شعر مکمل کریں

جواب: شعر مکمل کریں

جو تھا برتاؤ دنیا کا وہی اس نے کیا مجھ سے
میں دنیا سے انوکھا کہ وہ کرتا وفا مجھ سے
سیماب۔

 

جواب: شعر مکمل کریں

انہیں اپنا نہیں سکتا، مگر اتنا بھی کیا کم ہے
کہ کچھ مدت حسیں خوابوں میں کھو کر جی لیا میں نے
ساحر لدھیانوی
۔۔۔۔۔۔۔۔۔۔۔۔۔
حبابِ موجہ رفتار ہے نقشِ قدم میرا

 

جواب: شعر مکمل کریں

میں اپنے آپ کو سُلگا رہا ہوں اس توقع پر
کبھی تو آگ بھڑکے گی کبھی تو روشنی ہو گی
(احمد ندیم قاسمی)

شمشیر سناں اول طاوس و رباب آخر۔

 

جواب: شعر مکمل کریں

آ تجھ کو بتاؤں تقدیرِ امَم کیا ہے
شمشیر و سناں اوّل طاوس و رباب آخر
۔۔۔۔۔۔۔۔۔۔۔۔۔
حبابِ موجہ رفتار ہے نقشِ قدم میرا

 

جواب: شعر مکمل کریں

نہ ہوگا یک بیاباں ماندگی سے ذوق کم میرا
حبابِ موجہ رفتار ہے نقشِ قدم میرا
--------------------------

سُنا ہے دل کو دل سے راہ ہوتی ہے

 

جواب: شعر مکمل کریں

میں ہی مکمل کر دیتا ہوں


چلو اُسے دل ہی دل میں چاہیں!!!
سُنا ہے دل کو دل سے راہ ہوتی ہے

-------------------------
اگلا مصرعہ
لوگوں نے پوچھ پوچھ کر بیمار کر دیا

 

جواب: شعر مکمل کریں

میں ہی مکمل کر دیتا ہوں


چلو اُسے دل ہی دل میں چاہیں!!!
سُنا ہے دل کو دل سے راہ ہوتی ہے

-------------------------
اگلا مصرعہ
لوگوں نے پوچھ پوچھ کر بیمار کر دیا

 

جواب: شعر مکمل کریں

افواہ تھی کے میری طبیعت خراب ھے
لوگوں نے پوچھ پوچھ کر بیمار کر دیا

یہ مکمل کریں

میں کسی شخص سے بیزار نھیں ھو سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔؟؟؟؟؟

 

جواب: شعر مکمل کریں

ایک ذرّہ بھی تو بے کار نہیں ہو سکتا

----------------------------
اگلا مصرعہ ہے:
ان طلسمات میں مُڑ کر نہیں دیکھا جاتا

 

جواب: شعر مکمل کریں

ہم نہ کہتے تھے کہ ہو جاو گے پتھر اک دن
ان طلسمات میں مڑ کر نہیں دیکھا جاتا
۔۔۔۔۔۔۔۔۔۔۔۔۔۔۔
اہل دل نے اُسے ڈُھونڈا ، اُسے محسوس کیا

 

جواب: شعر مکمل کریں

وہ جن کے ہوتے ہیں خورشید آستینوں میں
انہیں کہیں‌سے بلاؤ بڑا اندھیرا ہے
----------------------
وہ خواب، وہ نشہ، وہ فسوں کھا گئی ہوا

 

جواب: شعر مکمل کریں

کیا داستانِ عہدِ گذشتہ رقم کریں
وہ خواب، وہ نشہ، وہ فسوں کھا گئی ہوا
۔۔۔۔۔۔۔۔۔۔۔۔۔۔۔۔۔۔۔۔
پھول تھے رنگ تھے ،لمحوں کی صباحت ہم تھے

 

جواب: شعر مکمل کریں

پھول تھے رنگ تھے ،لمحوں کی صباحت ہم تھے
ایسے زندہ تھے کہ جینے کی علامت ہم تھے
-----------------------
غالب کا چلن عشق کی تقصیر میں ہوتا

 

جواب: شعر مکمل کریں

مرتا بھی جو اس پر تو اسے مار کے رکھتا
غالب کا چلن عشق کی تقصیر میں ہوتا
افتخار عارف
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمع کرنا تہِ مژگاں تجھے قطرہ قطرہ

 

جواب: شعر مکمل کریں

جمع کرنا تہِ مژگاں تجھے قطرہ قطرہ
رات بھر پھر تجھے ٹکڑوں میں روایت کرنا
------------------
سردی لگی تو خود کو دوبارہ پہن لیا

 

