اپنے لہو دا گارا لا کے، چاواں نال اساری

اپنے لہو دا گارا لا کے، چاواں نال اساری ۔
ہڑ دا پانی روک سکی نہ، کچی کندھ وچاری ۔

واہ دم اپنا ہندا جہڑا، ہر ویلے دا ساتھی،
اوکھے ویلے کم نہیں آؤندی، اس دنیاں دی یاری ۔

اج کل سچ دا سودا لبھنا، ڈاہڈھا مشکل ہویا،
دنیاں اتے کوڑاں دے ہن، پھردے ڈھیر وپاری ۔

اکھیاں وچّ جگراتے کٹے، لا کے سینے یاداں،
سکھ دے پنچھی ساڈے دیشوں، اڈّ گئے مار اڈاری ۔

دل دی کھیتی سکّ جاوے تاں، پھیر ہری نہ ہووے،
آؤندے جاندے موسم دس گئے، مینوں وارو واری ۔

دھرتی اتے بندے چمکن، اسماناں 'تے تارے،
ربا تیری قدرت کیتی، خوب قصیدہ کاری ۔

ڈاڈھیاں نال پریتاں لا کے، 'صابر' کی کھٹیا ای،
توں تاں اپنے پیراں اتے، آپ کہاڑی ماری ۔
​