آج کا شعر

اسد بسمل ہے کس انداز کا، قاتل سے کہتا ہے
’تو مشقِ ناز کر، خونِ دو عالم میری گردن پر

 

آ ہٹ سی کوئی آئے تو لگتا ہے کہ تم ہو
سایہ کوئی لہرائے تو لگتا ہے کہ تم ہو
----------------
جاں نثار اختر

 

کچھ نہیں چاہئے تجھ سے اے مری عمرِ رواں
مرا بچپن، مرے جگنو، مری گڑیا لا دے​

 

آیا، جوتذکرے میں جہنّم کے میرا نام
حُوروں کو آرزُوئے مُلاقات ہوگئی

 

شاعری پیروں، فقیروں کا وظیفہ تھا کبھی
اب تو یہ کام فقط نام کمانے تک ہے​

 

اس میں تو پڑھی جاتی ہیں چہروں کی کتابیں
اس مکتبِ دل کے ہیں نصاب اور طرح کے

 

نکلی نہ جو دیدار کی حسرت تو یہ ہوگا
سر پھوڑ کے مر جائیں گے دیوار سے ، در سے

 

اسے نصیب کا لکھا ہی جانیے ورنہ
کہاں وہ یوسفِ کنعاں، کہاں برائے فروخت

 

قیدِ ہستی تک ہیں تیرے دامِ گیسو میں اسیر
تن سے سر آزاد ہو جائے تو ہوں آزاد ہم

 

یوں تو پتھر کی بھی تقدیر بدل سکتی ہے
شرط یہ ہے کہ اسے دل سے تراشا جائے

 

جس دن سے اپنا طرز فقیرانہ چھٹ گيا
شاہی تو مل گئ دل شاہانہ چھٹ گيا
مصطفیٰ زیدی

 

نہ شکایتیں نہ سوال ہے، کوئی آسرا نہ ملال ہے
تیری بے رخی بھی کمال تھی، میرا ضبط بھی کمال ہے

 

پیوست دل میں جب ترا تیرِ نظر ہوا
کس کس ادا سے شکوۂ دردِ جگر ہوا
جگر مراد آبادی

 

درد جب حد سے گذرتا ہے تو یہ ہوتا ہے
'آہ' میں 'واہ' کی تاثیر جھلک آتی ہے

 

یعنی ہوتا ہے کچھ نہیں ہونا
یعنی ہونے سے ماورا کچھ ہے

عمار اقبال

 

او بےنصیب دن کے تصور سے خوش نہ ہو
چولا بدل لیا ہے شبِ انتظار نے

 

خاک کر دے نہ یہ ریاکاری
تجھ کو گردوغبار کی صورت

افتخار راغب

 

سُنے وہ اور پھر کرلے یقیں بھی
بڑی ترکیب سے سچ بولتا ہوں
انور شعورؔ
۔

 

یہ ٹیھک ہے نہیں مرتا کوئی جدائی میں
خدا کسی کو کسی سے مگر جدا نہ کرے​

 

ہر فرد لاجواب تھا، ہر نقش بے مثال
مِل جُل کے اپنی قوم کی تصویر جو بھی تھی
جو سامنے ہے، سب ہے یہ،اپنے کیے کا پھل
تقدیر کی تو چھوڑئیے تقدیر جو بھی تھی

 

اک سخن اور کہ پھر رنگِ تکلم تیرا
حرفِ سادہ کو عنایت کرے اعجاز کا رنگ‬

 

کیا کہوں تاریکیِ زندانِ غم اندھیر ہے
پنبہ نورِ صبح سے کم جس کے روزن میں‌ نہیں
رونقِ ہستی ہے عشقِ خانہ ویراں ساز سے
انجمن بے شمع ہے گر برق خرمن میں نہیں

 

شاخیں رہیں تو پھول بھی، پتے بھی آئیں گے
یہ دن اگر برے ہیں تو اچھے بھی آئیں گے

 

مٹا سکی نہ انھیں روز و شب کی بارش بھی
دلوں پہ نقش جو رنگِ حنا کے رکھے تھے
)امجد اسلام امجد(

 

اور بیدار چل کہ یہ دنیا
شاطروں کی بساط ہے اے دل
مصطفے زیدی

 

دل روز سجاتا ہوں میں دلہن کی طرح سے
غم روز چلے آتے ہیں بارات کی مانند
محسن نقوی

 

جس آنکھ نے دیکھا تجھے اس آنکھ کو دیکھوں
ہے اس کے سوا کیا ترے دیدار کی صورت

 

دریا میں یوں تو ہوتے ہیں قطرے ہی قطرے سب
قطرہ وہی ہے جس میں کہ دریا دیکھائی دے​