کراچی کے نام ،

انشاللہ

 

کیا ضروری ہے شہر کے لوگو ہر بار
تمھارا اور میرا ہی لہو رونق بازار بنے
آؤ اعلان کریں یہ شہر کے ایوانوں میں
جو سر ـ دار چڑھے وہی شہر کا سردار بنے

 

خدمت خلق سے ہستی کو فروزاں کر لے
کیا پتہ کون سی ظلمت میں قضا لے جائے
​

 

جو حق کا پرچم لیکر نکلے وہی امن کے سفیر ہیں ہم
تم آزما لو تمام حربے ، حسینیت کی نزیر ہیں ہم

 

میرا کیا جرم ھے؟
مجھکو ایسے نہ خداؤں سے ڈرایا جائے
میرا کیا جرم ھے؟ اتنا تو بتایا جائے

میری پہچان کی گٹھڑی مجھے واپس کر دو
میرے چہرے پہ میرا چہرہ سجایا جائے

یاد آئے ھیں مجھے درس میرے بچپن کے
اب مجھے میرے ہی ہاتھوں سے بچایا جائے

میری آنکھوں پہ میری آنکھیں لگائی جائیں
اب کوئی قیمتی پتھر نہ لگایا جائے

مجھ میں یوں ڈوب کہ ہم لوگ نئے ہو جائیں
دونوں رنگوں سے نیا رنگ بنایا جائے

​

 

ہم کریں بات دلیلوں سے تو رد ہوتی ہے
اس کے ہونٹوں کی خموشی بھی سند ہوتی ہے

سانس لیتے ہوئے انساں بھی ہے لاشوں کی طرح
اب دھڑکتے ہوئے دل کی بھی لحد ہوتی ہے

اپنی آواز کے پتھر بھی نہ اس تک پہنچے
اس کی آنکھوں کے اشارے میں بھی زد ہوتی ہے

جس کی گردن میں ہے پھندا وہی انسان بڑا
سولیوں سے یہاں پیمائش قد ہوتی ہے
​

 

آؤ محبت سے سلام کریں جن کے حصے میں یہ مقام آیا
بہت خوشنصیب ہیں وہ لہو جن کا تحریک کے کام آیا

 

اس زمانے کے فریبوں سے بچا کوئی نہ تھا
منزلیں تھیں سامنے پر راستہ کوئی نہ تھا

زندگی میں جو ملے اچھے لگے ‘ اپنے لگے
میں تو سب کا ہو گیا لیکن میرا کوئی نہ تھا
​

 

مقتل جہاں سجے ہیں وہ بازار تھے کبھی
ہیں مقبرے جہاں وہ ہمارے مکان تھے
وردی پہ تیری جن کے لہو کا نشان ہے
وہ نوجوان میرے قبیلے کی شان تھے

 

​

 

ہر قدم پر ہم سمجھتے تھے کہ منزل آ گئی
ہر قدم پر اک نئی درپیش مشکل آ گئی
یا خلا پر حکمراں یا خاک کے اندر نہاں
زندگی ڈٹ کر عناصر کے مقابل آ گئی​

 

حق بات کہنے کی اجازت نہیں ملتی
پھر بھی میرے لہجے میں بغاوت نہیں ملتی
مجرم ہیں اگر ہم تو ثابت بھی کرو تم
دیتے ہو دلیلیں تو صداقت نہیں ملتی
وہ لوگ جو تقدس وطن بیچ رہے تھے
چہروں پہ ذرا ان کے ندامت نہیں ملتی
تم جبر کئے جاؤ مگر دھیان میں رکھنا
وقت آنے پہ لمحے کی بھی مہلت نہیں ملتی

 

یہ کیسی سر زمیں ہے
یہ کیسی ظلم کی انتہا ہے
جہاں سر سے دوپٹہ
کھچ لیتے ہیں
جہاں قران پڑھنے کی بھی
اجازت نہیں ملتی
حنا شیخ ​

 

https://twitter.com/tolokhan/status/808713042485776384

 

گلاب رنگت حسین چہرے فضاؤں میں جگمگا رہے ہیں
ستم کی سرحد عبور کر کے شہید حق مسکرا رہے ہیں
۔ ۔ ۔

 

غریبِ شہر کے قدموں میں
عنقریب مجھے
امیرِ شہر کی دستار نظر آتی ہے​

 

مجھے حوصلہ دے
کہ میں ظلم کی قوتوں سے
اکیلا لڑا ہوں
کہ میں اس جہاں کے جہنم کدے میں
اکیلا کھڑا ہوں​

 

۔
۔
۔ ۔ ۔

 

میں خود زمیں ہوں مگر ظرف آسمان کا ہے
کہ ٹوٹ کر بھی میرا حوصلہ چٹان کا ہے

بُرا نہ مان میرے حرف زہر زہر سہی
میں کیا کروں کہ یہی ذائقہ زبان کا ہے​

 

خون آنکھوں کے چراغوں میں جلا لو ورنہ
تیرگی شہر سے رخصت نہیں ہونے والی
اب کے جو معرکہ ہوگا وہ یہیں پر ہوگا
ہم سے اب دوسری ہجرت نہیں ہونے والی

 

ڈھلے جب تک نہ شب ہم کاڑھ کر اک شمع کی لو سے
طلوع صبح کا منظر نہ روشندان میں رکھ لیں؟​

 

وہ کریں قتل تو کوئی چرچا نہیں ہو تا
ہم نےبس آہ کیا تھا کی برا مان گئے​

 

سفر میں‌اپنے حصے کی مسافت یاد رہتی ہے
کہیں آباد ہونے پر بھی ہجرت یاد رہتی ہے
​

 

سامانِ تجارت میرا ایمان نہیں ہے
ہر در پہ جھکے سر یہ میری شان نہیں ہے
​

 

ميں جھکا نہيں ميں بکا نہيں
کہیں چھپ چھپا کے کھڑا نہيں
جو ڈٹے ہوئے ہيں محاذ پر
مجھے ان صفوں ميں تلاش کر

 

ہم اپنے تیور وقت آنے پر آزمائیں گے
شہر تم خرید لو حکومت ہم ہی چلائیں گے

 

چلے ہو ساتھ تو____ ہمت نہ ہارنا واصف
کہ منزلوں کا تصور_____ میرے سفر میں نہیں !!!!​

 

کراچی کے نام ،
۔
۔
۔ ۔ ۔

 

جب ساز سلاسل بجتے تھے
ہم اپنے لہو میں سجتے تھے
وہ ریت ابھی تک باقی ہے
وہ رسم ابھی تک جاری ہے

 

لوگوں میرے افکار پہ پہرے نہ بیٹھاؤ
جذبہ کبھی پابند سلاسل نہیں ہوتا