اک گدھے سے کہا میں نے کہ میاں اچھے ہو

اک گدھے سے کہا میں نے کہ میاں اچھے ہو
بولا اینٹوں سے لَدا پھرتا ہوں کیا اچھا ہوں
میں نے اس سے کہا اس دور میں لیڈر بن جا
بولا اس سے تو سرکار گدھا اچھا ہوں
کوئی تعمیر ہو لدتی ہیں مجھی پر اینٹیں
پھر بھی مہنگا نہیں کچھ سستے ہی دام آتا ہوں
اپنے بنگلوں میں پڑے رہتے ہیں لیڈر اکثر
میں گدھا ہو کے بھی اس دیش کے کام آتا ہوں

ہلال سیوہاروی
​

 

ساغر خیامی کا ایک مزاحیہ قطعہ

یہ بولا دلی کے کتے سے گاؤں کا کتا
کہاں سے سیکھی ادا تم نے دم دبانے کی
وہ بولا دُم کے دبانے کو بزدلی نہ سمجھ
جگہ کہاں ہے یہاں دم ہلانے کی​