اب حُسین سارے زمانے کو چاہیے (مظؔفر وارثی)

جرأت فصیلِ جبر گرانے کو چاہیے
اب حُسینسارے زمانے کو چاہیے

سجدہ اگر امام بھی ہو مقتدی بھی ہو
سجدے کے ساتھ سر بھی کٹانے کو چاہیے

اے راستے کی خاک یہ احسان تو ہی کر
زینب کے سر پہ چادر اڑھانے کو چاہیے

کاٹی گئی تھی خون سے گردن یزید کی
تلوار پھر وہ دھار لگانے کو چاہیے

نیزوں پہ سر، جلے ہوئے خیمے، اداس شام
اب اور کیا نبی کے گھرانے کو چاہیے

تھوڑے سے خوں سے نام مٹانا ہے ظلم کا
ٹھوڑا سا خوں چراغ جلانے کو چاہیے

جس میں مصوروں کا لہو ہو بھرا ہوا
تصویر ایسی آئینہ خانے کو چاہیے

دَھن کی ٹوٹتی رہیں گی تجوریاں
اِک چور غیرتوں کے خزانے کو چاہی​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین