اپنے ماضی کو اگر واپس بھی لا سکتے ہو تم

احسان دانش

اپنے ماضی کو اگر واپس بھی لا سکتے ہو تم
حال کے چہرے کا ہر دھبہ مٹا سکتے ہو تم
ملک کس گنتی میں ہے دنیا پہ چھا سکتے ہو تم
گھن گرج توپوں کی چنگھاڑیں دبا سکتے ہو تم
ہو جو توحید و رسالتﷺ پر تمہیں کامل یقیں
غم کے طوفانوں میں گھر کر مسکرا سکتے ہو تم
تم اگر دوہرائو اپنے بھولے بسرے زمزمے
موت کے سازوں سے آوازیں ملا سکتے ہو تم
ڈھونڈ لو اپنا اگرکھویا ہوا خلق عظیم
آسماں جاہوں کو قدموں پر جھلا سکتے ہو تم
​