لفظ “شام “ پر شعر لکھیں

جواب: لفظ “شام “ پر شعر لکھیں

ہائے کیا یہ شامِ ملاقات آئ
لب پہ مشکل سے تیری بات آئ

ناصر کاظمی

 

جواب: لفظ “شام “ پر شعر لکھیں

تو ہے سورج تجھے کیا معلوم رات کا دکھ
تو کسی روز میرے گھر میں اتر شام کے بعد

 

جواب: لفظ “شام “ پر شعر لکھیں

دل ناامید تو نہیں ناکام ہی تو ھے
لمبی ھے غم کی شام مگر شام ہی تو ھے

 

جواب: لفظ “شام “ پر شعر لکھیں

اٹھ کہ خورشید کا سامانِ سفر تازہ کریں
نفسِ سوختہء شام و سحر تازہ کریں

 

جواب: لفظ “شام “ پر شعر لکھیں

چھوڑ آئے ھو سرشام اسے کیوں ناصر
اسے پھر گھر سے بلا لاؤ کہ کچھ رات کٹے


ناصر کاظمی

 

جواب: لفظ “شام “ پر شعر لکھیں

درد کی شاخِ تہی کاسہ میں اشکوں کے نئے پھول کھلے
دل جلی شام نے پھر مانگ بھری ہم نفسو شکر کرو

 

جواب: لفظ “شام “ پر شعر لکھیں

پھر وہی شام ' وہی غم' وہی تنہائی ہے
دل کو سمجھانے' پھر تیری یاد آئی ہے

 

جواب: لفظ “شام “ پر شعر لکھیں

دل بھی بھرا ہو شام کی پرچھائیاں بھی ہوں
مر جایئے جو ایسے میں تنہائیاں بھی ہوں

 

جواب: لفظ “شام “ پر شعر لکھیں

اس شام وہ رخصت کا سماں یاد رہے گا
وہ در ، وہ کوچہ ، وہ مکاں یاد رہے گا
وہ ٹیس کہ اٹھی تھی ادھر یاد رہے گی
وہ درد کہ اٹھا تھا وہاں یاد رہے گا

 

جواب: لفظ “شام “ پر شعر لکھیں

آنکھوں کا رنگ، بات کا لہجہ بدل گیا
وہ شخص ایکشام میں کتنا بدل گیا

کُچھ دن تو میرا عکس رہا آئینے پہ نقش
پھریوں ہُوا کہ خُود مِرا چہرا بدل گیا
جب اپنے اپنے حال پہ ہم تم نہ رہ سکے
تو کیا ہوا جو ہم سے زمانہ بدل گیا

قدموں تلے جو ریت بچھی تھی وہ چل پڑی
اُس نے چھڑایا ہاتھ تو صحرا بدل گیا
کوئی بھی چیز اپنی جگہ پر نہیں رہی
جاتے ہی ایک شخص کے کیا کیا بدل گیا!

اِک سر خوشی کی موج نے کیسا کیا کمال!
وہ بے نیاز، سارے کا سارا بدل گیا
اٹھ کر چلا گیا کوئی وقفے کے درمیاں
پردہ اُٹھا تو سارا تماشا بدل گیا

حیرت سے سارے لفظ اُسے دیکھتے رہے
باتوں میں اپنی بات کو کیسا بدل گیا
کہنے کو ایک صحن میں دیوار ہی بنی
گھر کی فضا، مکان کو نقشہ بدل گیا

شاید وفا کے کھیل سے اُکتا گیا تھا وہ
منزل کے پاس آکے جو رستہ بدل گیا
قائم کسی بھی حال پہ دُنیا نہیں رہی
تعبیرکھو گئی، کبھی سَپنا بدل گیا

منظر کا رنگ اصل میں سایا تھا رنگ کا
جس نے اُسے جدحر سے بھی دیکھا بدل گیا

اندر کے موسموں کی خبر اُس کی ہوگئی!
اُس نو بہارِ ناز کا چہرا بدل گیا

آنکھوں میں جتنے اشک تھے جگنو سے بن گئے
وہ مُسکرایا اور مری دُنیا بدل گیا

اپنی گلی میں اپنا ہی گھر ڈھو نڈتے ہیں لوگ
امجد یہ کو ن شہر کا نقشہ بدل گیا

(امجد اسلام امجد)

 

جواب: لفظ “شام “ پر شعر لکھیں

میں نے ایسے ہی گناہ تیری جدائی میں‌کئے
جیسے طوفاں میں‌کوئی چھوڑ دے گھر شام کے بعد​

 

جواب: لفظ “شام “ پر شعر لکھیں

گرمئی حسرت ناکام سے جل جاتے ہیں
لوگ چراغوں کی طرح شام سے جل جاتے ہیں
جب بھی آتا ہے تیرانام میرے نام کے ساتھ
جانے کیوں لوگ میرے نام سے جل جاتے ہیں

 

جواب: لفظ “شام “ پر شعر لکھیں

تمہیں‌جب کبھی ملیں‌فرصتیں‌، میرے دل کا بوجھ اتار دو
میں‌بہت دنوں‌سے اداس ہوں‌، مجھے کوٕئی شام ادھار دو

 

جواب: لفظ “شام “ پر شعر لکھیں

تمہیں‌جب کبھی ملیں‌فرصتیں‌، میرے دل کا بوجھ اتار دو
میں‌بہت دنوں‌سے اداس ہوں‌، مجھے کوٕئی شام ادھار دو

 

جواب: لفظ “شام “ پر شعر لکھیں

وہ مطمئن تھے بہت قتل کر کے محسن کا
مگر یہ ذکرِ وفا صبح و شام کس کا ہے

 

جواب: لفظ “شام “ پر شعر لکھیں

وہی بام و در ہیں جلے ہوئے، وہی چاند چہرے ڈھلے ہوئے
وہی صبح کوئے ملال ہے وہی شام شہر خراب ہے
سعد الله شاہ

 

جواب: لفظ “شام “ پر شعر لکھیں

لوٹ آئے نہ کسی روز وہ آوارہ مزاج
کھول رکھتے ہیں اسی آس پہ در شام کے بعد

 

شام تک قید رہا کرتے ہیں دل کے اندر ،،،
درد ہو جاتے ہیں سارے ہی رہا شام کے بعد۔۔!!!

 

دل نا امید تو نہیں ناکام ہی تو ہے ۔۔۔۔۔۔۔
لمبی ہے غم کی شام مگر شام ہی تو ہے
فیض احمد فیض

 

زیر لب اس کے بات یہی ہے
شام و سحر دن رات یہی ہے

 

بول اے شامِ سفر، رنگِ رہائی کیا ہے؟
دل کو رُکنا ہے کہ تاروں کو ٹھہر جانا ہے

 

کبھی تو شام ڈھلے اپنے گھر گئے ہوتے
کسی کی آنکھ میں رہ کر سنور گئے ہوتے

 

صبح محرومِ تمنا، شام محرومِ وصال
کتنے شہرِ آرزو، ہم رنگِ صحرا ہوگئے

 

شام سے پہلے تیری شام نہ ہونے دوں گا
زندگی میں تجھے ناکام نہ ہونے دوں گا