منقبت امام حسن مجتبی علیہ السلام ۔ عاجزانہ ہدیہ کلام برموقع جشن ولادت،

15رمضان المبارک جشنِ ولادتِ امام حسن مجتبی علیہ السلام کے موقع پر تازہ ہدیہ عقیدت

اللھم صل علی سیدنا ومولانا محمد علیٰ آلہ وصحبہ وبارک وسلم

دِکھتا ہے ہر بہار میں جیسے چمن کا رنگ
ہے گلشنِ رسول میں ایسے حسن کا رنگ

ثانی امام ہیں وہ حسن مجتبی ہے نام
بِن جن کے نا تمام رہے پنجتن کا رنگ

بھیجا خدا نے نام بھی جنت سے اس لیے
اِن کےجمال سے ہے جمالِ عدن کا رنگ

حیدر کے جانشیں یہ برادر حسین کے
رنگِ بتول سے ہے ملا شاہِ زمن کا رنگ

بزمِ جہانِ فکر کو دے دی جہت نئی
ذاتِ حسن ہے سرتاپا صُلح وامن کا رنگ

راہِ حیات ایسی جہاں کو دکھا گئے
رونق فروز ہو گیا ا ِس انجمن کا رنگ

تصویرِ کائنات میں زینت بکھیری یوں
قربان ہوکے بھر دیا سروثمن کا رنگ

مِدحت جو کررہا ہے رضاؔ آلِ پاک کی
اِس واسطے بڑھا ہے میرے سخن کا رنگ

ہدیہ عقیدت: محمد نعیم رضاؔ قادری۔ منگل 21جون2016۔ویانا
​

ھارون رشید سید شہزاد ناصر سید اویس رضا

 

بہت شکریہ سید بھائی۔ جزاک اللہ خیر

 

بہت شکریہ پاکستانی بھائی۔ سلامت رہیں