آنکھوں کو میرے حسن تمنا نصیب ہو ۔۔۔قمر شاھدی سنگھاڑوی ویشالی بہار انڈیا

آنکھوں کو میرے حسن تمنا نصیب ہو​

شاہ زمن کا جلوۂ زیبا نصیب ہو

میں ہوں گناہگار و خطاکار یا خدا
سایہ مجھے بھی انکی ردا کا نصیب ہو

پھر میں بھی انکی نعت پڑھوں جھوم جھوم کر
حسان اور رضا کا جو صدقہ نصیب ہو

رو رو سناؤں حال دل بیقرار کا
اے کاش مجھ کو روضے پہ جانا نصیب ہو

ماں باپ جان و مال کروں ان پہ میں نثار
عشق نبی کا ایسا قرینہ نصیب ہو

ملتا رہوں میں آنکھوں پہ خاک در حضور
میرا بھی انکی گلیوں کے سگ سا نصیب ہو

تشنہ ہے تری دید کا مشتاق ہے قمر
تیری نگاہ ناز سے پینا نصیب ہو
-----
قمر شاھدی سنگھاڑوی ویشالی بہار انڈیا​

مجلہ پیام خواتین فیس بک گروپ کا تیرہواں آن لائن فی البدیہہ طرحی مشاعرہ
13 ستمبر تا 16 ستمبر 2018

​

 

رو رو سناؤں حال دل بیقرار کا
اے کاش مجھ کو روضے پہ جانا نصیب ہو​

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرےآمین

 

اللہ تعالیٰ آپ کو بھی جزائے خیر عطا کرےآمین