اردو املا- آئیے اپنی اردو درست کریں

جواب: اردو املا- آئیے اپنی اردو درست کریں

ماشاءاللہ کافی اچھی معلومات مہیا کی گئیں ہیں

شکریہ محبوب خان صاحب۔۔۔جیتے رہیں

 

جواب: اردو املا- آئیے اپنی اردو درست کریں

اگر آپ اس لڑی کو شروع سے پڑھنے کی کوشش کریں تو آپ کی سمجھ بھی اس کی دسترس میں‌ہے۔:sad0126:

 

جواب: اردو املا- آئیے اپنی اردو درست کریں

گول "ۃ" والے عربی کے متعدد لفظ حیاۃ، نجاۃ، رحمتہ وغیرہ۔ اردو میں "ت" سے رائج ہیں۔ انھیں سب لوگ بلا تکلف حیات، نجات، رحمت وغیرہ لکھتے ہیں۔ مناسب ہے کہ ایسے لفظ "ت" سے ہی لکھے جائیں، جیسے: حیات، ممات، نجات، بابت، مسمات، تورات وغیرہ۔

بعض فارسی الفاظ اردو میں‌فارسی ہی کے طریقے پر اور کبھی اس سے مختلف انداز میں لکھے جاتے ہیں۔ اردو تو یکساں اصول اختیار کرتے ہوئے ایسے الفاظ کا یہ املا مناسب ہے: آئندہ، جوئندہ، نمائندہ، آزمائش، نمائش، آلائش، آرائش، آسائش وغیرہ۔
ہمزہ سے لکھے جانے والے کچھ عربی الفاظ یہ ہیں:‌لائق، فائق، شائع، حائل، مائل،رسائل، حقائق، مسائل، عقائد وغیرہ۔

چلنے، چھوڑنے اور پارکردینے کے معانی میں‌گذار دن، گذشتن اور گذاشتن کو ان سے بننے والے لفظوں کو "ذ" سے لکھا جائے، جیسے: گذشتہ، سرگذشت، رہ گذر، گذرگاہ، درگذر، رفت گذشت، واگذاشت وغیرہ۔

ادا کرنے، پیش کرنے اور شرح کرنے کے معانی میں‌گزرادن مصدر اور اس سے بننے والے الفاظ "ز" سے لکھے جائیں گے، جیسے: نماز گزار، تہجد گزار، خدمت گزار، شکر گزار، عرضی گزار، گزارش۔اگر گزارش کو "گذارش" لکھیں گے تو یہ گذاشتن سے مشتق قرار پائے گاور اس کے معنی ہوں گے "چھوڑنا"۔

پذیر فتن یعنی قبول کرنا سے پذیرائی، دل پذیر، اثر پذیر وغیرہ صحیح ہے نہ کہ پزیرائی، دل پزیر، اثر پزیر وغیرہ۔

گزیدن یعنی پسند کرنا، قبول کرنا اور گزیدن یعنی کانٹا، ڈنگ مارنا۔۔سے بننے والے لفظ "ز" سے صحیح ہیں:
جاگزیں، خلوت گزیں، برگزیدہ، مردم گزیدہ، مارگزیدہ وغیرہ۔

گزرنا، گزارنا اردو کے مصدر ہیں۔ ان سے بننے والے لفظ "ز" سے لکھے جائیں گے مثلاً: گزرا، گزرا ہوں، گزرجانا، گزارا۔۔شکر خدا کا کہ گزارا ہورہا ہے۔۔۔، گزربسر، گزار لینا، گزار دینا وغیرہ۔
خیال رہے کہ اردو، ہندی اور انگریزی کے الفاظ ہمیشہ "ز" سے لکھی جائیں گی۔

 

جواب: اردو املا- آئیے اپنی اردو درست کریں

جزاک اللہ خان جی ۔
آپ کی بدولت اردو زبان کی بہت سی معلومات حاصل ہو رہی ہیں۔
اللہ کریم آپ کے علم میں مزید اضافہ فرمائے۔ آمین

 

جواب: اردو املا- آئیے اپنی اردو درست کریں

بہت بہت شکریہ بلال بھائی۔

 

