ہر ایک چہرے پہ دل کو گُمان اُس کا تھا -تاجدار عادلؔ

ہر ایک چہرے پہ دل کو گُمان اُس کا تھا
بسا نہ کوئی، یہ خالی مکان اُس کا تھا

میں بے جہت ہی رہا اور بے مقام سا وہ
ستارہ میرا، سمندر نشان اُس کا تھا

میں اُس طلسم سے باہر کہاں تلک جاتا
فضا کھلی تھی، مگر آسمان اُس کا تھا

سلیقہ عشق میں جاں اپنی پیش کرنے کا
جنہیں بھی آیا تھا ان کو ہی دھیان اُس کا تھا

پھر اس کے بعد کوئی بات بھی ضروری نہ تھی
مرے خلاف سہی، وہ بیان اُس کا تھا

ہوا نے اب کے جلائے چراغ رستے میں
کہ میری راہ میں عادلؔ مکان اُس کا تھا

تاجدار عادلؔ
​

 

واہ واہ ۔۔۔۔۔
نظم کا عنوان پڑھ کر مجھے اپنا ایک شعر یاد آگیا۔

آپ کی سماعتوں کی نذز:

اس طرح تم مری آنکھوں میں بسے رہتے ہو
مجھ کو ہر اک پہ تمہارا ہی گماں ہوتا ہے

دور رہ کر کبھی بڑھتی ہے محبت غوری
اور کبھی قرب میں الفت کا زیاں ہوتا ہے

 

واہ واہ بہت خوب غوری صاھب

 

شکریہ۔ ابھی لائٹ چلی گئی ہے انشاءاللہ آئندہ پوری غزل شیئر کروں گا۔

 

ضرور انتظار رہے گا ​

 

راز یہ اہل محبت پہ عیاں ہوتا ہے
لمحہ ہجر صدی سے بھی گراں ہوتا ہے

جس کے سینے میں محبت کی لگن ہوتی ہے
وہیں جاتا ہے وہ، محبوب جہاں ہوتا ہے

اس طرح تم مری آنکھوں میں بسے رہتے ہو
مجھ کو ہر اک پہ تمہارا ہی گماں ہوتا ہے

اپنا احوال بتاؤ مری روداد سنو
دل جو مل جائیں تو پھر فرق کہاں ہوتا ہے

ہو سر راہ ملاقات یہ امکان نہیں
ہاں مگر شوق یہ خوابوں میں جواں ہوتا ہے

آتش عشق کا انداز جدا ہے سب سے
شعلے اٹھتے ہیں کہیں پر نہ دھواں ہوتا ہے

میرے ہونٹوں پہ مچل اٹھتا ہے اک نام حسیں
اس طرح فاش مرا سر نہاں ہوتا ہے

ڈھونڈنے سے بھی نہیں ملتا مجھے اس کا سراغ
موجہ برق تبسم وہ کہاں ہوتا ہے

دور رہ کر کبھی بڑھتی ہے محبت غوری
اور کبھی قرب میں الفت کا زیاں ہوتا ہے



​

 

واہ بہت خوب زبردست

 

شکریہ
اللہ تعالی آپ کو ہمیشہ خوش و خرم رکھیں اور نمازکی پابندی کی توفیق عطا فرمائیں۔

 

آمین ​

الحمد الله ہم ماشا الله نماز کے پابند ہیں ، جب تک نماز نا پڑھ لیں نیند نہیں آتی ،

 

اللہ تعالی استقامت عطا فرمائیں۔

 

آمین

 

اعلیٰ جناب

 

بیشتر کہ صدر کی تقریر ہونی چاہییے
ہر کسی کے ہاتھ میں تصویر ہونی چاہییے

خاص لوگوں کو بٹھائو عزت و تکریم سے
عام لوگوں کیلئے زنجیر ہونی چاہییے

عارضی سی شے حکومت کل رہے یا نہ رہے
بال بچے ہیں کوئی جاگیر ہونی چاہییے

واپڈا کے تار کھمبوں میں ہوں برق وبجلیاں
ہر گلی کوچے کی یہ تقدیر ہونی چاہییے

کھوکھلی سے ہو چلی ہے قوم کی طرزِ حیات
پھر نئی بنیاد پر تعمیر ہونی چاہییے

سُود نہ دینا پڑے اور اصل سے چھوٹے حیات
اس غضب والی کوئی تحریر ہونی چاہییے

 

بہت خوب کلام ہے غوری بھائی۔ بہت سی داد قبول ہو

 

شکریہ جناب