قطعات

مجھے ملال بھی اس کی طرف سے ہوتا ہے
مگر یہ حال بھی اس کی طرف سے ہوتا ہے
میں ٹوٹتا بھی ہوں اور خود ہی جڑ بھی جاتا ہوں
کہ یہ کمال بھی اس کی طرف سے ہوتا ہے

 

زندگی صرف محبت نہیں کچھ اور بھی ہے
زلف و رخسار کی جنت نہیں کچھ اور بھی ہے
بھوک و افلاس کی ماری ہوئی اس دنیا میں
عشق ہی صرف حقیقت نہیں ،کچھ اور بھی ہے

 

مجھ سے میری حیات روٹھ گئی
تم نہیں کائنات روٹھ گئی
وہ بڑی مشکلوں سے آئی تھی
تم نہ آئے تو رات روٹھ گئی

 

میں تکیے پر ستارے بو رہا ہوں
جنم دن ہے اکیلا رو رہا ہوں
کسی نے جھانک کر دیکھا نہ دل میں
کہ میں اندر سے کیسا ہو رہا ہوں

 

تھا مستعار حسن سے اس کے جو نور تھا
خورشید میں بھی اس ہی کا ذرہ ظہور تھا
ہنگامہ گرم کن جو دلِ ناصبور تھا
پیدا ہر ایک نالے سے شورِ نشور تھا

 

اشعار میرے یوں تو زمانے کے لیے ہیں
کچھ شعر فقط ان کو سنانے کے لیے ہیں
اب یہ بھی نہیں ٹھیک کہ ہر درد مٹا دیں
کچھ درد کلیجے سے لگانے کے لیے ہیں

 

شعور نو عمر ہوں نہ مجھ کو متاع رنج و ملال دینا
کہ مجھ کو آتا نہیں غموں کو خوشی کے سانچوں میں ڈھال دینا
حدود میں اپنی رہ کے شاید بچا سکوں میں وجود اپنا
میں ایک قطرہ ہوں مجھ کو دریا کے راستے پر نہ ڈال دینا

 

اشک آنکھوں میں چھپاتے ہوئے تھک جاتا ہوں
‏بوجھ پانی کا اٹھاتے ہوئےتھک جاتا ہوں
‏پاؤں رکھتے ہیں جو مجھ پر انھیں احساس نہیں
‏میں نشانات مٹاتے ہوئے تھک جاتا ہوں

 

یہاں صرف سنجیدہ شاعری کو ہی پذیرائی ملے گی یا مزا|حیہ قطعات بھی شامل کر سکتے ہیں؟

 

جیسا دل چاہے پوسٹ کریں ، اگر مناسب نہیں لگتا تو نئی لڑی بنالیں
۔۔۔۔۔۔۔۔۔۔۔۔۔۔۔۔۔۔۔۔۔۔
اس کے دشمن ہیں بہت آدمی اچھا ہوگا
وہ بھی میری ہی طرح شہر میں تنہا ہوگا
اتنا سچ بول کہ ہونٹوں کا تبسم نہ بجھے
روشنی ختم نہ کر آگے اندھیرا ہوگا

 

سفر میں اب کے عجب تجربہ نکل آیا
بھٹک گیا تو نیا راستہ نکل آیا
میرے ہی نام کی تختی لگی تھی جس در پر
وہ جب کھلا تو کسی اور کا نکل آیا

 

اپنی انگڑائیوں پہ جبر نہ کر
مجھ پہ یہ قہر ٹوٹ جانے دے
ہوش میری خوشی کا دشمن ہےتو
مجھے ہوش میں نہ آنے دے

 

میرے گھر کو اجاڑنے والے
جا تجھے آسماں سزا دے گا
آگ دے گا زمانہ گھر کو میرے
اور شعلوں کو پھر ہوا دے گا

 

دیارِ دل کی رات میں چراغ سا جلا گیا
مِلا نہیں تو کیا ہوا وہ شکل تو دکھا گیا
جدائیوں کے زخم دردِ زندگی نے بھر دیئے
تجھے بھی نیند آ گئی مجھے بھی صبر آ گیا

 

یہ کس خوشی کی ریت پر غموں کو نیند آ گئی
وہ لہر کس طرف گئی یہ میں کہاں سما گیا
گئے دنوں کی لاش پر پڑے رہو گے کب تلک
الم کشو اٹھو کہ آفتاب سر پہ آ گیا

 

پائے ہوئے اس وقت کو کھونا ہی بہت ہے
نیند آئے تو اس حال میں سونا ہی بہت ہے
اتنی بھی فراغت ہے یہاں کس کو میسر
یہ ایک طرف بیٹھ کے رونا ہی بہت ہے

 

لاثانی زنانی

اپنی زوجہ کے تعارف میں کہا اک شخص نے
دل سے ان کا معترف ہوں میں زبانی ہی نہیں
چائے بھی اچھی بناتی ہیں مری بیگم مگر
منہ بنانے میں تو کوئی ان کا ثانی ہی نہیں
(انور مسعود)​

 

جب سے میں نے دیکھا ہے ایک خوش نما چہرہ
تب سے ہے نگاہوں میں اس کا چاند سا چہرہ
صورت اور سیرت میں امتیاز مشکل ہے
ہے ہر ایک چہرے پر ایک دوسرا چہرہ

 

پرانی محبوبہ کے نام

اس طرح ستانے کی ضرورت کیا تھی
کمینی دل کو جلانے کی ضرورت کیا تھی

جو نہیں تھا عشق تو بھونک دیتی
اپنی اوقات دکھانے کی ضرورت کیا تھی

معلوم تھا کہ یہ خواب ٹوٹ جائے گا
او منحوس، پھر نیند میں آنے کی ضرورت کیا تھی

مان لو اگر یہ ایک طرفہ محبت تھی
تو پھر چوہی کے مُونہہ والی!!
مجھے دیکھ کر مسکرانے کی ضرورت کیا تھی

 

میں نے مدت کے بعد اک جرعہ
سوچ کی چاہ سے نکالا ہے
علم کی انتہا ہے تاریکی
عشق کی ابتدا اجالا ہے

 

اپنی انگڑائیوں پہ جبر نہ کر
مجھ پہ یہ قہر ٹوٹ جانے دے
ہوش میری خوشی کا دشمن ہےتو
مجھے ہوش میں نہ آنے دے

 

اس طرح رسم محبت کی ادا ہوتی ہے
آج سے تیری میری راہ جدا ہوتی ہے
میں کسی اور ہی دنیا میں پہنچ جاتا ہوں
جب بھی کانوں میں اذانوں کی صدا ہوتی ہے

 

ایسا وقت بھی آتا ہے چاندنی شب میں
مرا دماغ مرا دل کہیں نہیں ہوتا
ترا خیال کچھ ایسا نکھر کے آتا ہے
ترا وصال بھی اتنا حسیں نہیں ہوتا

 

تیرا جمال نگاہوں میں لے کے اٹھا ہوں
نکھر گئی ہے فضا تیرے پیرہن کی سی
نسیم تیرے شبستان سے ہو کے آئی ہے
میری سحر میں مہک ہے تیرے بدن کی سی

 

اب مجھے آزاد کر دو چھوڑ دو
جان و دل کے سارے رشتے توڑ دو
جب کوئی منزل نہیں میری تو پھر
رُخ کسی جانب بھی میرا موڑ دو

 

کتنے ظالم ہیں جو یہ کہتے ہیں
توڑ لو پھول پھول چھوڑو مت
باغباں ہم تو اس خیال کے ہیں
دیکھ لو پھول، پھول توڑو مت
جون ایلیا

 

میں نے مدت کے بعد اک جرعہ
سوچ کی چاہ سے نکالا ہے
علم کی انتہا ہے تاریکی
عشق کی ابتدا ہے اجالا ہے

 

کبھی کبھی تو میں پاگل ہو جاتی ہوں انکی شاعری سمجھنے میں ہاہاہاہا

تم جب آؤ گی کھویا ہوا پاؤ گی مجھے
میری تنہائی میں خوابوں کے سوا کچھ بھی نہیں
میرے کمرے کو سجانے کی تمنا ہے تمہیں
میرے کمرے میں کتابوں کے سوا کچھ بھی نہیں
قطعہ
جون ایلیا

 

تلخیاں اس میں بہت کچھ ہیں مزا کچھ بھی نہیں
زندگی درد محبت کے سوا کچھ بھی نہیں
شمع خاموش بھی رہتے ہوئے خاموش کہاں
اس طرح کہہ دیا سب کچھ کہ کہا کچھ بھی نہیں

 

پاس رہ کر جدائی کی تجھ سے
دور ہو کر تجھے تلاش کیا
میں نے تیرا نشان گم کر کے
اپنے اندر تجھے تلاش کیا