اک خواب میرے آباواجداد نے دیکھا تھا اک خواب میں نے دیکھا ہے

جواب: اک خواب میرے آباواجداد نے دیکھا تھا اک خواب میں نے دیکھا ہے

شکریہ جی اتنی اچھی تحریر کا

 

جواب: اک خواب میرے آباواجداد نے دیکھا تھا اک خواب میں نے دیکھا ہے

محمد یاسر علی جی ۔
آپ کی تحریر سے وطن کی محبت اور اس کے موجودہ نامساعد حالات پر دکھ واضح طور پر جھلکتا ہے۔ اس نسل پر بہت سی وطن کی بہتری کے لیے اقدامات کرنے کے حوالے سے بہت سی ذمہ داریاں ہیں۔ اللہ کریم ہم سب کو ان ذمہ داریوں کو سمجھنے کی توفیق عطا فرمائے۔ اور وطن پاکستان کی تعمیر و ترقی میں اپنا حصہ ڈالنے کی توفیق بھی عطا فرمائے۔ آمین

 

جواب: اک خواب میرے آباواجداد نے دیکھا تھا اک خواب میں نے دیکھا ہے

یاسر بھائی بہت شکریہ ایک فکر انگیز تحریر ہمارے ساتھ شئیر کی۔

میں آپ کی بات سے مکمل اتفاق کرتے ہوئے صرف دو باتوں کو آگے بڑھاؤں گا۔

نمبر 1 لیڈر۔ ہمارے اجداد کو بے لوث لیڈر مل گئے۔کیا یہ لیڈر یوں ہی مل گئے یا ایک صدی جھیلی جانے والی مشکلات میں سے ابھرے؟ 1857 کی جنگ آزادی جس کو فرنگی نے بغاوت ہند کا نام دیا کے بعد مسلمانوں پر عرصہ حیات تنگ ہوا۔ لیکن جب ہم 1947 کے لیڈروں کو دیکھتے ہیں تو کوئی لیڈر ایسا دکھائی نہیں دیتا جو یہ لیڈرشپ وراثت میں لیکر چلا آیا ہو۔ تمام لیڈر عوام میں سے ابھرے اور عوام کی سطح پر سوچنے کی اہلیت رکھتے تھے۔کوئی بھی پٹا ہوا کم نظر مہرہ ان میں‌شامل نہ تھا۔ جبکہ آج ہم انہیں آزمائے ہوئے نااہلوں کو دوبارہ آزمانے میں لگے ہوئے ہیں۔پرانے چہرے کے دوبارہ آنے پر ہم مٹھائیاں بانٹتے ہیں اور جب نیا آ کر بھی وہی قصہ دہراتا ہے تو go-----go کا نعرہ مارتے ہوتے پھر پہلے والے کو خوش آمدید کہتے ہیں اور جلد ہی اگلے کے لیے گو کا نعرہ شروع۔ آج تک come-----come کا نعرہ ہم نہیں لگا سکے۔نااہل لیڈرشپ کا المیہ تب تک جاری رہے گا جب تک ہم پٹے ہوئے مہروں کو برطرف نہیں کریں گے۔
نمبر2 عوام۔ عوام افراد کا مجموعہ ہے اور فرد کے شعور سے عوام میں شعور پیدا ہوتا ہے۔آج ہمارے لیے تعلیم نوکری کے حصول کی سیڑھی ہے۔بھیڑ چال ہمارہ وطیرہ ہے۔ہم ہر عمل روزگار کو سامنے رکھ کر کرتے ہیں۔اپنے فائدے کے لیے ہم دوسرے کا نقصان کرنے سے گریز نہیں کرتے۔قدرت کا اصول ہے کہ جیسے عوام ہوں گے ویسے ہی ان کے لیڈر ہوں گے۔

اس سلسلے میں آپ میری یہ پوسٹ پڑھیں۔
http://www.oururdu.com/forums/showpost.php?p=432526&postcount=4

 

جواب: اک خواب میرے آباواجداد نے دیکھا تھا اک خواب میں نے دیکھا ہے

کیا کرنا ہے کے سوال پر ہم لاجواب ہو جاتے ہیں۔
اس لیے کہ خود عمل کرنے سے کہیں آسان دوسرے پر الزام دھر دینا ہے۔ہمارے اجداد نے خواب دیکھا، محنت کی، قربانیاں دیں اور خواب کو پورا کر دکھایا۔ مگر ہم۔۔۔۔۔ ہم تو خواب دیکھنے سے ہی گریزاں ہیں اور اگر کوئی خواب دیکھتا بھی ہے تو آب و دانہ سے آگے نظر ہی نہیں جاتی۔ ہمارے بزگوں کا خواب اسلام اور مسلمانوں کو غیروں کے استبداد سے نجات دلانے کا تھا اور ہمارے خواب ڈاکٹر، انجینئر، نوکری، پیسہ، عیش کے گرد گھومتے ہیں۔ہمارے اجداد نے مشترکہ خواب دیکھا اور ہم انفرادی خواب دیکھتے ہیں۔
ہم اپنے دائرہ اختیار میں عمل کرنے کے بجائے دوسرے کی بے عملی کو جواز بناتے ہیں۔اگر حاکم وقت خاموش اور مصلحت پسند ہے تو ہم بھی تو اپنے گھر کے حاکم ہیں۔اپنی حکم میں ہم بھی تو مصلحت پسند ہیں۔اگر حکومت اپنی عیاشی کے لیے آئی ایم ایف کا سہارا لیتی ہے تو ہم بھی تو نئی کار خریدنے کے لیے بینک سے سود پر قرضہ لیتے ہیں۔
ہم کیا کریں اسکا جواب بہت سادہ ہے۔پر اس پر عمل بہت مشکل۔کسی لیڈر، حکومت، مولوی یا نظام پر تنقید کرنے سے پہلے اپنے گریبان میں دیکھیں۔ جو توقع میں دوسرے سے رکھتا ہوں کیا اپنے دائرہ اختیار میں خود اس کو اختیار کیے ہوئے ہوں۔اگر نہیں تو پہلے خود کو تبدیل کریں۔اپنے حلقہ اثر کو تلقین سے نہیں عمل سے بدلیں اور پھر دیکھیں حالات کیسے تبدیل ہوتے ہیں۔

 

جواب: اک خواب میرے آباواجداد نے دیکھا تھا اک خواب میں نے دیکھا ہے

کسی ملک میں کئی صوبے یا ریاست ہوتے ہیں ان کے ڈویژن پھر ضلع، تحصیل، کونسل، گاؤں، دیہات، ڈاکخانے اور ان انتظامی جگہوں میں‌انسان بستے ہیں۔۔۔۔۔۔۔۔۔۔اور ہر انسان اپنے معاشرے میں رہتے ہوئے۔۔۔۔کسی خاندان کا حصہ ہوتا ہے۔۔۔۔۔اور یہ یہ خاندان مزید خاندانوں سے جڑے ہوئے ہوتے ہیں۔۔۔۔۔ایک خاندان کے اندر ایک شخص۔۔۔۔۔۔جب بدلنے کی کوشش کرے گا۔۔۔۔تو اثر خاندان پر پڑتا ہے۔۔۔۔پھر چلتے چلتے ایک دن پورے معاشرے میں اثرات مرتب ہوتے ہیں۔۔۔۔۔۔ہم کئی دہائیوں کا رونا تو خوب روتے ہیں۔۔۔۔مگر کیا کیا ہے۔۔۔۔۔۔۔۔۔اس پر ابھی بھی بحث و مباحث کے کئی محافل گرم ہیں۔۔۔۔۔۔۔۔ہونی چاہیے۔۔۔کہ غور و فکر کی دعوت توقرآن میں بھی دی گئی ہے۔۔۔۔۔مگر اس غور و فکر سے سبق جب تک نہیں سیکھیں گے اور سیکھ کر عمل کرنے کی کوش ۔۔۔۔۔۔اجتماعی نہ سہی۔۔۔۔انفرادی سطح پر جب تک اس کا اطلاق نہیں ہوگا۔۔۔۔کچھ بھی نہیں بدلے گا۔۔۔۔۔۔۔۔ہاں رونے والے بدلتے رہیں گے۔۔۔۔۔۔۔۔۔۔۔رونا بھی اچھی بات ہے۔۔۔۔۔مگر کبھی کبھی ۔۔۔۔۔ہر وقت کا جس ہنسنا بربادی ہے۔۔۔۔۔۔۔۔غفلت ہے۔۔۔۔۔۔اسی طرح ہر وقت کا رونا بھی کاہلی ہے۔۔۔۔۔۔۔۔۔۔۔۔۔سستی ہے۔۔۔۔۔۔اور کاہل و سست لوگ جانب منزل چلتے نہیں۔۔صرف دیکھتے ہیں۔۔۔۔۔۔۔۔حقیقت یہ ہے کہ منزل اسے ملتی ہے جو چلتا بھی ہے۔۔۔۔۔۔دیر سویر کوئی بات نہیں۔۔۔۔۔مگر چلنا شرط ہے نا کہ صرف دیکھنا۔۔۔۔۔۔۔یاسر بھائی فکر انگیز تحریر کے لیے بہت بہت شکریہ۔۔۔۔۔۔۔واصف بھائی آپ تبصرے بھی ہمیشہ کی طرح شاندار ہیں۔