جواب: اردو املا- آئیے اپنی اردو درست کریں

بعض مرکب الفاظ کے املا میں‌غلطی کی جاتی ہے، مثلاً: عبدالطیف اور رحمت اللعالمین غلط ہے صحیح صورت یہ ہے: عبداللطیف اور رحمت للعالمین

بعض ہم آواز الفاظ کے املا کا تعیّن ، ان کے معانی کے اعتبار سے ہوتا ہے، مثلاً:
گلا۔۔۔۔۔۔۔۔۔۔۔۔۔۔۔۔گلہ بمعنی شکایت
بیغا بمعنی سفید، روشن۔۔۔۔۔ بیضہ ۔انڈا
نالا۔ندی۔۔۔۔۔۔۔۔۔۔۔نالہ۔فریاد
زرہ۔چھوٹا ٹکڑا۔۔۔۔۔۔۔۔زرا۔قلیل، تھوڑا
مسل۔فائل۔۔۔۔۔۔۔۔۔مثل
لالہ۔گل لالہ۔۔۔۔۔۔۔۔لالا ۔لقب
زہرا۔حضرت فاطمہ کا لقب۔۔زُہرہ۔۔پِتّا، دلیری، ہمت
دانہ۔بیج، دانہ گندم۔۔۔۔۔۔۔دانا۔عقلمند
آسیا۔چکی۔۔۔۔۔۔۔۔۔۔۔۔آسیہ۔فرعون کی بی بی کا نام
پارہ۔ٹکڑا، حصہ۔۔۔۔۔۔۔۔پارا۔سیماب
خاصہّّ۔یہ عربی لفظ ہے معنی: طبیعت، عادت۔۔۔۔خاصا۔بہ معنی اضافہ، جیسے اچھا خاصا۔۔۔۔۔خاصہ۔وہ نفیس چیز جو بادشاہوں اور امرا و وزرا کے لائق ہو۔ شاہی دسترخوان کا کھانا، ایک قسم کا سفید کپڑا۔ان سب معنوں میں آتا ہے۔

لفظ "ہندوستان" عام طور پر بغیر "واو" کے پڑھا جاتا ہے۔ لہذا اس طرح اگر لکھا جائے تو بہتر ہے :ہندستان۔۔۔البتہ شاعری میں‌اسے واو اور آخر میں ں کے ساتھ بھی لکھا اور پڑھا جاسکتا ہے۔

بعض انگریزی الفاظ کا درست لفظ کی ادائیگی کے لیے املا اگر یوں لکھا جائے تو بہتر ہے:
بنک ۔۔۔۔۔نہ کہ ۔۔۔۔بینک
بائبل۔۔۔۔۔نہ کہ۔۔۔۔بائیبل
انجنیر۔۔۔۔نہ کہ۔۔۔۔۔انجینیر وغیرہ

 

جواب: اردو املا- آئیے اپنی اردو درست کریں

اب املا سے ہٹ کر کچھ باتیں:

اردو کتابوں، رسالوں اور عبارتوں میں‌ہندسے بھی اردو ہی میں‌لکھنا مناسب ہوگا جیسے:
۱،۲،۳،۴،۵،۶،۷،۸،۹،۰ ۔۔۔۔۔۔۔۔نہ کہ 1234567890

بعض انگریزی کے الفاظ، اب اردو کے الفاظ بن چکے ہیں۔ ان کی جمع اردو نہ کہ انگریزی قاعدے کے مطابق بنائی اور لکھی جائے گی۔ مثلاً: سکول/سکولوں ۔۔۔۔۔نہ کہ۔۔۔۔۔سکولز
یونی ورسٹی/یونی ورسٹیوں۔۔۔نہ کہ۔۔۔۔۔یونی ورسٹیز
کالج/کالجوں۔۔۔۔۔۔نہ کہ۔۔۔۔کالجز
چیلنج/چیلنجوں۔۔۔۔۔نہ کہ۔۔۔۔۔چیلنجز
پروگرام/پروگراموں۔۔۔نہ کہ۔۔۔۔پروگرامز
جج/ججو۔۔۔۔۔۔۔۔۔نہ کہ۔۔۔۔۔ججز
وغیرہ

