عزیر بلوچ سے کی گئی تفتیش کے بعد مشترکہ تحقیقاتی ٹیم کی رپورٹ میں کراچی پولیس کے جن افسران کے نام شامل تھے انہیں عہدوں سے ہٹانے کے بعد دوبارہ نواز دیا گیا ہے ۔ لیاری گینگسٹر سے رابطے رکھنے والے ان ساتوں افسران کو محکمہ جاتی خانہ پری کے بعد پھر سے ایس ایچ او بنا دیا گیا ۔ بابرحمید ایس کو ایچ او موچکو جبکہ ثناء اللہ ایس ایچ او منگھوپیر تعینات کر دیے گئے ۔ ایک اور افسر ملک ایوب بغیر کلئیر قرار دیے کاؤنٹر ٹیررازم ڈیپارٹمنٹ میں تعینات کردیے گئے ۔ ان افسران کو لیاری گینگسٹر سے رابطوں پرعہدوں سے ہٹایا گیا تھا ۔ ( بشکریہ : سماء نیوز )