حقیقی واقعات پر مبنی لطائف

بہت عرصہ پہلے اپنے بچپن کی خوشگوار یادوں میں ، میں نے اپنے ایک بھولے سے کزن بھائی کے کچھ سچے واقعات لکھے تھے۔
پچھلے دنوں اسی پیارے سے مگر بھولے سے کزن بھائی کو اللہ کریم نے پیاری سی بیٹی کی نعمت عطا کی۔ ان کے پہلے بھی ماشاءاللہ سے دو بچے ہیں ۔ ہسپتال سے فارغ ہونے کے بعد ہمارے کزن بھائی جب بل ادا کرنے لگے تو انکا 8 سالہ بیٹا بھی ساتھ تھا ۔ پاس ہی انکی بیوی اپنی نوزائیدہ بیٹی کے ساتھ تھیں۔ جب بل دے کے فارغ ہوئے تو بیٹا اپنے والد سے پوچھتا ہے کہ ہسپتال والوں کو کتنے پیسے دیے۔
والد نے بتایا " تقریبا 50ہزار روپے "
بیٹے نے ایک نظر نوزائیدہ بےبی کو دیکھا اور بولا۔" پاپا 50 ہزار میں اتنی پیاری بےبی کوئی مہنگی تو نہیں۔ آپ ابھی 50 ہزار دے کر ایک بےبی اور خرید لیں۔ "

یعنی ابا تو بھولا اور بیٹا بھی بھولا

 

،،،،،،،،،، یہ تو معصومیت کی انتہا ہے !!!!!!!!
نعیم بھائی آپ بھی بھولے ، آپ کے کزن بھی بھولے اور اس پہ ستم یہ کہ اگلی نسل کو بھی بھولپنے کے جراثیم منتقل کردیئے۔
اس پر تو بہت سے محاورے فٹ آسکتے ہیں، جیسے کہ
۔۔ بڑے میاں سو بڑے میاں، چھوٹے میاں سبحان اللہ
۔۔ اونٹ چالی تے بوتا پنتالی ( بوتا بےبی اونٹ کو کہتے ہیں)

 

اس سے کچھ ملتا جلتا ایک واقعہ میرے ساتھ بھی بیتا ہے
بیٹی کی پیدائش کے بعد ہسپتال کے بل وغیرہ کلئیر کروا رہا تھا تو دوسری 4 سالہ بیٹی ہمراہ تھی۔ دو تین جگہوں سے پیپر وغیرہ لیے اور اکاؤنٹس میں پیسے جمع کروا کر فارغ ہوئے تو بیٹی کہنے لگی کہ آپ نے ان کو پیسے کیوں دئیے ہیں۔ میں نے جواباً کہا کہ۔۔۔۔ بیٹا انھیں پیسے نہیں دوں گا ، تو یہ جو چھوٹی سی پیاری سی بہنا انھوں نے آپ کو دی ہے وہ ہمیں اپنے گھر نہیں لے کر جانے دیں گے۔۔۔
بات آئی گئی ہو گی۔
کوئی 3، 4 ماہ بعد کی بات ہے۔۔۔چھوٹی بیٹی مسلسل رو رہی تھی ۔۔کہ بڑی میرے پاس آئی اور کہنے لگی ۔۔۔پاپا ہسپتال والوں نے اتنے سارے پیسے بھی لیے اور اتنا زیادہ روں روں کرنے والی بہنا دے دی ، اسے واپس کر آئیں اور کوئی ایسی بہنا لے کر آئیں جو روتی نہ ہو۔

 

پھر ننھی گڑیا کی فرمائش پوری کی یا نہیں ۔۔۔۔۔۔۔۔۔۔۔۔ ؟

 

اب تو بس کر دئیے پیسے اکٹھے کرنے۔
4 سال بعد اللہ پاک نے گڑیا کو پیارا سا بھائی بھیج دیا۔ جو 11 اپریل کو ماشااللہ 3 برس کا ہو گیا ہے۔ اور بلکل بھی نہیں روتا۔۔۔بلکہ اس کوشش میں ہوتا ہے کہ باقی بچے روتے رہیں۔۔۔

​

 

آمین۔

 

نعیم چاچو سچی بتاؤ اپنا سچا لطیفہ کزن کےنام تو نہیں کردیا

 

ہمارے گاؤں میں ایک نیم پاگل ، نیم مجذوب سائیں لوک ہوا کرتا تھا۔ نام تو اس کا عبدالمجید تھا لیکن سب اس کو بامبا کہا کرتے تھے ۔ وہ سارا دن گلیوں میں دھیرے دھیرے گھوما پھرا کرتا تھا ۔ بے ضرر سا تھا ۔ کبھی کبھی لہر میں ہوتا تو ہر آنے جانے والے کو روک کے پوچھتا، کیا تم جاٹ ہو؟، تم گاؤں کے چودھری ہو؟
ایک دن مجھے روک کے پوچھنے لگ گیا، " کیا تم جاٹ ہو؟ ، گاؤں کے چودھری ہو؟
میں نے کہا، ہاں ! میں گاؤں کا چودھری ہوں۔
آگے سے وہ کہنے لگا، ہو گے تو اپنے گھر میں ہوگے ، میں کیا کروں ؟

 

سائیں لوک سے زیادہ کسی پنجابی سٹیج ڈرامے کا کردار لگتا ہے

 

آپ کئی مہینوں کی غیرحاضری کے بعد یہی پوچھنے آئے تھے ؟

 

فوجی اور وہ بھی گرم دوپہر میں ۔۔۔۔ یعنی بہت ہی فوجی

 

ہاہاہہاہاہاہاہاہاہاہہاہاہاہاہہاہاہاہاہہاہاہاہاہاہاہاہاہاہاہاہہاہاہاہاہاہاہاہاہاہہاہاہاہاہاہاہہاہاہاہاہاہاہاہہاہاہاہاہہاہاہاہاہہاہاہاہاہاہاہاہاہاہاہاہہاہاہاہاہاہاہاہاہاہہاہاہاہاہاہاہہاہاہاہاہاہاہاہہاہاہاہاہہاہاہاہاہہاہاہاہاہاہاہاہاہاہاہاہہاہاہاہاہاہاہاہاہاہہاہاہاہا

 

حسن رضا نے سوئی ہوئی لڑیاں جگانے کی مہم شروع کررکھی ہے

 

حسن رضا کئی سالوں بعد واپس تشریف لائے ہیں ۔ حقیقی واقعات کے لطیفے تو انکی طرف بہت سے بنتے ہیں

 

یہی ننھا بھولا کچھ دن پہلے پھر ایک کمال کا جملہ بول گیا۔
ہمارے اسی بھولے کزن کے پڑوس میں ایک بچی کی پیدائش ہوئی ۔ یہ ننھا بھولا اپنی ماں کے ہمراہ بچی دیکھنے پہنچ گیا۔ ننھی منی پیاری سی بچی دیکھ کر ننھے بھولے کے دل میں بھی ایک "مزید بہن" کی خواہش نے انگڑائی لی۔ وہیں کھڑے کھڑے اعلان فرمایا۔
" ہم بھی کل ہی جاکر ہسپتال Applicationدیتے ہیں کہ ہمارے لیے بھی ایک مزید ننھی سی بہن کا انتظام کیا جائے۔ "