خاوند میرا مطیع بن کر رہے

آپ نے نہیں دیکھے ہیں تو دیکھ لیں

 

مشورے کا بہت شکریہ ۔

 

بہت مہربانی

 

میں فنون لطیفہ اور خصوصا فلم و اسٹیج کا کبھی بھی اتنا شائق نہیں رہا ، البتہ کچھ اداکار و گلوکار انفرادی طور پر مجھے پسند رہے ہیں ، اور اسٹیج تو بلکل بھی نہیں کہ اکثر اسٹیج کے فنکار بیہودگی کی انتہا کر دیتے ہیں اسٹیج کے ایسے ہی ایک اداکار افتخار ٹھاکر ہیں ، اور ٹھاکر صاحب اسٹیج پر اکثر بڑی بڑی بیہودہ بات کہہ جاتے ہیں مگر ایک بار یونہی ئو ٹیوب پر ایک چھوٹا سا کلپ دیکھنے کو ملا جس میں انہوں نے ایک بات کہی جو کم از کم میں کبھی نہیں بھول سکتا ، میں نہیں جانتا یہ اُن کے اپنے جذبات تھے یا کسی رائیٹر کے مگر بات بہترین تھی ، ٹھاکر صاحب نے کہا ۔
ہر عورت چاہتی ہے کہ وہ اپنے شوہر کے ملکہ بن کر رہے اور کچھ عورتیں چاہتی ہیں کہ مرد اُن کا غلام بن کر رہے ، مگر ان کملیوں کو کون سمجھائے کہ ملکہ بادشاہ کی ہوتی ہے ، غلاموں کے گھروں میں باندیاں او خادمائیں ہوتی ہیں ۔ ۔ ۔

 

یہی تو غلط فہمی دور کرنے کی ضرورت ہے۔ افزائش نسل انسانی اور تربیتِ بچگان کے مرحلے جس قدر کٹھن ہوتے ہیں وہ ایک ذمہ دار ماں ہی جانتی ہے۔
لیکن صرف گھر کی صفائی ستھرائی ، لانڈری اور کچن کا کام بھی لے لیا جائے تو شرطیہ بات ہے کہ مردوں کی محنت سے کسی طور پر بھی کم کام نہیں۔ 40-45 درجہ حرارت گرمی میں کچن میں چولھے کے آگے 50-55 درجہ حرارت میں کئی کئی گھنٹے کھڑا رہنا کوئی آسان کام نہیں ۔ عورت کا کام بالعموم صبح اہلِ خانہ کے جاگنے سے پہلے شروع ہوتا ہے اور بغیر کسی توقف کے رات گئے تک جاری رہتا ہے۔ جبکہ مرد 8 گھنٹے محنت کرکے باقی وقت بالعموم (کچھ استثناء کے ساتھ) ٹی وی کے آگے یا موبائیل پر گذار دیتا ہے۔ رہ گئی آمدنی کی بات تو اگر خاتون بھی اپنی محنت پر فی گھنٹہ اجرت طلب کرے تو حساب لگا لیں بات کہاں پہنچ جائے۔

 

اپنے ہی بچوں کو پالنے کی اجرت کا آج پہلی بار سن رہا ہوں ۔

 

چاچو ! کئی روایات اور کچھ احادیث میں بھی اس کا ذکر گزر چکا ہے ۔ ۔ ۔ عورت اپنے خاوند سے اُس کے بچے پالنے کی اجرت طلب کر سکتی ہے ۔ ۔ ۔

 

کوشش کرتا ہوں مل جائے تو پڑھوں اگر کوئی حوالہ ہے تو پلیز پوسٹ کریں

 

بات دلائل کی ہے ہی نہیں ، دلائل تو وہاں دئیے جاتے ہیں کہ جہاں بحث کسی منطقی انجام تک پہنچنے کی امید ہوں ، یہ بحث تو ہمیشہ سے ہی چلی آ رہی ہے اور ہر دو طرف سے وہی باتیں بطور دلائل پیش کی جاتی ہے تو اس سے پہلے بھی ہزارہا بار پیش کی جا چکی ہوتی ہیں ۔ ۔ ۔ بات وہیں پر آ کر ختم ہوتی ہے کہ جو آپ نے بیان کر دی ہے ۔ ۔ ۔ { مومن مرد وعورت آپس میں ایک دوسرے کے ( مدد گارو معاون اور ) دوست ہیں } التوبۃ ( 71 ) ۔ اس کے بعد کسی بحث کی گنجائش ہی نہیں رہتی ۔ ۔ ۔ عورت و مرد اپنے حقوق میں بلکل برابر ہیں ۔ ۔ ۔ دونوں کے فرائض بھی معلوم ہیں ۔ ۔ ۔ بس مرد کو اللہ تعالی نے "قوام "ہونے کا شرف بخشا ہے اور یہ شرف بھی اللہ تعالی نے بخشا ہے اس میں مرد کی اپنی کوئی قابلیت نہیں ۔ ۔ ۔

 

