حسن اور خوبصورتی (اشعار کی رو سے)

جباربھائی بہت شکریہ۔ آپ نے اس لڑی کو اتنی عزت بخشی ہے۔ اب تو امید ہے یہ انشاءاللہ چلتی رہے گی۔
پہلے تو میں مایوس ہوگیا تھا۔ لیکن آپ کی مہربانی سے یہ قائم ہے۔

کاشفی بھیا بہت خوبصورت نظم پیش کی ہے آپ نے

 

بہت خوب عبدالجبار بھائی۔۔۔

شکریہ ساگراج بھائی

 

وہ یار پری چہرہ کہ کل شب کو سدھارا
طوفاں تھا، طلاطم تھا چھلاوہ تھا شرارا
گل بیز و گہر ریز و گہر و گہر تاب
کلیوں نے جسے رنگ دیا گل نے سنواراہ
نو خستہ و نورس و نو طلعت و نو خیز
وہ نقش جسے خود یدِ قدرت نے ابھارا
خوں ریز کم آمیز و دل آویز و جنوں خیز
ہنستا ہوا مہتاب ، دمکتا ہو تارا
خوش چشم وخوش اطوار و خوش آور و خوش آندام
ایک خال پہ قرباں سمر قندو بخارا
گل پیرہن و گل بدن و گل رخ و گل رنگ
ایمان شکن، آئینہ جبیں انجمن آرا
سرشار جوانی تھی کہ امڈے ہوئے بادل
شاداب تبسم تھا کہ جنت کا نظارا
زلفیں تھیں کہ ساون کی مچلتی ہوئی راتیں
شوخی تھی کہ سیلاب کا مڑتا ہوا دھارا​

 

بہت خوبصورت نظم ہے چیٹر جی
:a180:

 

​

 

محمد :saw: باعث حسن جہاں ایمان ہے میرا
محمد :saw: حاصل کون و مکاں ایمان ہے میرا

محمد :saw: اول و آخر محمد :saw: ظاہر و باطن
محمد :saw: ہیں بہر صورت عیاں ایمان ہے میرا​

 

:saw: ۔۔
:a180: ۔۔۔

 

تیرے آنے کی جب خبر مہکے
تیری خوشبو سے سارا گھر مہکے

شام مہکے تیرے تصور سے
شام کے بعد پھر سحر مہکے

رات بھر سوچتا رہا تجھ کو
ذہن و دل میرے رات بھر مہکے

یاد آئے تو دل منور ہو
دید ہو جائے تو نظر مہکے

تو گھڑی دو گھڑی جہاں بیٹھے
وہ زمیں مہکے وہ شجر مہکے

 

واہ !! بہت خوب

 

نازکی اُس کے لب کی کیا کہیے؟
پنکھڑی اِک گلاب کی سی ہے​

 

جو بات تجھ میں ہے تیری تصویر میں نہیں

رنگوں میں تیرا عکس ڈھلا تو نہ ڈھل سکی
سانسوں کی آنچ جسم کی خوشبو نہ ڈھل سکی
تجھ میں‌جو لوچ ہے میری تحریر میں نہیں‌

جو بات تجھ میں ہے تیری تصویر میں نہیں

بے جان حسن میں کہاں رفتار کی ادا
انکار کی ادا ہے نہ اقرار کی ادا
کوئی لچک بھی زلفِ گرہ گیر میں نہیں

جو بات تجھ میں ہے تیری تصویر میں نہیں

دنیا میں کوئی چیز نہیں ہے تیری طرح
پھر اک بار سامنے آ جا کسی طرح
کیا اور اک جھلک مری تقدیر میں نہیں

جو بات تجھ میں ہے تیری تصویر میں نہیں


(ساحر لدھیانوی)

 

رُخِ روشن کے آگے شمع رکھ کر وہ یہ دیکھتے ہیں
اُدھر جاتا ہے دیکھیں یا پروانہ ادھر آتا ہے

 

رُخِ روشن کے آگے شمع رکھ کر وہ یہ دیکھتے ہیں
اُدھر جاتا ہے دیکھیں یا ادھرپروانہ آتا ہے

 

متاع کوثر و زمزم کے پیمانے تری آنکھیں
فرشتوں کو بنا دیتی ہیں دیوانے تری آنکھیں

جہان رنگ و بو الجھا ہوا ہے ان کے ڈوروں میں
لگی ہیں کاکل تقدیر سلجھانے تری آنکھیں

اشاروں سے دلوں کو چھیڑ کر اقرار کرتی ہیں
اٹھاتی ہیں بہارِ نو کے نذرانے تری آنکھیں

وہ دیوانے زمام لالہ و گل تھام لیتے ہیں
جنہیں منسوب کر دیتی ہیں ویرانے تری آنکھیں

شگوفوں کو شراروں کا مچلتا روپ دیتی ہیں
حقیقت کو بنا دیتی ہیں افسانے تری آنکھیں


(ساغر صدیقی)​

 

:a180:

 

​

 

بہت خوب
عاشو جی آپ کو انتخاب ہمیشہ اچھا ہوتا ہے :mashallah:

 

تصویر تیری دل میرا بہلا نہ سکے گی
یہ تیری طرح مجھ سے تو شرما نہ سکے گی

میں بات کروں گا تو یہ خاموش رہے گی
سینے سے لگا لوں گا تو یہ کچھ نہ کہے گی
آرام وہ کیا دے گی جو تڑپا نہ سکے گی

تصویر تیری دل میرا بہلا نہ سکے گی

آنکھیں ہیں ٹھہری ہوئی چنچل وہ نگاہیں
یہ ہاتھ ہیں سہمے ہوئے اور مست وہ بانہیں
پرچھائی تو انسان کے کام آ نہ سکے گی

تصویر تیری دل میرا بہلا نہ سکے گی

ان ہونٹوں کو فیاض میں کچھ دے نہ سکوں گا
اس زلف کو میں ہاتھ میں بھی لے نہ سکوں گا
الجھی ہوئی راتوں کو یہ سلجھا نہ سکے گی

تصویر تیری دل میرا بہلا نہ سکے گی



(فیاض ہاشمی)

 

بہت شکریہ ساگراج بھائی ۔۔ لیکن یہ سب آپ کا حُسنِ نظر ہے

بہرحال آپ کی کلیکشن بھی :a180: ہے

 

میری بہت پسندیدہ غزلوں میں سے ایک۔ غلام علی صاحب نے اسے گایا بھی بہت خوبصورتی سے ہے۔

کل چودھویں کی رات تھی، شب بھر رہا چرچا تیرا
کچھ نے کہا یہ چاند ہے، کچھ نےکہا چہرا تیرا

ہم بھی وہیں موجود تھے، ہم سے بھی سب پوچھا کیے
ہم ہنس دیئے، ہم چپ رہے، منظور تھا پردہ تیرا

اس شہر میں کس سے ملیں؟ ہم سے تو چھوٹیں محفلیں
ہر شخص تیرا نام لے، ہر شخص دیوانہ تیرا

کوچے کو تیرے چھوڑ کر، جوگی ہی بن جائیں مگر
جنگل تیرے، پربت تیرے، بستی تیری، صحرا تیرا

ہم اور رسمِ بندگی؟ آشفتگی؟ افتادگی؟
احساں ہے کیا کیا تیرا، اے حسنِ بے پروا تیرا

دو اشک جانے کس لئے، پلکوں پر آ کر ٹک گئے
الطاف کی بارش تیری، اکرام کا دریا تیرا

اے بے دریغ و بے اماں، ہم نے کبھی کی ہے فغاں؟
ہم کو تیری وحشت سہی، ہم کو سہی سودا تیرا

تو بےوفا، تو مہرباں، ہم اور تجھ سے بد گماں
ہم نے تو پوچھا تھا ذرا، یہ وقت کیوں ٹھہرا تیرا؟

ہم پر یہ سختی کی نظر؟ ہم ہیں‌ فقیرِ راہ گزر
رستہ کبھی روکا تیرا؟ دامن کبھی تھاما تیرا؟

ہاں ہاں تیری صورت حسیں، لیکن تو ایسا بھی نہیں
اس شخص کے اشعار سے، شہرہ ہوا کیا کیا تیرا

بے شک اسی کا دوش ہے، کہتا نہیں خاموش ہے
تو آپ کر ایسی دوا، بیمار ہو اچھا تیرا

بے درد سننی ہو تو چل، کہتا ہے کیا اچھی غزل
عاشق تیرا، رسوا تیرا، شاعر تیرا، انشاء تیرا



(انشاء جی)​

 

جب یار نے اٹھا کر زلفوں کے بال باندھے
تب میں نے اپنے دل میں لاکھوں خیال باندھے

تیرِ نگاہ میں اس کے کیونکر پھنسے نہ یہ دل
آنکھوں میں جس کی لاکھوں وحشی غزال باندھے

مارو گے کس کو جی سے کس پر کمر کسی ہے
پھرتے ہو کیوں پیارے تلوار ڈھال باندھے

دو چار شعر آگے اس کے پڑھے تو بولا
مضموں یہ تو نے اپنے کیا حسب و حال باندھے

سودا جو ان نے باندھا زلفوں میں دل سزا ہے
شعروں میں اس کے تو نے کیا خدوخال باندھے



(محمد رفیع سودا)​

 

​

 

بہت خوب ۔۔۔زبردست۔

 

اگر وُہ اپنے حسین چہرے کو بُھول کر بے نقاب کر دے

تو ذرّے کو ماہتاب اور ماہتاب کو آفتاب کر دے

تری محبّت کی وادیوں میں مری جوانی سے دور کیا ہے

جو سادہ پانی کو اِک نشیلی نظر میں رنگیں شراب کر دے

حریمِ عشرت میں سونے والے، شمیم ِگیسوُ کی مستیوں سے

مری جوانی کی سادہ راتوں کو اب تو سرشارِ خواب کر دے

مزے وہ پائے ہیں آرزو میں کہ دل کی یہ آرزو ہے یارب

تمام دُنیا کی آرزوئیں مرے لئے اِنتخاب کر دے

نظر نہ آنے پہ ہے یہ حالت کہ جنگ ہے شیخ و برہمن میں

خبر نہیں کیا سے کیا ہو دُنیا جو خود کو وہ بے نقاب کر دے

مرے گناہوں کی شورشیں اس لئے زیادہ رہی ہیں یارب

کہ ان کی گُستاخیوں سے تو اپنے عفو کو بے حساب کر دے

خدا نہ لائے وہ دن کہ تیری سنہری نیندوں میں فرق آئے

مجھے تو یُوں اپنے ہجر میں عُمر بھر کو بے زارِ خواب کر دے

میں جان و دل سے تصوّر حُسن دوست کی مستیوں کے قرباں

جو اِک نظر میں کسی کے بے کیف آنسوؤں کو شراب کر دے

عُروسِ فطرت کا ایک کھویا ہوا تبسّم ہے جس کو اختر

کہیں وہ چاہے شراب کر دے ، کہیں وہ چاہے شراب کر دے​