اتحاد امت، ایک ناقابل تسخیر قلعہ

حضرت سیدنا ابوذرغفاری (رض) فرماتے ہیں کہ رسول اللہ :saw: نے ارشاد فرمایا کہ : جو شخص جماعت سے بالشت بھر جدا ہوا، اس نے اسلام کا پٹہ اپنی گردن سے نکال دیا“ (احمد، ابو داؤد)
اس حدیث نبوی :saw: میں مسلمانوں کو باہم متحدہ یعنی ایک جماعت کی صورت میں رہنے کا حکم دیا گیا ہے۔ اور تاکید کی گئی ہے کہ وہ مسلمانوں کی جماعت (یعنی وسیع تر) برادری سے ایک لمحہ کے لیے بھی الگ نہ ہوں۔ کیونکہ اگر وہ مسلمانوں کی جماعت سے الگ ہوئے تو انکا یہ الگ ہونا ایسا ہی ہے جیسے وہ اسلام کے دائرے سے باہر نکل گئے۔

مسلمانوں کا جماعت یعنی وسیع تر برادری سے منسلک رہنا اس لیے بھی ضروری ھے کہ حضور رحمت عالم :saw: کا ارشاد گرامی ہے کہ میری امت کی اکثریت کبھی گمراہی پر جمع نہیں ہو گی۔ گویا یہ بات امت مصطفو :saw: کی خصوصیات میں‌سے ہے۔ یہ تو ممکن ہے کہ امت کے افراد اعمال و کردار کے اعتبار سے بگاڑ کا شکار ہو جائیں لیکن یہ ممکن نہیں کہ مسلمانوں کی پوری جماعت کسی گمراہی پر متفق اور مجتمع ہو جائے۔ یہ امت مسلمہ پر اللہ تعالی کے انتہائی کرم ہے کہ وہ بحثیت جماعت ہمیشہ ہدایت اور نیکی پر متحد اور مجتمع رہے گی۔ اس لیے حضور :saw: نے مسلمانوں‌کو تاکید فرمائی کہ
“تم جماعت کو لازم پکڑو (اس لیے کہ) جماعت پر اللہ (کی حفاظت) کا ہاتھ ہے۔“
مسلمانوں کی جماعت سے نکل جانے والے کا کیا حشر ہوتا ہے اس کے بارے میں حضور
:saw: نے ایک مثال دے کر مسلمانوں کو متنبہ فرمایا کہ شیطان آدمی کے لیے بھیڑیا ہے۔ جیسا کہ بکری کا (دشمن) بھیڑیا ہوتا ہے جو موقع ملتے ہی اس بکری کو کھا جاتا ہے جو ریوڑ سے بھاگ نکلی ہو یا ریوڑ سے الگ ہو گئی ہو یا ریوڑکے کنارے پر ہو۔ اس لیے اے مسلمانو ! تم اپنی حٍاظت کے لیے ہمیشہ جماعت کے ساتھ رہو (عن معاذ بن جبل (رض))

۔۔۔(جاری ہے)۔۔۔۔

 

بہت اچھا مضمون ہے ۔ لیکن نعیم صاحب اسے مکمل کر دیجئے گا

شکریہ