لفظ "ساقی" پر شعر لکھیں

جواب: لفظ "ساقی" پر شعر لکھیں

ساقی تجھے تھوڑی سی تکلیف تو ہوگی
ساغر کو ذرا تھام ،میں کچھ سوچ رہا ہوں

 

جواب: لفظ "ساقی" پر شعر لکھیں

کوئی آتا ہے کوئی جاتا ہے اس دنیا کے میخانے میں
ساقی کی عنایت جاری ہے مہمان بدلتے رہتے ہیں

 

جواب: لفظ "ساقی" پر شعر لکھیں

یہ رنگِ بہارِ عالم ہے ، کیوں فکر ہے تجھ کو اے ساقی
محفل تو تیری سونی نہ ہوئی،کچھ اٹھ بھی گئے کچھ آ بھی گئے

 

جواب: لفظ "ساقی" پر شعر لکھیں

یہ اگر انتظام ہے ساقی
پھر ہمارا سلام ہے ساقی

 

جواب: لفظ "ساقی" پر شعر لکھیں

مست گشتم از دو چشم ساقی پیمانہ نوش
الوداع اے ننگ و ناموس الفراق اے عقل و ہوش(شاہ نیاز بریلوی)

 

جواب: لفظ "ساقی" پر شعر لکھیں

جام ٹوٹے ، صراحیاں ٹوٹیں
کیا ادھر قتلِ عام ہے ساقی؟

 

جواب: لفظ "ساقی" پر شعر لکھیں

نہیں ہے نا امید اقبالؔ اپنی کشتِ ویراں سے
ذرا نم ہوتو یہ مٹی بڑی زرخیز ہے ساقی

 

جواب: لفظ "ساقی" پر شعر لکھیں

نشہ پلا کے گرانا تو سب کو آتا ہے
مزہ تو جب ہو کہ گرتے کو تھام لے ساقی

 

جواب: لفظ "ساقی" پر شعر لکھیں

ادا کیا تھا جو میں نے اس کا ادھا ر آدھا
جبھی سے تو اس کو رہ گیا اعتبار آدھا
ضرور مٹی کا تیل ساقی پلا گیا ہے
جو پورے ساغر سے ہو رہا ہے خمار آدھا
اگر تیرا ہاتھ دل پہ ہوتا تو کیا نہ ہوتا
کہ نبض دیکھی تو رہ گیا ہے بخار آدھا
وہ زہر میں ڈال کر وٹامن بھی دے رہا ہے
تو اس سے ظاہر ہے اس کی نفرت میں پیار آدھا
یہ آدھی چلمن ہے یا مری آنکھ میں ہے جالا؟
دکھائی کیوں دے رہا ہے روئے نگار آدھا
​

 

جواب: لفظ "ساقی" پر شعر لکھیں

دگرگوں ہے جہاں ، تاروں کی گردش تیز ہے ساقی​

دگرگوں ہے جہاں ، تاروں کی گردش تیز ہے ساقی
دل ہر ذرہ میں غوغائے رستا خیز ہے ساقی

متاع دین و دانش لٹ گئی اللہ والوں کی
یہ کس کافر ادا کا غمزئہ خوں ریز ہے ساقی

وہی دیرینہ بیماری ، وہی نا محکمی دل کی
علاج اس کا وہی آب نشاط انگیز ہے ساقی

حرم کے دل میں سوز آرزو پیدا نہیں ہوتا
کہ پیدائی تری اب تک حجاب آمیز ہے ساقی

نہ اٹھا پھر کوئی رومی عجم کے لالہ زاروں سے
وہی آب و گل ایراں ، وہی تبریز ہے ساقی

نہیں ہے ناامید اقبال اپنی کشت ویراں سے
ذرا نم ہو تو یہ مٹی بہت زرخیز ہے ساقی

فقیر راہ کو بخشے گئے اسرار سلطانی
بہا میری نوا کی دولت پرویز ہے ساقی

لا پھر اک بار وہی بادہ و جام اے ساقی

لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی!

تین سو سال سے ہیں ہند کے میخانے بند
اب مناسب ہے ترا فیض ہو عام اے ساقی

مری مینائے غزل میں تھی ذرا سی باقی
شیخ کہتا ہے کہ ہے یہ بھی حرام اے ساقی

شیر مردوں سے ہوا بیشۂ تحقیق تہی
رہ گئے صوفی و ملا کے غلام اے ساقی

عشق کی تیغ جگردار اڑا لی کس نے
علم کے ہاتھ میں خالی ہے نیام اے ساقی

سینہ روشن ہو تو ہے سوز سخن عین حیات
ہو نہ روشن ، تو سخن مرگ دوام اے ساقی

تو مری رات کو مہتاب سے محروم نہ رکھ
ترے پیمانے میں ہے ماہ تمام اے ساقی! ​

 

جواب: لفظ "ساقی" پر شعر لکھیں

حالات میکدے کے کروٹ بدل رہے ہیں
ساقی بہک رہا ہے، مئےکش سنبھل رہے ہیں

 

جواب: لفظ "ساقی" پر شعر لکھیں

بامِ مینا سے ماہتاب اترے
دستِ ساقی میں آفتاب آئے
کر رہا تھا غمِ جہاں کا حساب
آج تم یاد بے حساب آئے​

 

جواب: لفظ "ساقی" پر شعر لکھیں

شاید ابھی نہ پہنچی ہو باب قبول تک
ساقی ذرا سی اور کہ توبہ سفر میں ہے

 

جواب: لفظ "ساقی" پر شعر لکھیں

اُس کی دو دن کی رفاقت کو ابھی
ساتھ چلنے کا ارادہ نہ سمجھ
ساقیا پاسِ تعلق کو مرے
کششِ ساغر و بادہ نہ سمجھ

 

جواب: لفظ "ساقی" پر شعر لکھیں

ہنگامہ ءمحٍفل ہے کوئی دم کہ چلا میں
ساقی میرے ساغر میں ذرا کم کہ چلا میں

 

جواب: لفظ "ساقی" پر شعر لکھیں

تیرے پیمانے میں گردش نہیں باقی ساقی
تیری محفل سے اب کوئی اٹھا چاہتا ہے

 

جواب: لفظ "ساقی" پر شعر لکھیں

الا ایہا الساقی ادر کاسا و ناولہا
عشق آسان نمود اول ولے افتاد مشکلہا
حافظ شیرازی

 

جواب: لفظ "ساقی" پر شعر لکھیں

نہیں ہیں سر کو جھکانے کے فن سے ہم واقف
وہ ہم سے کیوں ادبِ کجکلاہی مانگتا ہے
سمجھ رہا ہے جو تقدیرِ مئے میکدے کو نشہ
وہ رند ساقی سے پوری صراحی مانگتا ہے
​

 

جواب: لفظ "ساقی" پر شعر لکھیں

چشمِ ساقی کا اشارہ تھا، اُدھر ہاتھ بڑھا
پینے والے نے کہاں زہر کا ساغر دیکھا​

 

جواب: لفظ "ساقی" پر شعر لکھیں

ٹھہر گئے ہیں کہاں قافلے محبت کے
ہر ایک راہ گذر سوگوار ہے ساقی

 

محفل ان کی ساقی ان کا
آنکھیں اپنی باقی ان کا