قوام کا لفظمی معنی ہے ( اوپر والا ) یعنی ایک ایسے مقام پر بیٹھا شخص کہ جو اپنے زیر نگیں سب پر نظر رکھ سکے ، جس طرح کوئی بھی ادارہ اپنے سربراہ کے بغیر نہیں چلتا ، خاندان بھی ایک ادارے جیسا ہے ، اور مرد اُس ادارے کے سربراہ جیسا ، جس طرح کوئی ادارہ بھی باہمی اشتراک و تعطیم کے نہیں چل پاتا اسی طرح کوئی گھر بھی بھی باہمی اشتراک و تعطیم کے نہیں چل سکتا ، مرد قوام ہے ، گھرانے کا سربراہ مگر ہر اچھے سربراہ کی طرح وہ اپنے پورے گھر کے ہر فرد کو وہی عزت دے گا جس کا وہ حقدار ہے ، جواب سربراہ بھی عزت پائے گا ۔ یہ قوام ہونا اس حد تک ہی ہے ، البتہ اس کے فرائض بہت زیادہ ہیں ، روز قیامت ہر قوام کو اپنے زیر نگیں لوگوں کے بابت جوابدہ ہونا پڑے گا ۔ ۔ ۔ جس طرح ایک چرواہا کسی ریوڑ کا رکھوالا ہوتا ہے ، چرواہا اپنے ریوڑ کی حفاظت اپنی جان سے بھی بڑھ کر کرتا ہے کہ شام کو ریوڑ کے مالک کو جوابدہ ہونا ہوتا ہے اسی طرح مرد بھی ہے روز محشر اصل مالک کو جواب دہ ہونگے ۔ ۔ ۔ اسی لیے تو عورت کو مرد کا اور مرد کو عورت کا معاون و مددگار کہاں گیا ہے کہ مرد اپنا کنبہ پالنے اور اولاد کی تربیت کے لیے عورت کا تعاون کا محتاج ہے اور عورت اپنے شوہر عزت اور اپنی عصمت کی حفاظت ، اولاد کی تربیت گھرانے کے نظم و ضبط میں اپنے شوہر کی مددگار و جوابدہ ہے ۔ ۔ ۔ مرد کے فرائض و عورت کے فرائض جدا جدا ضرور ہیں مگر ان میں نہایت ہی لطیف سا ربط موجود ہے اور یہی ربط باہمی حقوق کا ضامن ہے ۔ ۔ ۔

 

مدد گار اور معاون اور دوست ہیں ۔۔۔کوئی کسی پر احسان نہیں کرتا۔۔۔ اگرکہیں کام کرنے کی اجرت کا ذکر ہے تو وہ بھی بتا دیں

 

مختصر یہ کہ قوام سے مراد کوئی سرداری یا آقائی نہیں ۔ بلکہ منتظم ہے؟ یعنی انتظامی ذمہ داری ہے؟ کیا میں درست سمجھی ہوں ؟

 

جی جناب فقہ کے ابواب نان نفقہ میں مطالعہ کریں تو دودھ پلانے پر بھی عورت اگر چاہے تو اجرت طلب کرسکتی ہے

 

جی ہاں ! کسی حد تک آپ بات بلکل درست سمجھ گئی ہیں ۔ ۔ ۔ اللہ رب العزت نے خواتین پر کمال شفقت فرمائی ہے ۔ ۔ ۔ مرد کو کسی صورت عبادات فرضیہ سے چھوٹ نہیں ، حتی کے شدید ترین بیماری میں بھی اگر وہ پاک ہے اور اُس کے ہوش و حواس سلامت ہیں تو اُسے نماز روزے کا اہتمام کرنا ہو گا ، مگر خواتین کے لیے اُن کے مخصوص ایام میں کم و بیش ہر قسم کی عبادت سے استثناء ہے ۔ ۔ ۔ جہاد مرد پر کلی طور پر اور عورت پر مجازی طور پر فرض ہے ، ذکواۃ اور حج دونوں پر مساوی طور پر ( اگر وہ صاحب حیثیت اور صاحب نساب ہیں تو ) فرض ہے یوں کچھ مخصوص معاملات میں اللہ رب العذت نے مرد کی آزمائش ایک عورت کے مقابلے میں زیادہ رکھی ہے اسی لیے اس کی مساوات کے لیے اللہ تعالی نے مرد کو کچھ معاملات میں استثناء دیا ہے ۔ ۔ ۔ یعنی کچھ معاملات میں مرد محض منتظم نہیں بلکہ کچھ مجازی اختیارات بھی رکھتا ہے ۔ مگر یہ اختیارات بھی مجازی ہیں ۔ ۔ ۔ کلی نہیں ۔ ۔ ۔

 

۔۔نان نفقہ کا تو مرد ذمہ دار ہے اس کا تو پتہ ہے لیکن اپنے ہی بچے کو دودھ پلانے کی اجرت کے متعلق پتہ نہیں ہے اگر آپ اسکی تفصیل بیان فرمائیں تو میرے بھی علم میں اضافہ ہو