میں دفن ہوں تو مجھے خلد میں فداؔ
ان کے قریب اپنا ٹھکانہ دکھائی دے

رو روکے کر رہا ہے فداؔ بس یہی دعا
یا رب سفر مدینے کا ہوتا دکھائی دے
٭٭٭
غلام ربانی فداؔ ۔۔۔ گلزَارِ نعتﷺ
​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین