نعت وہ لکھوں جس میں عجز ہو، عقیدت ہو

نعت رسولِ مقبول ﷺ



حرف حرف عزت ہو، لفظ لفط مدحت ہو
سوچ سوچ ندرت ہو، شعر شعر حرمت ہو
لہجہ لہجہ امرت ہو، صفحہ صفحہ عظمت ہو
نعت وہ لکھوں جس میں عجز ہو، عقیدت ہو


پھول پھول نکہت ہو، نجم نجم رفعت ہو
زیست زیست چاہت ہو، خواب خواب قربت ہو
روح روح عشرت ہو، قلب قلب الفت ہو
نعت وہ لکھوں جس میں عجز ہو، عقیدت ہو

آپؐ ہی سے نسبت ہو، اس طرح کی قسمت ہو
رنج رنج راحت ہو، درد درد فرحت ہو
چشم چشم حسرت ہو، آپؐ کی محبت ہو
نعت وہ لکھوں جس میں عجز ہو، عقیدت ہو

سوچ ہو، بصیرت ہو، آپؐ ہی کی سیرت ہو
لمحہ لمحہ تسکیں ہو، لحظہ لحظہ راحت ہو
گاؤں گاؤں خوشحالی، شہر شہر جنت ہو
نعت وہ لکھوں جس میں عجز ہو، عقیدت ہو

زندگی کا رستہ ہو، ایک ہی تمنا ہو
اُنؐ کے در پہ جانا ہو، اور فصیحؔ ایسا ہو
پاؤں پاؤں چلنا ہو، عمر کی مسافت ہو
نعت وہ لکھوں جس میں عجز ہو، عقیدت ہو

 

جواب: نعت وہ لکھوں جس میں عجز ہو، عقیدت ہو

زینب صاحبہ: اسلام علیکم
اللہ سبحانہ و تعالی کے چنندہ بندے اپنے رب کی اطاعت اور اس کے محبوب سے لگاو کو ذیادہ دیر چھپا نہیں سکتے کہ حق و سچ اپنے اظہار کیلئے رستے نکال لیتا ہے۔

بہت اچھے خیالات ہیں۔ مجھے پہلا بند بہت پسند آیا اور میرے خیال میں حاصل نعت بھی اسے ہی قرار دیا جاسکتا ہے:

حرف حرف عزت ہو، لفظ لفط مدحت ہو
سوچ سوچ ندرت ہو، شعر شعر حرمت ہو
لہجہ لہجہ امرت ہو، صفحہ صفحہ عظمت ہو
نعت وہ لکھوں جس میں عجز ہو، عقیدت ہو

بہت سی دعائیں

 

جواب: نعت وہ لکھوں جس میں عجز ہو، عقیدت ہو

ماشااللہ۔۔۔کیا کہنے۔۔۔۔

 

جواب: نعت وہ لکھوں جس میں عجز ہو، عقیدت ہو

سبحان اللہ تعالی ۔
صلی اللہ تعالی علیٰ سیدنا محمد وعلی آلہ وصحبہ وبارک وسلم

 

سبحان اللہ ۔
اللہ جزائے خیر دے آمین

 

سبحان اللہ ۔ بہت عمدہ