جواب: شعر مکمل کریں

بیدل حیدری کی اس غزل کا اک اک شعر مجھے بہت پسند ہے میں مکمل ہی پوسٹ کیے دیتا ہوں

دریا نے کل جو چپ کا لبادہ پہن لیا
پیاسوں نے اپنے جسم پہ صحرا پہن لیا

وہ ٹاٹ کی قبا تھی کہ کاغذ کا پیرہن
جیسا بھی مل گیا ہمیں ویسا پہن لیا

فاقوں سے تنگ آئے تو پوشاک بیچ دی
عریاں ہوئے تو شب کا اندھیرا پہن لیا

گرمی لگی تو خود سے الگ ہو کے سو گئے
سردی لگی تو خود کو دوبارہ پہن لیا

بھونچال میں کفن کی ضرورت نہیں پڑی
ہر لاش نے مکان کا ملبہ پہن لیا

بیدل لباسِ زیست بڑا دیدہ زیب تھا
اور ہم نے اس لباس کو الٹا پہن لیا
------------------------
اگلا مصرعہ

سانس چلتی ہے کہ زنجیر زنی ہوتی ہے

 

جواب: شعر مکمل کریں

میرے سینے سے ذرا کان لگا کر دیکھو!
سانس چلتی ہے کہ زنجیر زنی ہوتی ہے
----------------------------
اگلا مصرعہ
ہار کر بیٹھ گئے جال بچھانے والے

 

جواب: شعر مکمل کریں

دل سا وحشی کبھی قابو میں نا آیا یارو
ہار کر بیٹھ گئے جال بچھانے والے
------------------------------
فصل گل کتنے قریب آئی ہے ، اندازہ ہوا

 

جواب: شعر مکمل کریں

درد پھر جاگا، پرانا زخم پھر تازہ ہوا
فصلِ گُل کتنے قریب آئی ہے، اندازہ ہوا
-------------------
گِر جاؤ گے تم اپنے مسیحا کی نظر سے

 

جواب: شعر مکمل کریں

گِر جاؤ گے تم اپنے مسیحا کی نظر سے
مر کر بھی علاجِ دلِِ بیمار نہ مانگو
۔۔۔۔۔۔۔۔۔۔۔۔۔۔
اِتنے سِتم اُٹھا کے تُو زِندہ ہے کِس طرح

 

جواب: شعر مکمل کریں

کہنا غلط غلط تو چھپانا صحیح صحیح
قاصد کہا جو اس نے بتانا صحیح صحیح
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم کہاں کے دانا تھے، کس ہنر میں یکتا تھے

 

جواب: شعر مکمل کریں

ہم کہاں کے دانا تھے، کس ہنر میں یکتا تھے
بے سبب ہوا غالب دشمن آسماں اپنا
------------------------
پتھر بھی نہیں اب وہ، ستارا تھا جو اک شخص

 

جواب: شعر مکمل کریں

گُم صُم ہوا، آواز کا دریا تھا جو اک شخص
پتھر بھی نہیں اب وہ، ستارا تھا جو اک شخص
۔۔۔۔۔۔۔۔۔۔۔۔۔۔۔۔۔۔
میرا ہی کچھ غبار ہے، دنیا کہیں جسے

 

جواب: شعر مکمل کریں

میں ہوں ازل سے گرم رو عرصہء وجود
میرا ہی کچھ غبار ہے، دنیا کہیں جسے
-----------------
طائرِ دل کے ذرا پَر تو نِکل لینے دو

 

جواب: شعر مکمل کریں

طائرِ دل کے ذرا پَر تو نِکل لینے دو
اس پرندے کو بھی آنا ہے تہ دام ابھی
(عدیم ہاشمی(
۔۔۔۔۔۔۔۔۔۔۔۔۔۔
اگلہ مصرعہ
پہلے اپنے آنگن میں‌بیٹیاں جلا دینا

 

جواب: شعر مکمل کریں

طائرِ دل کے ذرا پَر تو نِکل لینے دو
اس پرندے کو بھی آنا ہے تہ دام ابھی
(عدیم ہاشمی(
۔۔۔۔۔۔۔۔۔۔۔۔۔۔
اگلہ مصرعہ
پہلے اپنے آنگن میں‌بیٹیاں جلا دینا

 

جواب: شعر مکمل کریں

پھر بہو جلانے کا حق تمہیں پہنچتا ہے
پہلے اپنے آنگن میں بیٹیاں جلا دینا
---محسن بھوپالی ---
۔۔۔۔۔۔۔۔۔۔۔۔۔۔۔۔۔۔۔
گرتے ہوئے شجر بھی سخی اِنتہا کے تھے