اگر جہان میں آتے نہ مصطفیٰﷺ اللہ ۔۔ سبحان الدین گل بخشالوی

اگر جہان میں آتے نہ مصطفیٰﷺ اللہ
تو میں فقیر بھلا کیسے جانتا اللہ

بنا دیا ہے یہ عالم جو خوشنما اللہ
جو یہ نہیں تھا تو موجود تو ہی تھا اللہ

ہوا یقین کہ واحد ہے اور حقیقت ہے
ہو اجو طور پہ جلوے میں رونما اللہ

ترے حبیبﷺ کی عظمت، تری محبت تھی
فلک پہ چاند جو ٹکڑوں میں دو ہوا اللہ

جلاتی کیسے نبیﷺ کو وہ آتش نمرود
گلوں کی سیج ہی اُس کو بنا دیا اللہ

نگل لیا اُسے مچھلی نے تیری قدرت سے
نبیﷺ تھا آپ کا زندہ ہی وہ رہا اللہ

عصا میں آپ کی قدرت کے معجزے دیکھے
نبیﷺ کو دے دیا پانی نے راستہ اللہ

میں جس مقام پہ سجدے میں تھا ملائک کے
وہی مقام پھر اک بار کر عطا اللہ

مرے شعور کو بس ایسی روشنی دے دے
لکھوں، میں آپ کی پڑھتا رہوں ثنا اللہ

جھلک رہا ہے تو پھولوں میں چاند تاروں میں
ترا جمال ہوں ذروں میں دیکھتا اللہ

بس اب رئیس ہی یادوں میں گلؔ کو رہنے دے
میں کیا سے کیا بنوں آخر تو ہے فنا اللہ
٭٭٭
گلستانِ نعت ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کوجزائے خیر عطا کرے

آمین

 

آمین جزاک اللہ ۔۔ اللہ تعالیٰ آپ کو سلامت رکھے آمین