نمی دانم چہ منزل بود ۔۔ امیر خسرو کا نعتیہ کلام + اردو ترجمہ

نمی دانم چہ منزل بود، شب جائے کہ من بودم​

ابو الحسن یمین الدین امیر خسرو رحمۃ اللہ علیہ کا نامِ نامی کسی تعارف کا محتاج نہیں ہے۔ ان جیسی نابغہِ روزگار، کثیر الجہتی، ہمہ گیر اور متنوع شخصیات صدیوں میں پیدا ہوتی ہیں۔ یہاں فارسی غزلیاتِ خسرو کا انتخاب، اردو نثری ترجمے اور اردو منظوم ترجمے کے ساتھ پیش ہے۔
منظوم ترجمہ جناب مسعود قریشی صاحب نے کیا ہے جو کہ کتاب خسرو شیریں بیاں مطبوعہ لوک ورثہ اشاعت گھر سے لیا گیا ہے۔

امیر خسرو کی ایک مشہور و معروف نعتیہ غزل پیشِ خدمت ہے، دلچسپ بات یہ ہے کہ یہ غزل امیر خسرو کے پانچوں دواوین میں نہیں ملتی لیکن یہ بات سب تذکرہ نگاروں میں متفق ہے کہ یہ غزل امیر خسرو کی ہی ہے۔ اور اسکے پسِ منظر میں عالمِ روحانیت کا ایمان افروز واقعہ بھی مروی ہے۔

شعرِ خسرو

نمی دانم چہ منزل بود، شب جائے کہ من بودم
بہ ہر سُو رقصِ بسمل بود، شب جائے کہ من بودم​

اردو ترجمہ
مجھے نہیں معلوم کہ وہ کون سی جگہ تھی جہاں کل رات میں تھا، ہر طرف وہاں رقصِ بسمل ہو رہا تھا کہ جہاں میں کل رات کو تھا۔​

منظوم ترجمہ مسعود قریشی

نہیں معلوم تھی کیسی وہ منزل، شب جہاں میں تھا
ہر اک جانب بپا تھا رقصِ بسمل، شب جہاں میں تھا​

شعرِ خسرو

پری پیکر نگارے، سرو قدے، لالہ رخسارے
سراپا آفتِ دل بود، شب جائے کہ من بودم​

اردو ترجمہ
پری کے جسم جیسا ایک محبوب تھا، اس کا قد سرو کی طرح تھا اور رخسار لالے کی طرح، وہ سراپا آفتِ دل تھا کل رات کہ جہاں میں تھا۔

منظوم ترجمہ مسعود قریشی

پری پیکر صنم تھا سرو قد، رخسار لالہ گُوں
سراپا وہ صنم تھا آفتِ دل، شب جہاں میں تھا

شعرِ خسرو

رقیباں گوش بر آواز، او در ناز، من ترساں
سخن گفتن چہ مشکل بود، شب جائے کہ من بودم

اردو ترجمہ

رقیب آواز پر کان دھرے ہوئے تھے، وہ ناز میں تھا اور میں خوف زدہ تھا۔ وہاں بات کرنا کس قدر مشکل تھا کل رات کہ جہاں میں تھا۔

منظوم ترجمہ ۔ مسعود قریشی

عدو تھے گوش بر آواز، وہ نازاں تھا، میں ترساں
سخن کرنا وہاں تھا سخت مشکل، شب جہاں میں تھا

شعرِ خسرو

خدا خود میرِ مجلس بود اندر لا مکاں خسرو
محمد شمعِ محفل بود، شب جائے کہ من بودم

اردو ترجمہ
اے خسرو، لا مکاں میں خدا خود میرِ مجلس تھا اور حضرت محمد اس محفل کی شمع تھے، کل رات کہ جہاں میں تھا۔

منظوم ترجمہ ۔ مسعود قریشی

خدا تھا میرِ مجلس لا مکاں کی بزم میں خسرو
محمد تھے وہاں پر شمعِ محفل، شب جہاں میں تھا​

:saw: :saw: :saw: :saw: :saw: :saw: :saw:​

 

بہت خوب بہت اچھے اس شئیرنگ کا بہت شکریہ

 

اسلام علیکم نعیم بھائی۔
بہت ھی زبردست کیا آپ کو فارسی آتی اگر آتی ھے تو کیا آپ ابتدائی فارسی کی کلاس کا احتمام کر سکتے کیوں کہ مجھ کو بہت ھی شوق ھے سیھکنےکا کیوں کہ جتنے بھی بڑے بڑے شاعر ہیں اُن کا کلام زیادہ تر فارسی میں ہیں۔اور یہ بھی ھے کہ اگر آپ کو کسی معلومات کی ضرورت ہیں تو اگر گوگل میں سرچ کرتے ہیں تو وہ فارسی میں ھوتی ھے۔اب میں تو ٹکرے مارتا رہے جاتا ھوں لیکن کچھ بھی سمجھ میں نہیں آتا۔ :201:

 

السلام علیکم دستور بھائی !
میں بے علم آدمی ہوں ۔ مجھے فارسی نہیں آتی ۔

نعتیہ کلام کو پسند کرنے کا شکریہ

 

شکریہ محبوب خان بھائی ۔
لیکن سچ بات ہے کہ آپ جیسی صاحبِ طرز شخصیت سے صرف ایک " سمائیلی" کی توقع نہیں رکھتا ۔
آپ کے خوبصورت اندازِ تحریر کو پڑھنے کے میں ہمیشہ مشتاق رہتا ہوں۔
اس لیے تھوڑاسا ہمارا بھی خیال کیا کریں :hands:

 

:titli: :titli: :titli: :titli:
:titli: :titli: :titli: :titli:
:a150: :a150: :a150:
:a191: :a191: :a191:
:a180: :a180: :a180:
:a165: :a165: :a165:


ذرا ایک نظر--------------------اردو ادب/تلقین انقلاب

 

مشہورِ زمانہ نعتیہ کلام ہے۔
ہر بار پڑھنے کا اپنا لطف ہے۔
جزاک اللہ

 

السلام علیکم ۔
میرا پسندیدہ نعتیہ کلام معہ ترجمہ یہاں‌پا کر بہت خوشی ہوئی ۔
جزاک اللہ نعیم بھائی ۔

 

شکریہ وسیم بھائی ۔
اللہ تعالی آپکی محبتیں قبول فرمائے۔ آمین
میں نے ویڈیو گوگل میں آپکی نعتیں دیکھی اور سنی ہیں۔ ماشاءاللہ آپکی آواز بہت پیاری ہے۔

دعاؤں میں یاد رکھا کریں۔

 

خدا خود میرِ مجلس بود اندر لا مکاں خسرو
محمد شمعِ محفل بود، شب جائے کہ من بودم
main nay m.phil k thesis may is shai

r ka reference dayna hai kindly ap mujay guaid karay k main kesay iss ka reference do,mohtaram naeem sahib

 

ھارون صاحب بہت شکریہ

 

خدا جانے یہ حضرت امیر خسرو رح کا فیض ہے جب بھی جہاں بھی یہ کلام قوالی کی صورت میں سنا جائے ۔ دل رقص کرنے کو مچلتا ہے۔

 

بہت خوبصورت