انقلاب کی چاپ شروع ہوچکی ۔۔ زیبا نورین کی تحریر

بشکریہ روزنامہ وقت 7 جولائی2014

 

انقلاب ہمیشہ انقلابی لوگوں کا مرہون منت ہوتا ہے۔اور یہ انقلابی لوگ وہ ہوتے ہیں جو عوام میں سے ہوں اور عوام سے براہ راست رابطے میں ہوں۔ان لوگوں کی صفت ہوتی ہے کہ وہ سر پر کفن باندھ پر اس راہ پر نکلتے ہیں اور پھر ان کے قول و فعل کی صداقت کے باعث خود بخود عوام ان کے ساتھ جڑتے چلے جاتے ہیں۔

انقلاب پانی کا ایسا ریلہ ہوتا ہے جو اپنی طاقت اس طرح حاصل کرتا ہے کہ وہ آگے ہی آگے بڑھتا چلا جاتا ہے اور جیسے جیسے یہ آگے بڑھتا ہے اس کی طاقت میں بے پناہ اضافہ ہوجاتا ہے جس کے سامنے کوئی سا بھی بند باندھے نہیں مزاحمت کرسکتا۔

ابھی پاکستان میں برپا ہونے والے انقلاب کی تیاریوں آثارا دکھائی دیتے ہیں مگر اس میں راہنمائی کے لئے کوئی کڑا امیدوار سامنے نہیں آیا۔

مولانا طاہر القادری صاحب ممکن ہے انقلاب کے لئے نقارہ ثابت ہوجائیں مگر انقلاب کی کامیابی کسی اور کے سر پہ ہوگی۔

عبدالقیوم خان غوری۔
​

 

موت جیسی بےحسی اور شرمناک حد تک غفلت کا شکار اس قوم کو جگانے کے لیے اگر طاہرالقادری یا اسکے کارکنان شہادت بھی پاجائیں ۔ جیسا کہ ماڈل ٹاؤن دہشتگردی سے آغاز ہوچکا ہے
اور قوم انکے بعد بھی انقلاب کے لیے جاگ جائے تو خسارے کا سودا نہیں۔
کیونکہ یہی سبقِ کربلا ہے۔ بظاہر یزیدیت کے خلاف سیدنا امام حسین رضی اللہ عنہ اور انکے رفقائے کار جامِ شہادت نوش کرگئے۔ بظاہر یزیدی فوج جیت گئی ۔ اور اس وقت کوفی قوم غفلت اور منافقت کا شکار رہی۔ لیکن بعد میں شہادتِ حسین رضی اللہ عنہ رنگ لائی اور قوم کو شعور اور بیداری نصیب ہوگئی۔

ڈاکٹرطاہرالقادری اسلام آباد لانگ مارچ 2013 میں آئینی اصلاحات کے لیے اور بعد میں 11مئی 2013 کو الیکشن میں نہ جانے کی کال دے کر اس غافل قوم کو جھنجھوڑ چکے ہیں
لیکن اس قوم نے انکی صدا پر کان نہیں دھرا۔ ڈاکٹرقادری کے چند لاکھ ورکر اپنی جان ہتھیلی پر لے کر سڑکوں پر نظر آتے رہے۔ چونکہ اس قوم نے اپنا مقدر بدلنے کے لیے ڈاکٹرقادری کا ساتھ نہ دیا ۔ بلکہ انہی لٹیروں، انہی چوروں، ڈاکوؤں اور ٹھگوں کے بنائے ہوئے کرپٹ نظام کو استحکام دیتے رہے۔ یا پھر کوفی کردار اپنا کر گھروں میں بیٹھے رہے۔ چنانچہ ڈاکٹرقادری کو اپنے مقاصد میں کامیابی نہ ہوسکی۔
نتیجہ قوم نے دیکھ لیا۔
وہی ذلت، وہی رسوائی، وہی مہنگائی، وہی کرپشن، وہی لوڈ شیڈنگ، وہی دہشتگردی، وہی جھوٹے وعدے، وہی فراڈ، وہی ڈرامے بازیاں، وہی ذلیل و جھوٹے لوگ ایوانِ اقتدار میں اور قوم ذلت و رسوائی کے گڑھوں میں۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈاکٹر قادری ایک بار پھر اپنے لاکھوں کارکنوں کے ہمراہ اس قوم کو روشن اور باعزت مستقبل دینے کے لیے اس ظالمانہ نظام کو للکارنے والے ہیں۔
اگر اس دفعہ بھی قوم نہ نکلی تو عین ممکن ہے کہ ڈاکٹرقادری اپنی اور ہزارہا کارکنان کی قربانی دے کر انقلاب کی داغ بیل ڈآل جائیں۔
اور اگر قوم کا بیسیواں حصہ (20کروڑ میں سے 1 کروڑ) بھی ڈاکٹرقادری کے ساتھ کھڑا ہوگیا ۔۔۔۔۔۔۔۔۔۔۔۔۔۔ تو پوری قوم کی طرف سے فرضِ کفایہ ادا ہوجائے گا۔۔۔ اور قوم انقلاب سے ہمکنار ہوجائے گی

دیکھنا یہ ہے کہ ہم کوفی بنتے ہیں ۔۔۔۔۔۔۔۔۔۔۔ یا حسینی بنتے ہیں ۔۔۔۔۔۔۔۔۔۔۔۔۔۔۔۔۔ یا ظالم یزیدی کردار کا ساتھ دینے والے

 

میں آپ کی رائے کی قدر کرتا ہوں۔
لیکن دیگر جماعتوں کے مقابلے میں ڈاکٹرقادری کے ورکرز و کارکنان کے معتدل رویے اور مدلل و معقول گفتگو کی اپنے پرائے ٹاک شوز اور اپنے کالموں میں بارہا ذکر کرچکے ہیں۔
تاہم تربیت کے میدان میں " کاملیت" کبھی نہیں ہوتی ۔ بلکہ مہد سے لحد تک تربیت اور سیکھنے کا عمل جاری و ساری رہتا ہے۔

رہ گئی یہ بات کہ پہلے پوری قوم کی تربیت کرکے اسے نیک سیرت و باکردار بنا دیا جائے تو یہی انقلاب ہوتا ہے۔ تو میرے بھائی قوتِ نافذہ حاصل کیے بغیر پوری قوم کی تربیت کبھی ممکن نہیں ہوتی۔
تبلیغی جماعت کم و بیش ڈیڑھ سو سال سے انفرادی و اجتماعی خطوط پر اصلاحی کام کررہی ہے۔۔۔۔۔۔۔۔۔۔ کامیابی ؟؟؟؟
دعوتِ اسلامی گذشتہ ربع صدی انہی خطوط پر عمل پیرا ہے ۔۔۔۔ نتیجہ ؟؟؟؟
بھوک ، افلاس ، مجبوری و انتقام ایسے عناصر ہیں جو انسان کو جرم تو کیا کفر تک بھی لے جاتے ہیں۔
جس معاشرے میں بھوک ہو، افلاس ہو، بنیادی حقوق کی فراہمی ناپید ہو، انصاف نہ ہو، وہاں پر انسانیت دم توڑ جاتی ہے۔ انسان درندگی کے جرائم کی طرف نکل جاتا ہے۔
آپ گردے بیچ کر ، بلکہ اپنی نوزائیدہ بیٹیاں بیچنے والوں، سیالکوٹ کے دو معصوم نوجوانوں کے وارثوں سے، ڈگریاں جلا کر ڈاکو بننے والوں اور ماڈل ٹاؤن کے شہدا کے وارثوں کو لاکھ تبلیغ کرلیں۔
جب تک ان کے گھر میں چولہا نہیں جلے گا، جب تک انصاف نہیں ملے گا، جب تک تحفظ نہیں ملے گا اور جب تک انہیں اپنا اور اپنی نسلوں کے مستقبل محفوظ نظر نہیں آئے گا ۔۔ کوئی تبلیغ، کوئی نصیحت ان پر اثر نہیں کرے گی۔
یہی وجہ سے سیرتِ رسول صلی اللہ علیہ وسلم سے لے کر تاریخ اسلام کے ہر مثالی حکمران نے اپنے اپنے دور میں عوام الناس کو انکے بنیادی حقوق کی فراہمی کو یقینی بنایا۔مواخاتِ مدینہ ۔۔ معاشی اصلاحات کا ایجنڈا تھا۔ فتح مکہ کے بعد لاتثریب علیکم الیوم ۔کے ذریعے ہر مسلم و غیر مسلم کو جان و مال کے تحفظ کی یقین دہانی کرائی گئی ۔ ازاں بعد خلفائے راشدین نے بھی اسلامی معاشرے سے بھوک، غربت افلاس کو ختم کرنے اور جملہ بنیادی حقوق میسر کرنے کو پہلی ترجیح رکھا۔ سیدنا فاروق اعظم رضی اللہ عنہ کے فرمودات مسلمان تو کجا، غیر مسلم بھی مشعلِ راہ بنائے ہوئے ہیں۔ المختصر ۔ ایک خوشحال مسلمان معاشرہ ہی اپنے پڑوسی کے بارے میں بہتر سوچ سکتا ہے۔ اور معاشی انقلاب دراصل عین اسلامی انقلاب ہے۔ہاں جب ہر کسی کو عزت، روزگار، انصاف، علاج، رہائش سمیت جملہ بنیادی حقوق اپنی چوکھٹ پر مہیا ہوجائیں ۔۔۔ پھر اسلامی سزاؤں پر کڑا عمل درآمد ہونا چاہیے۔۔ پھر اگر کوئی چوری کرے تو ہاتھ کاٹ دیے جائیں۔ جیسا کہ سیدنا فاروق اعظم رض کے دور میں ہوا کرتا تھا۔
البتہ یہ ایک حکمت ہوتی ہے کہ ڈاکٹرقادری کا سارا ایجنڈا ۔۔۔ عین اسلامی ہونے کے باوجود ۔۔۔ اسکا ٹائیٹل ، اسکا عنوان ۔۔۔ عوامی رکھا گیا ہے !!! شاید یہ خطے اور بین الاقوامی حالات کا تقاضا و حکمت ہوسکتی ہے۔

 

اپنا اپنا فلسفہ ہے ۔۔۔ ہر کسی کو اسکے پرچار کا حق ہے ۔ یہی جمہوریت اور رواداری کہلاتا ہے
لیکن جب ایک مقتدر طبقہ یا حکمران جماعت ، ایک جماعت یا ایک طبقہ کے فلسفے ، نظریات سے اختلاف ہونے پر ۔۔ سرکاری طاقت ۔۔( جو کہ دراصل عوام کی حفاظت کے لیے ہوتی ہے)۔۔ سے نہتے عوام کو محض ''اختلاف رائے'' کی وجہ سے گولیوں سے بھوننا شروع کردے ۔۔۔ تو ہر انصاف پسند باشعور ذہن مقتدر حکمرانوں کو ہی ظالم لکھے گا۔

 

اگر انبیائے کرام علیھم السلام ، صحابہ کرام اور امام حسین رض سمیت ان ہستیوں کو ۔۔ سیرت و کردار کے لیے مشعلِ راہ کا درجہ دیا جائے ۔۔
تو ہر ایک ، تعلیم و تربیت کرنے والا تھا۔معلم تھا، مصلح تھا، مفکر تھا، دانشور تھا۔ بعد ازاں سیاست بھی کی ۔۔ اقتدار سنبھالا ۔۔ یا اہلِ باطل کے اقتدارکو للکارا ۔
عجیب سوچ ہے کہ اہل دیانت، اہل علم ، اہل اصلاح کو صرف مسجدوں، مدرسوں ،سکولوں تک محدود کردیا جائے
اور اقتدار جہاں سے پورا معاشرتی نظام ترتیب پانا ہوتا ۔۔ وہاں پر خوشی خوشی چور لٹیرے، ڈاکو، قاتل اور رسہ گیروں کو نہ صرف بٹھادیا جائے بلکہ انہی سے ہر خیر کی توقع بھی رکھ جائے۔

باطل کے اقتدار میں ۔۔ تقویٰ کی آرزو ؟؟؟؟
ہےکیاحسیں فریب جو کھائے ہوئے ہیں ہم

کوفی بھی پر امن تھے۔۔ انہوں نے بھی امام حسین رض کے حق میں تلواریں نہیں نکالی ۔۔۔ خاموش تماشائی رہے۔۔۔ بظاہر امام حسین رض اپنے خانوادے اور ساتھیوں کے ساتھ ۔۔ یزید کے باطل اقتدار سے ٹکرا کر شہادت پا کر بظاہر ناکام ہوگئے۔۔۔ یزیدیوں نے فتح کے جشن منائے ۔۔ امام حسین رض کے سر مبارک اور اہلبیت اطہار رض کے خاندان کو گلیوں میں گھمایا ۔۔۔
لیکن یہ ناکامی ۔۔ حسینی قافلے کی ناکامی نہ تھی ۔۔۔ بلکہ کامیابی تھی ۔۔ شہید ، شہادت پا کر بھی ناکام نہیں ہوتا۔۔۔ وہ اپنے خون سے ایسے دیے جلا جاتا ہے جس سے بعد میں آنے والی نسلیں روشنی حاصل کرتی ہیں۔۔۔
بعد ازاں تاریخ نے ثابت کردیا کہ امام حسین سب کچھ لٹا کر بھی زندہ جاوید بن کر حق کی علامت بن کر امر ہوگئے۔۔ اور باطل بظاہر بازی جیت کر بھی ابدی لعنت ملامت کا حقدار بن گیا۔
مصر کےاندر اخوان المسلمین کی تحریک کے ساتھ جو ہوا ۔۔ وہ بھی جلد یا بدیر انشاءاللہ اہل حق کی کامیابی ہی کامیابی ہے۔ ۔۔ ہمیں کوفیوں اور بزدلوں کی طرح کسی بھی طرح ان عظیم شہیدوں پر طعن و تشنیع نہیں کرنا چاہیے۔ بالکہ جن ظالموں نے ان معصوم نہتے عوام کے خون سے ہولی کھیلی ۔۔ انکے ظلم کی مذمت کرنا چاہیے۔۔۔ یہی انسانیت سکھاتی ہے۔
ہم اگر بےحس ہوگئے تو کوئی بات نہیں۔۔ آج جو لوگ ہمارے حقوق کے لیے جانیں اور قربانیاں دے رہے ہیں۔ جلد یا بدیر ۔۔ ہم نہیں تو ہماری اگلی نسلیں ضرور جاگیں گی ۔۔ ان چند ہزار وڈیروں، جاگیرداروں سرمایہ داروں اور رسہ گیروں کے بنائے ہوئے باطل نظام کا خاتمہ ضرور ہوگا جس کے تحت مٹھی بھر اشرافیہ کروڑوں عوام کی تقدیر کی مالک بنی بیٹھی ہے۔ ۔۔ سرحدوں کی آزادی آسانی سے مل جاتی ہے۔۔ لیکن ذہنی آزادی کے لیے کئی نسلیں درکار ہوتی ہے۔۔ ہماری قوم فی الوقت ۔۔ ذہنی غلامی ۔۔ کا شکار ہے۔