الیکشن میں گریجویشن کی شرط ختم۔وفاقی کابینہ

وفاقی کابینہ نے الیکشن میں گریجویشن کی شرط ختم کر دی ​

اسلام آباد (نمائندہ جنگ) وفاقی کابینہ نے عوامی نمائندگی ایکٹ میں ترمیم کرکے قومی اسمبلی اور صوبائی اسمبلی کا انتخاب لڑنے کیلئے گریجویشن کی شرط ختم کرنے کی منظوری دیدی ہے جس کیلئے ترمیمی بل پارلیمنٹ میں پیش کیا جائے گا، شفافیت گڈگورننس اور کفایت شعاری کو یقینی بنانے کیلئے مشیر خزانہ کی سربراہی میں کمیٹی کی تشکیل، قومی خزانے پر بوجھ بننے والے اداروں کا تعین کرے گی، ان فیصلوں کی منظوری بدھ کے روز وزیراعظم سید یوسف رضا گیلانی کی زیرصدارت ہونے والے اجلاس میں دی گئی۔ قمرزمان کائرہ نے پریس بریفنگ میں بتایا کہ سپریم کورٹ کے فیصلے کی روشنی میں تمام ضروری آرڈیننس پارلیمنٹ میں لائیں گے۔ انہوں نے کہا کہ سانحہ گوجرہ پاکستان کے خلاف سازش تھی۔ انہوں نے بتایا کہ سپریم کورٹ نے اپنے فیصلے میں قومی اسمبلی اور صوبائی اسمبلی کا الیکشن لڑنے کیلئے اُمیدوار کی اہلیت کیلئے بی اے کی شرط ختم کر دی تھی  اِس فیصلے کی روشنی میں الیکشن کمیشن نے عوامی نمائندگی ایکٹ میں ترمیم کرنے کیلئے سمری وفاقی کابینہ کو بھجوائی تھی۔ وفاقی کابینہ نے اِس سمری کی منظوری دے دی ہے۔ حکومت اسے باقاعدہ قانون کی شکل دیکر اِس سقم کو دور کرے گی کیونکہ ایکٹ میں ابھی تک شرط برقرار ہے۔


بحوالہ : جنگ نیوز

 

الیکشن لڑنے کے لئے گریجوایشن کی شرط ختم
الیکشن لڑنے کے لئے جاہل، ان پڑھ، گنوار اور بدکردار ہونا ضروری ہے

 

جائل اور ان پڑھ میں فرق ہوتا ھے ویسے

 

جی ہاں
میں نے جاہل کا مطلب ان پڑھ بیان نہیں کیا۔
مشرف کے کچھ اقدامات مجھے پسند آئے تھے
ایک تو گریجوایشن کی شرط
تیسری بار وزیراعظم بننے پر پابندی

یہ ایسے اقدامات ہیں جنہیں کسی صورت ختم نہیں ہونا چاہئے تھا۔

 

راشد جی آپ جانے کیوں میری بات پہ سنجیدہ ہو جاتے ھیں ، آپ کی ہر تحریر میں نہ صرف پڑھتی ہوں بلکہ تعریفی کلمات بھی لکھتی ہوں ، کبھی تبصرہ بھی کر دیتی ہوں ، اس کا مطلب آپ پہ تنقید کرنا ہرگز نہیں ہوتا ، میرا مطلب تو صرف یہ کہنا تھا کہ ہر ان پڑھ جاہل نہیں ہوتا مگر ہر پڑھا لکھا جاہل ہو سکتا ھے

اور گریجویشن کی ڈگری جس طرح حاصل کی گئی تھیں اس شرط کے بعد آپ بھی جانتے ہوں گے ،اس شرط کے ساتھ اگر یہ شرط بھی ہو کہ اس امید وار نے کم از کم 5 سال ایک سوشل ورک کے طور پہ کام کیا ہو تو شاید کچھ بہتری کی امید کی جا سکے

 

ھھھھھھھھھھھھھھھھھھھھھھھھھھھھھھھھھھھھھھھھھاخوشی جی آپ نے سچ کہا پڑے لکھے جاہل واقع ہی ان پڑھ جاہل سے کی گنا برے ہوتے ہیں ویسے ہمارے نواب وڈیرے اور چوہدری اور سردار ہی اسملیوں میں بیٹھیں گے خواہ پڑھے لکھے ہوں یا ان پڑھ

 

جی بالکل
اور جیسے بی اے یہ کر رھے تھے اس سے تو بہتر ھے میٹرک پاس ہی رہتے

 

زرداری اور شریفوں کے متوالوں کو مبارکیں ہوں۔
انکے " قائدین و راہنمایان‌ " ، ملک کی تقدیر سنوارنے کے لیے مسند اقتدار تک بار بار اور نسل در نسل جانے کے لیے راہیں پھر سے آسان ہوگئیں ۔