آپﷺ کے نام سے موسوم ہے دیواں میرا ۔۔۔۔ ایاز صدیقی

آپﷺ کے نام سے موسوم ہے دیواں میرا
اللہ اللہ یہ شرف خواجۂ گیہاں میرا

رنگ و بُو ، لالہ و گل ، سرو و سمن جشنِ بہار
آپ میرے ہیں تو سارا ہے گلستاں میرا

آپ کا عشق ازل سے ہے مِرے دل میں مقیم
سب پہ ظاہر ہے یہ سرمایۂ پنہاں میرا

آپ کی مدح لکھے جاؤں یونہی تا بہ ابد
ساتھ چھوڑے نہ کبھی عمرِ گریزاں میرا

ہے محیطِ دل و جاں گنبدِ خضرا کا خیال
کیا بگاڑے گا بھلا وقت کا طوفاں میرا

آخرت کے لئے سامان بہم ہو ہی گیا
بن گئے اشکِ ندامت سرو ساماں میرا

ہے مطافِ دل و جاں اسمِ گرامی اُن کا
یہی قبلہ ، یہی کعبہ ، یہی ایماں میرا

اِس سے پہلے کہ کوئی پُرسشِ وحشت ہوتی
چھپ گیا دامنِ رحمت میں گریباں میرا

اللہ اللہ ایاز اُن کی عطا کا عالم
بھر دیا دولتِ کونین سے داماں میرا
٭٭٭
ثنائے محمدﷺ ... ایاز صدیقی​

 

صلی اللہ علیہ وآلہ وسلم
آخرت کے لئے سامان بہم ہو ہی گیا
بن گئے اشکِ ندامت سرو ساماں میرا​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ۔جزاک اللہ

 

اللہ تعالیٰ آپ کو بھی جزائے خیر عطا کرے آمین