میاں شیخ نواز مجیب فاٹا میں پچھلے کئی عشروں سے لاقانونیت اور امن عامہ کامسئلہ رہا ہے۔ کوئی ایسا خاندان نہیں بچا جس کا کوئی نہ کوئی فرد طالبان یا ریاستی افواج کے ہاتھوں نہ مارا گیا ہو لیکن آفرین ہے ان غیور قبائلی بھائیوں پر جو پاکستان کے خلاف ایک آواز بھی نہیں اٹھاتے۔ دوسری جانب نوازشریف ہے جسے ملک کی سب سے بڑی عدالت نے کیا نااہل قرار دے دیا موصوف کا دماغ ہی کھسک کر رہ گیا ہے اور وہ "شیخ مجیب"، "بنگلہ دیش" اور "علیحدگی" کے راگ الاپنے لگ گئے ہیں۔ میاں صاحب ایک بات عرض خدمت ہے کہ آئندہ شیخ مجیب کا نعرہ لگانے سے پہلے اس کا انجام ضرور یاد کر لیجئے گا۔
پاکستان کو دولخت کرنیوالوں میں سے ایک اہم کردار شیخ مجیب الرحمن کا تھا جو اپنے ہی حفاظتی دستے کے کمانڈر کرنل فاروق کے ہاتھوں عبرتناک انجام سے دو چار ہوا۔ گزشتہ دنوں بنگلہ دیش کی حکومت نے شیخ مجیب الرحمن کے قاتلوں کو پھانسی دے دی پھانسی پانے والوں میں شیخ مجیب کے قتل کا مرکزی کردار کرنل فاروق بھی شامل تھا۔
