انڈونیشیا زلزلہ -کل 188 ہلاک

جزیرہ سموا میں سونامی سے زبردست تباہی، 113 ہلاک، انڈونیشیا میں خوفناک زلزلہ، 75 افراد مارے گئے



اپایا/ جکارتہ(جنگ نیوز) بحرالکاہل میں آنے والے زلزلے کے بعداٹھنے والی سونامی کی لہروں نے آسٹریلیا اور نیوزی لینڈ کے قریب واقع جزیرے سموا اور انڈونیشیا کے جزیرہ سماٹرا میں خوفناک زلزلے نے تباہی مچا دی ہے۔ جزیرہ سموا میں 113 افراد ہلاک ہو گئے جبکہ جزیرہ سماٹرا میں زلزلے سے75 افراد ہلاک ہوگئے۔متعدد دیہات صفحہ ہستی سے مٹ گئے، ہلاک ہونے والوں میں کئی غیر ملکی بھی شامل ہیں ریکٹر اسکیل پر سونامی زلزلے کی شدت.3 8ریکارڈ کی گئی۔ ابتدائی اطلاعات کے مطابق سونامی کے بعد سینکڑوں افراد لاپتہ ہیں۔ ہزاروں افراد نے اونچی جگہوں پر پناہ لے کر جان بچائی۔ سموا جزیرے میں آنے والی سونامی کی لہریں تقریباً 25فٹ تک بلند تھیں جس کے بعد ہر طرف سیلابی پانی کھڑا ہوگیا۔ سموا کے اسپتال ذرائع نے بتایا کہ تقریباً 70 دیہات سونامی کی لہروں کے راستے میں آئے۔دوسری طرف انڈونیشیا کے جزیرہ سماٹرا میں ریکٹر سکیل کے مطابق 7.9کی رفتار سے آنے والے زلزلے سے بڑے پیمانے پر عمارتیں تباہ ہو گئیں اور یاڈانگ شہر میں کئی ہوٹل تباہ ہو گئے ہوائی میں واقع سونامی وارننگ مرکز نے انڈونیشیا ملائشیا بھارت اور تھائی لینڈ میں سونامی کی وارننگ جاری کی تھی جسے بعد میں منسوخ کر دیا گیا، متاثرہ علاقوں میں آفٹر شاکس کا سلسلہ جاری ہے جس کے بعد مزید سونامی کی وارننگ جاری کی گئی ہے۔


جنگ نیوز سے لیا ۔

 

انا للہ وانا الیہ راجعون۔

اللہ تعالی انسانیت پر رحم فرمائے۔ آمین

 

اناللہ واناالیہ راجعون