اسلام آباد:unoدفتر میں خودکش حملہ۔5 ہلاک

اسلام آباد:اقوام متحدہ کے دفتر میں خود کش دھماکا،غیر ملکی سمیت4ہلاک ​

اسلام آباد . . . اسلام آباد میں عالمی امدادی ادارہ ، ورلڈ فوڈ پروگرام کے دفتر میں خود کش دھماکے سے ایک عراقی نژاد مرد اور دو خواتین سمیت تین پاکستانی جاں بحق گئے ،، دھماکے میں ادارے کے سات افراد بھی زخمی ہوئے۔ اسلام آباد کے سیکٹر ایف ایٹ تھری میں واقع ، ورلڈ فوڈ پروگرام کے دفتر میں دھماکہ آج دوپہر تقریبا سوا بارہ بجے ہوا ۔ دھماکے سے عمارت کے گراؤنڈ فلور کا داخلی مقام شدید متاثر ہوا ،، دھماکے کے بعد وہاں عمارت میں آگ بھی لگ گئی ، ، واقعہ کی اطلاع ملتے ہیں قانون نافذ کرنے والے اداروں کے حکام ، امدادی ادارے کے کارکن فوری وہاں پہنچے اور زخمیوں کو پمز اسپتال منتقل کیا گیا ۔ اسپتال حکام نے بتایا ہے کہ دھماکے میں مرنے والے بوٹان نامی عراقی شخص اور دو پاکستانی خواتین ملازمین مس گل رخ اور فرزانا کی لاشیں اسپتال لائی گئیں ، ، چوتھے زخمی عابد الرحمن نے ایک نجی اسپتال میں دم توڑا ، ، دھماکے میں سات افراد شدید زخمی ہوئے جن میں چار پاکستانی شامل ہیں جن میں عاطف ، منیر ، وہاب اور آل طاہر شامل ہیں ۔ پولیس حکام کے مطابق یہ واقعہ خودکش حملہ ہوسکتا ہے کیونکہ جائے وقوعہ سے دو ٹانگیں اور ایک سر بھی ملا ہے ، ، متاثرہ دفتر میں تقریبا اسی افراد کام کرتے ہیں جن میں 20 سے زائد غیر ملکی بھی شامل ہیں ۔ ذرائع نے بتایا ہے کہ دھماکے کے بعد پاکستان میں موجود اقوام متحدہ کے دیگر تمام عملہ کی نقل و حرکت روک دی گئی ہے اور ان کو رابطوں میں بھی مزید محتاط رہنے کی ہدایت کی گئی ۔ وفاقی وزیرداخلہ نے تحقیقات کے لئے ڈی آئی جی کی سربراہی میں مشترکہ ٹیم تشکیل دے دی ، ، ذرائع نے جیو نیوز کو بتایا ہے کہ دھماکے کے وقت عمارت کی سکیورٹی کے لئے نجی ایجنسی کے 19 اور پولیس کے 8 اہل کار متعین تھے۔

جنگ نیوز میں‌پڑھی ہے۔

 

افسوس ناک خبر ہے۔۔۔ اللہ رب العزت جاں بحق ہونے والوں کی مغفرت فرمائے۔۔ آمین اور ان کے لواحقین کو صبر جمیل عطا فرمائے۔۔۔۔۔۔۔۔۔آمین۔۔۔

 

انا للہ وانا الیہ راجعون۔
واقعی دکھ بھری اور افسوس ناک خبر ہے۔ پاکستان کا نام عالمی سطح پر مزید بدنام ہوگا۔

نور العین بہنا۔خبر ارسال فرمانے کا شکریہ ۔

 

انا للہ وانا الیہ راجعون۔
کچھ عرصہ امن امان رہنے کے بعد پھر سے وہی خود کش حملے شروع ہوگئے ہیں۔
اللہ تعالی پاکستان اور اُس میں رہنے والے سب پاکستانیوں کی حفاظت کرئے اور اپنی حفظ و امان میں رکھے۔ آمین

 

خدا تعالی پاکستان کی حفاظت کرے اور کیا کہیں اب اس پہ اب

 

وہی قاتل ، وہی شاہد، وہی منصف ٹھہرے
اقرباء میرے کریں خون کا دعویٰ کس پر ؟؟ ​