اک بھٹکتا سا مسافر ترے در پر آیا ۔۔۔ سبحان الدین گل بخشالوی

اک بھٹکتا سا مسافر ترے در پر آیا
میرے اللہ ! تیرے گھر کا گدا گر آیا

تیرے محبوبﷺ کا پیغام ہے یہ اُمت کو
ہے معاف اُس کی خطا جو ترے گھر پر آیا

میں نے میلاد میں جب ذکر محمدﷺ چھیڑا
میرے گھر میں تری رحمت کا سمندر آیا

میں بھی ملنے کو گیا تجھ سے ترے کعبے میں
رنگ آنکھوں میں ترے عشق کا میں بھر آیا

گلؔ مہکنے لگا ایمان کا گلشن دل میں
میرے ہونٹوں پہ جو وہ کالا سا پتھر آیا
٭٭٭
گلستانِ نعت ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین