اب زمانے سے کوئی شکوۂ بیداد نہیں ۔۔۔ ایاز صدیقی

اب زمانے سے کوئی شکوۂ بیداد نہیں
اب سوائے درِ اقدس مجھے کچھ یاد نہیں

اللہ اللہ مدینے کے سفر کا عالم
دشت میں ہے مجھے وہ عیش کہ گھر یاد نہیں

عالمِ حرص و ہوَس میں غمِ آقاﷺ کے سوا
سرخوشی کی کوئی صورت دلِ ناشاد نہیں

جب سے سرکارﷺ نے بخشا ہے شعورِ توحید
جز خدا کعبۂ دل میں کوئی آباد نہیں

صدمۂ ہجر سے دل محوِ فغاں ہے آقا !
یہ الگ بات کہ لب پر مِرے فریاد نہیں

آپ وہ مہرِ مجسم کہ نہ بھولے مجھ کو
میں وہ کمبخت جسے رسمِ وفا یاد نہیں

میری روداد کا عنوان ہے عشقِ سرکار
جس میں یہ وصف نہیں وہ مِری روداد نہیں

میرے کردار کی تعمیر کے بانی ہیں حضورﷺ
موجۂ آبِ رواں پر مِری بنیاد نہیں

للہ الحمد !حزیں ہیں میرے استاد ایاز
ہائے وہ شخص کہ جس کا کوئی استاد نہیں
٭٭٭
ثنائے محمدﷺ ... ایاز صدیقی​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین