اُنﷺ کی رحمت کا کچھ شمار نہیں ۔۔ شیخ صدیق ظفرؔ

اُنﷺ کی رحمت کا کچھ شمار نہیں
کوئی بھی اُنؐ سا غم گسار نہیں

کیوں نہ ایمان ہو مرا کامل
اُنؐ سے بڑھ کر کسی سے پیار نہیں

آپؐ رحمت ہیں عالمیں کے لیے
منتخب کوئی اِک دیار نہیں

آپؐ کی ذات، فخرِ موجُودات
صرف میرا ہی افتخار نہیں

ہے جمالِ حضورﷺ آنکھوں میں
اِس سے بڑھ کر کوئی وقار نہیں

آپؐ کا پیار جس نے جیت لیا
اس کی قسمت میں کوئی ہار نہیں

جب سے دیکھا ظفرؔ! رُخِ زیبا
دیدہ و دِل پہ اختیار نہیں
٭٭٭
خزینۂ حمد و نعت ﷺ ۔۔۔ شیخ صدیق ظفرؔ​

 

اللہ تعالیٰ آپ کو بھی جزائے خیر عطا کرے آمین

 

کیوں نہ ایمان ہو مرا کامل
اُنؐ سے بڑھ کر کسی سے پیار نہیں
سبحان اللہ ۔ جزاک اللہ

 

جب سے دیکھا ظفرؔ! رُخِ زیبا
دیدہ و دِل پہ اختیار نہیں
بہت خوب سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین