افغانستان میں 1ماہ میں 37 امریکی فوجی ہلاک

ماہِ رواں میں ہلاک ہونے والےامریکی فوجیوں کی تعداد 37ہوگئی​

افغانستان میں تعینات امریکی فوج کا کہنا ہے کہ اس کا ایک اورفوجی اتوارکے روز عسکریت پسندوں کے حملے میں ہلاک ہوگیا تاہم اس واقعے کی مزید تفصیلات نہیں بتائی گئیں۔ جب کہ جنوبی صوبے ہلمند میں اتحادی افواج میں شامل استونیا کے دو فوجی اس وقت ہلاک ہوگئے جب سڑک کنارے نصب بم سے ان کی گاڑی ٹکرائی۔
واضح رہے کہ ماہِ رواں کے شروع میں ہونے والے تشدد کے تازہ واقعات میں اب تک امریکہ کے 37فوجی ہلاک ہوچکے ہیں جب کہ گزشتہ ماہ امریکی افواج کے لیے 2001ء کے بعد سے اب تک کا ہلاکت خیز مہینہ ثابت ہوا جس میں اس کے 44 فوجی اپنی جان سے ہاتھ دھوبیٹھے۔ یورپ کے چھوٹے سے ملک استونیا کے 289 فوجی افغانستان میں اتحادی افواج میں شامل ہیں اور اب تک اس کے چھ فوجی مختلف کارروائیوں میں مارے جاچکے ہیں۔
افغانستان میں دوبارہ سے بڑھتی ہوئی تشدد کی لہر سے نمٹنے اور امن وامان کی صورت حال کو قابو میں رکھنے کے لیے امریکی صدر نے اس سال مزید 21ہزار فوجی بھیجنے کا اعلان کیا تھا اور امریکی فوج کے اعلیٰ کمانڈروں نے اس کے بعد پیش گوئی کی تھی کہ سال رواں میں موسم گرما ہلاکت خیز ثابت ہوسکتا ہے۔


وائس آف امریکہ نیوز ۔

 

یہ زمین امریکی استعمار کا قبرستان ثابت ہوگی ۔ انشاءاللہ

 

اِنشااللہ
۔۔۔۔۔۔۔۔۔۔۔۔۔۔۔

 

نعیم بھائی یہ تعداد اس سے کہیں زیادہ ہے۔۔۔۔۔۔۔۔۔ افغانستان میں امریکی فوجی اتنے شدید ذہنی دباؤ کا شکار ہیں کہ خود کشی تک کرنے کو تیار بیٹھے ہیں۔ سب یہ سمجھتے ہیں کہ اب ہم یہاں سے نہیں نکل سکتے۔ فوج نے آپریشن خنجر میں جن علاقوں پر قبضہ کیا تھا۔ وہ تمام علاقے طالبان نے واپس حاصل کر لئے ہیں۔ اور اب وہ ان کے مر کزوں پر حملے کر رہے ہیں۔ اور میں زدید حیران ہوں طالبان نے اپنی طاقت کو جس خوبصورت انداز سے استعمال کیا ہے مجھے کہنا پڑے گا کہ امریکی فوج کا ایک چوتھائی ضرور افغانستان میں کام آئے گا۔ طالبان کی لڑائی کی تیکنیک سے امریکہ اور نیٹو فوجی حیرت سے دانتوں میں انگلیاں دبائے بیٹھے ہیں۔ ادھر طالبان آہستہ آہستہ اس تھکی ہوئی فوج کے خلاف جارحانہ موڈ بناتے جا رہے ہیں۔ اور اگر امریکہ یہاں سے نہ نکلا تو جو میں دیکھ رہا ہوں امریکہ کے پاس کھونے کو بھی کچھ نہیں بچے گا۔۔۔۔۔۔۔۔۔۔۔

 

انشاءاللہ علی عمران بھائی ۔
بشرطیکہ اگر خدانخواستہ (خاکم بدہن) اس وقت امریکیوں‌کو پاکستان میں "جمہوریت اور ایٹمی اثاثوں کی حفاظت" کے مشن پر پاکستان منتقل نہ کردیا گیا تو۔۔۔۔۔۔۔۔۔ "
ویسے عراق میں امریکی فوجیوں کی خودکشیوں کے واقعات کی خبریں تو تسلسل سے آرہی ہیں ۔ وہ لوگ ، بےمقصد فوج کشی، انجانے دشمن کے خوف کےباعث شدید ذہنی تناؤ کا شکار ہوچکے ہیں اور کئی تو ایسی حالت میں خود کشی کر چکے ہیں۔