اللہ رے فیضِ عام شہِ خوش نگاہ کا ۔۔۔ ایاز صدیقی

اللہ رے فیضِ عام شہِ خوش نگاہ کا
ذروں کو رنگ و نور دیا مہر و ماہ کا

اُس کی بلندیوں کی کوئی انتہا نہیں
دربان جبرئیل ہو جس بارگاہ کا

مشاّطگیِ باغِ جہاں آپ ہی سے ہے
"بے شانۂ صبا نہیں طرّہ گیاہ کا"

مجھ پر بھی ہے نگاہِ کرم شہرِ علم کی
مدحت سرا ہوں میں بھی شہِ عرش جاہ کا

اذنِ سفر ملے تو چُنوں ایک ایک خار
ہر خار برگِ گل ہے مدینے کی راہ کا

شہرِ نبیﷺ کی آب و ہوا چاہئے مجھے
دار الشفا وہی ہے مِرے اشک و آہ کا

آیا خیالِ گنبدِ خضرا جہاں ایاز
جلووں سے بھر گیا وہیں دامن نگاہ کا
٭٭٭
ثنائے محمدﷺ ... ایاز صدیقی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین