بادام کے صحت پر حیران اثرات تحقیق میں سامنے آگئے

شکاگو (نیوز ڈیسک) بادام کے صحت کے لئے فوائد کسی تعارف کے محتاج نہیں لیکن ایک امریکی یونیورسٹی کی حالیہ تحقیق نے ایسے ایسے فوائد کی تصدیق کردی ہے کہ جنہیں سن کر باداموں کو ”سپر فوڈ“ کہنا ہی پڑے گا۔ پنسلوانیا سٹیٹ یونیورسٹی نے کئی ماہ پر مشتمل تحقیق کے بعد تصدیق کی ہے کہ روزانہ بادام کھانے والوں کی مردانہ طاقت میں اضافہ ہوتا ہے، سپرم کی تعداد اور کوالٹی بہت بہتر ہوجاتی ہے جبکہ دل کی صحت میں نمایاں اضافہ اور موٹاپے، خصوصاً پیٹ کی چربی میں کمی واقع ہوتی ہے۔
تحقیق میں بتایا گیا ہے کہ روزانہ 42 گرام بادام کھانے سے پیٹ اور ٹانگوں کی چربی تیزی سے کم ہوتی ہے اور میٹا بولک سنڈروم سے نجات ملتی ہے۔ واضح رہے کہ میٹا بولک سنڈروم ذیا بیطس، ہائی بلڈ پریشر، موٹاپے اور دل کی بیماری کا مجموعہ ہے یعنی بادام ہمیں ان تمام خطرناک بیماریوں سے تحفظ فراہم کرتے ہیں۔
ماہرین تجویز کرتے ہیں کہ زیادہ کاربوہائیڈریٹ والی غذاﺅں میں قدرے کمی کرکے ان کی جگہ بادام استعمال کریں۔ مردانہ طاقت کے فوائد اور سپرم کی تعداد اور کوالٹی کو بہتر بنانے کیلئے روزانہ سات بادام کھانا کافی ہے اور یہ مردانہ بانجھ پن سے بچنے کا بہترین قدرتی ذریعہ ہے۔
http://dailypakistan.com.pk/education-and-health/09-Jan-2015/181563