لفظی تکرار والا شعر لکھیں

گر تو می خواہی کے باشی خوش نویس
می نویس ، می نویس ، و می نویس​

 

رسمِ الفت کو نبھائیں تو نبھائیں کیسے
ہر طرف آگ ہے دامن کو بچائیں کیسے

 

میری فضائے زیست پر ناز سے چھا گیا کوئی
آنکھ میں‌ آنکھ ڈال کر بندہ بنا گیا کوئی

 

جان دی، دی ہوئی اسی کی تھی
حق تو یہ ہے کہ حق ادا نہ ہوا

 

محفل میں بار بار کسی پر نظر گئی
ہم نے بچائی لاکھ مگر پھر اُدھر گئی

 

غم ِ زندگی سے فرار کیا،یہ سکون کیا یہ قرار کیا
غمِ زندگی بھی تو ہے زندگی ،گر نہیں ہے چین تو نہیں سہی

 

ہم نے تو غم کو سینے سے اپنے لگا لیا
غم نے ہمیں شکار کیا، ہائے کیا کیا

 

ہم بھی کیا سادہ تھے ہم نے بھی سمجھ رکھا تھا
غم دوراں سے جدا ہے غم جاناں جاناں

 

تغیراتِ زندگی کے مرحلے عجیب ہیں
پلی کہیں ،بڑھی کہیں، بسی کہیں ،مری کہیں

 

کچھ اور دردِ جاں گُسِل کچھ اور فکرِ بے کراں؟۔
نہیں اجی نہیں نہیں اجی نہیں اجی نہیں

 

نہ پوچھو نہ پوچھو تمہیں کیا بتاؤں
بڑی چوٹ کھائی، جوانی لُٹا دی

 

کچھ مجھے جرأت ہوئی‘ کچھ اُن کی آنکھیں جھک گئیں
ہوتے ہوتے یونہی اظہار تمنا ہوگیا

​

 

ہوئے نامور بے نشاں کیسے کیسے
زمیں کھا گئی آسماں کیسے کیسے

 

کیا جانوں دل کو کھینچے ہیں کیوں شعر میر کے
کچھ طرز ایسی بھی نہیں ایہام بھی نہیں
)میر تقی میر(

 

میرا خط پڑھ کے بولے نامہ بر سے جا خدا حافظ
جواب آیا میری قسمت سے لیکن لاجواب آیا

 

رات بھی‘ نیند بھی‘ کہانی بھی
ہائے کیا چیز ہے جوانی بھی

 

تو بچا بچا کے نہ رکھ اسےتیرا آئینہ ہے وہ آئینہ
کہ شکستہ ہو تو عزیز تر ہے نگاہِ آئینہ ساز میں

 

مجھ کو سوادِ خط نہیں اور عشق ہے دو حرف
جس کا نہ پیش ہے نہ زہر ہے نہ زیر ہے
)میر حسن(

​

 

تم یاد کرو پہلی ملاقات کی باتیں
میں پہلی ملاقات ذرا بھول گیا ہوں

 

تڑپ اٹھوں بھی تو ظالم تری دہائی نہ دوں
میں زخم زخم ہوں پھر بھی تجھے دکھائی نہ دوں

 

رازوں کی طرح اُترو مرے دل میں کسی شب
دستک پہ مرے ہاتھ کی کُھل جاؤ‘ کسی دن

​

 

جلےجاتے ہيں بڑھ بڑھ کر مٹے جاتے ہيں گر گر کر
حضور شمع پروانوں کی نادانی نہيں جاتی

 

قیامت کا تعلق ہے قیامت کی محبت ہے
میرے زخموں کی گویا جان ہے تیرے نمکدان میں
(حسرت موہانی)

​

 

ہونٹوں پہ کبھی ان کے میرا نام بھی آئے
آئے تو سہی برسر الزام ہی آئے
ادا جعفری