خیال رہے کہ سکول، کالج، پروگرام، ہسپتال اور جج واحد ہیں مگر بخوبی اردو میں‌جمع کے معنوں‌میں‌بھی استعمال ہوتے ہیں۔

اب آخر میں یہ بتادو ں کہ اس لڑی میں اب تک املا وغیرہ کے جن پہلووں پر بحث کی گئی ہےوہ صرف اور صرف تجاویز ہیں۔۔۔۔کوئی عمل کرے یا نہ کرے۔۔۔۔اپنی مرضی پر منحصر ہے ۔۔۔ہاں اگر سب کوشش کریں تو معیار بندی کے قاعدے کے مطابق مزید درستگی ہوتی جائے گی۔۔۔۔۔یہ مواد ایک کتابچہ بہ نام"صحتِ املا کے اصول" ڈاکٹر رفیع الدین ہاشمی، ادارہ مطبوعات سلیمانی، سال اشاعت: اپریل ۲۰۰۹ء سے لی گئیں ہیں۔۔۔۔لہذا اس کے تمام حقوق اور دعوی ملکیت مصنف اور ادارہ ہذا کے ہیں۔

میں نے یہاں اس لیے ارسال کیے ہیں تاکہ آن لائن لوگ اس سے مستفید ہوسکیں۔۔۔۔۔یاد رہے کہ میرےپاس جو کتابچہ ہے اس کی قیمت مبلغ ۵ روپے درج ہے۔۔۔۔مگر مجھے میرے ایک مہربان نے بطور تحفہ پیش کیا۔۔۔۔سو ہم اس کم خرچے سے بھی بچ گئے۔۔۔۔۔۔اور مجھے یقین ہے کہ میرے مہربان کو ان کے استاذ ۔۔۔۔یعنی کتابچہ کے مصنف ڈاکٹر رفیع الدین ہاشمی نے بھی بطور تحفہ دیا ہوگا۔۔۔قیاس ہے۔

 

جواب: اردو املا- آئیے اپنی اردو درست کریں

نعیم بھائی ڈاکٹر رؤف پاریکھ صاحب نے اردو حروف تہجی کے بارے لکھا ہے کہ
اردو کے حروف تہجی کی کیا تعداد ہے؟ کاش میں اس سوال کا جواب دے پاؤں۔ لیکن حقیقت یہ ہے کہ یہ ایک دوسو سالہ پرانا قضیہ ہے۔لیکن جس بات نے مجھے مجبور کیا کہ میں اس کے بارے کچھ کہوں تواس کی وجہ مقتدرہ قومی زبان جو پاکستان میں اردو کے حوالے سے ایک مقتدر ادارہ ہے کے مطابق ۵۸ ہے۔ حالانکہ کئی اس تعداد سے متفق نہیں ہونگے۔

یہ مضمون انگریزی میں ہے۔ ربط دے رہا ہوں تاکہ آپ براہ راست روزنامہ ڈان کی ویب گاہ پر خود ملاحظہ کرسکیں۔

کہنے کا مطلب یہ ہے کہ اگر مسئلے بیان کرنے پر آئیں تو حروف تہجی سے بات شروع ہوتی ہے اور پھر املا کی باری۔ اس کی ایک وجہ ہے کہ اب بھی کئی لوگ ہیں جن کے مطابق اگر کوئی لفظ عربی یا فارسی سے اردو میں‌مستمل ہوجاتی ہے تو وہ لوگ جن کا شعبہ عربی یا فارسی ہے وہ عربی کے ان الفاظوں کو بجائے کہ اب اردو میں استعمال ہورہے ہیں انھیں اردو کا سمجھیں ۔۔۔۔۔۔۔وہ لفظوں کو اصل زبان کی طرف لے جاتے ہیں جہاں‌سے اختلاف پیدا ہونے شروع ہوجاتے ہیں۔ گو کہ اختلاف میں بھی برکت ہے اگر درست سمت میں ہو۔۔۔۔۔مگر یہاں سے مختلف سوچیں در آتی ہیں اور ہر صاحب علم اپنی علمیت کے حوالے رخ متعین کرنے کی کوشش کرتا ہے۔

جہاں تک اس بات کا تعلق ہے کہ باعث تشویش تو بجا فرمایا۔۔۔۔۔مگر باعث اطمینان پہلو یہ ہے کہ ہمارے پاس کئی جہتوں سے کسی بھی ایک طرز کو اپنانے کا اختیار ہے۔

اس کے علاوہ دنیا میں کم از کم دو زبانیں ایسی ہیں جو اپنے معروضی معنویت کی وجہ سے اس طرح کے مسائل کے شکار ہیں۔ ایک جاپانی اور دوسری اردو۔ جاپانی زبان کی وجہ تو یہ ہے کہ جاپانی قوم اظہار کے معاملے میں اپنے رویے کی وجہ سے لیت و لعل سے کام لیتے ہیں جس کہ وجہ سے ان کے کہے یا لکھے ہوئے جملے کا انداز بیان غیر حتمی سا معلوم ہوتا ہے۔۔۔۔۔۔۔۔۔۔۔مگر اردو چونکہ مختلف قوموں کے درمیان رابطہ اور علم کی زبان ہونے کہ وجہ سے اس میں انداز بیان اور معنی کے کئی پہلو در آئے کہ اس کے استعمال کرنے والے مختلف معاشروں سے تعلق کی وجہ سے استعمال تو کرتے رہے مگر ساتھ ساتھ اس کی رنگینی نے کچھ سنگینی کا رخ اختیار کیا۔ صرف خط کے انداز کو دیکھیں کہ کس قدر تیزی کے ساتھ نسخ سے تعلیق ۔۔۔۔پھر دونوں کے ملاپ سے نستعلیق یعنی جہاں‌ کئی مسائل کا سامنا ہے تو وہیں ان مسائل کی وجہ سے اس زبان نے ترقی کے مراحل بھی طے کیے۔۔۔۔۔۔اس لیے ان مسائل کو اب تو کئی صاحب علم لوگ اردو کی رنگینی قرار دے رہےہیں۔

 

جواب: اردو املا- آئیے اپنی اردو درست کریں

محبوب بھائی حاضر ہوں

 

جواب: اردو املا- آئیے اپنی اردو درست کریں

حاضر ہوں ھارون بھائی۔

 

اگلے دسمبر میں

 

نعیم بھائی۔۔۔۔کچھ مزید مواد ملا تو ارسال کردوں گا۔۔۔انشاء اللہ
ھارون بھائی۔۔۔۔سدابہاری جواب کے لیے بے حد شکریہ

 

ابھی دسمبر دور است

 

جو قاعدہ بیان ہوا ہے۔۔۔اس کی رو سے آپ نے درست لکھا۔۔۔جہاں تک مذکورہ بالا لفظ کا تعلق ہے۔۔۔۔۔وہ بظاہر ٹائپنگ غلطی ہے۔۔۔۔۔اس لیے درستگی کے لیے شکریہ۔

 

اس طرح بھی یہ استعمال میں ہے۔۔۔مگر کئی جگہ پر صوتی مسائل درپیش ہوتے ہیں۔۔۔۔۔۔۔۔بالکل اسی طرح۔۔۔۔۔واحد اور جمع کو ایک طرف کرکے جو تلفظ ہے۔۔۔۔کسی انگریزی یا عربی لفظ یا دیگر زبان کے لفظ کے۔۔۔۔۔وہ بھی اصل میں رہنا ممکن نہیں ہوتا اس کی وجہ یہ ہے کہ ہر خطے کی ایک آوازیں مختلف ہیں۔۔۔اس لیے ادائیگی کے فرق سے بھی وہ لفظ اصلی نہیں رہتا۔۔۔۔۔اس لیے اگر سہولت کی غرض سے واحد سے جمع کسی قاعدے کی تجویز بھی بس ایک سفارش کی حیثیت رکھتی ہے۔۔۔۔کیونکہ اردو تو ہے لشکری زبان۔