اُن پہ اللہ کرم کرتے ہیں ۔۔ سبحان الدین گل بخشالوی

اُن پہ اللہ کرم کرتے ہیں
رات کو آنکھ جو نم کرتے ہیں

دل کی تختی پہ مقدس کعبہ
اپنی آنکھوں سے رقم کرتے ہیں

کیسے دیکھیں کے وہ چہرہ ہم بھی
میرے اللہ !یہ غم کرتے ہیں

زیر کرتے ہیں سدا دشمن کو
ہم تو اُونچا ہی علم کرتے ہیں

اپنے ہر زخم پہ مرہم کے لیے
اپنے قرآن کا دم کرتے ہیں

گلؔ عبادت کا ہے دعویٰ جن کو
جو بھی کرتے ہیں وہ کم کرتے ہیں
٭٭٭
گلستانِ نعت ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین