ہوچکی ہے جومجھ خطا بخش دے (شب برات پر دعائیہ کلام)

اللھم صل علی سیدنا ومولانا محمد وعلی آلہ وصحبہ وبارک وسلم

آج ہمارے ہاں چاند کے مطابق شبِ برات ہے۔ جس میں رب تعالی کی بخشش و مغفرت اور رحمتِ خاص عطا ہوتی ہے۔ اسی مناسبت سے کچھ دعائیہ اشعار ترتیب پائے ہیں۔ قبولیت کی دعا کے ساتھ پیش خدمت ہیں

ہوچکی ہے جو مجھ سے خطا بخش دے
بخش دے بخش دے اے خدا بخش دے

بحرِ رحمت تیرا کل جہاں سے بڑا
تیرا فضل و کرم ہے میرا آسرا
تیرے دربار میں آج ہے التجا
میرے عصیاں بھی اے شہنشاہ بخش دے
بخش دے بخش دے اے خدا بخش دے

فضل تیرا بھلا کس نے پایا نہیں
سارے تیرے ہیں کوئی پرایا نہیں
تو نے مایوس کوئی لوٹایا نہیں
میری جھولی بھی بھردے ذرا بخش دے
بخش دے بخش دے اے خدا بخش دے

گو کسی امتحاں کے میں قابل نہیں
ہاں میں عابد نہیں،ہاں میں عامل نہیں
پر کسی اور کے در کا سائل نہیں
بندہ تیرا ہوں بس میں تیرا بخش دے
بخش دے بخش دے اے خدا بخش دے

صدقہ دے دے مدینے کی سرکار کا
پنج تن پاک کے سوہنے گھر بار کا
مصطفیٰ کے وفادار ہر یار کا
تجھ کو ان سب کا ہے واسطہ بخش دے
بخش دے بخش دے اے خدا بخش دے

تجھ کو بھولے ہوئے ہیں گنہگار ہیں
امتِ مصطفیٰ ہیں ، خطا کار ہیں
آئے بیٹھے سخی تیرے دربار ہیں
ہے رضا کی یہی التجا بخش دے
بخش دے بخش دے اے خدا بخش دے

کلام : محمد نعیم رضا قادری۔ (شبِ برات) ہفتہ 21مئی 2016 ۔ ویانا​

 

بہت زبردست
جذاک اللہ خیراً کثیرا

 

یہ دعائیہ کلام عزیزم وسیم رضا نے خوبصورت آواز و انداز میں پڑھا ہے۔

 

سبحان الله

 

شکریہ پیارے بھائی

 

شکریہ عبدالمطلب بھائی۔ جزاک اللہ

 

شکریہ بھائی۔ جزاک اللہ خیر

 

بار دیگر شکریہ ۔ جزاک اللہ خیر