امید سحر کی بات سنو

السلام علیکم
قومیں اپنے برے وقت سے سیکھتی ہیں ، پوری انسانی تاریخ میں گزری ہر عظیم قوم کا ماضی کبھی نہایت ہی خستہ حال رہا ہوتا ہے ، ہر عظیم قوم شکستگی اور بدحالی کی انتہا کو چھو کر ہی بہتری اور پھر عظمت کی طرف گامزن ہوتی رہی ہے ، شاید ہم بھی اسی تاریک دور سے گزر رہے ہیں مگر اب دور کہیں روشنی کی کرن نظر آنے لگی ہے ، ہم شکستگی اور بدحالی انتہا کو چھو چکے ہیں ، اب انشاء اللہ ہم لوگ بھی بہتری کی طرف گامزن ہیں ۔
آئیے تبدیلی کے اس سفر میں ایک دوسرے کا ساتھ دیں ، امید سحر جگائیں ۔
اس لڑی میں‌ سب وطن عزیز میں ہونے والے ہر واقعے کو زیر بحث لائینگے اور اور ہر واقعہ کے تاریک و روشن پہلو دیکھیں گے ، غور کرینگے اور سدباب کی تجاویز پر بحث کرینگے ، مایوسی کے جو اثرات ہم پر ہوتے جا رہے ہیں اسے کم کرنے کی سعی کرینگے ۔

[blink]خیال رہے صبر و باہمی اخوت کے رشتہ مدنظر رہے ۔[/blink]
​

 

جواب: امید سحر کی بات سنو

کرن تو نظر آتی ہے۔ لیکن ساتھ یہ اندیشہ بھی محسوس ہوتا ہے کہ کہیں یہ بھی سراب کی مانند نہ ہو۔

 

جواب: امید سحر کی بات سنو

امید سحر کی بات سنو !

 

جواب: امید سحر کی بات سنو

اندیشے سانپوں کی مانند ہوتے ہیں ، جب تک آپ انہیں پالتے رہینگے یہ آپ کو ڈستے رہینگے ۔ اندیشوں‌ کی رسی کا دوسرا سرا ہمیشہ تاریکی میں گم ہوتا ہے ، اس طرف اس سے خوف کا اژدھا بھی بندھا ہو سکتا ہے اور امید کا چمکتا دمکتا سورج بھی ۔

 

جواب: امید سحر کی بات سنو

لیکن جو قافلہ اتنی دفعہ راہبروں کے ہاتھوں لٹ چکا ہو وہ ایسے اندیشے کرنے میں حق بجانب ہے۔

 

جواب: امید سحر کی بات سنو

میچ فکسنگ کے الزام میں‌ ملوث تینوں‌ پاکستانیوں کو کل سزا سنائی جائے گی ، اس خبر کا مثبت پہلو یہ ہے کہ برائی کا انجام برا ہی ہوتا ہے ، چاہے دیر ہی سے ہو ، اللہ کی لاٹھی واقعی بے آواز ہے ، تینوں‌ کھلاڑیوں نے ملک و قوم کی ناموس کا سودا کیا ، اللہ رب العزت نے انہیں بھی زمانے بھر میں رسوا کر دیا ۔

 

جواب: امید سحر کی بات سنو

ملک جی ! جب ہم رہزنوں کو ہی رہبر مان لے تو ایسا ہوتا ہی ہے لیکن پھر بھی قافلہ روکا نہیں جا سکتا ، رہزنوں کو رہبری سے ہٹا دیں ، ہم جانور پالتے ہیں اور پھر ایک دن اسے زبح کر کے کھا جاتے ہیں‌ ، مگر اس سے یہ مراد نہیں کہ اس جانور کے ہم جنس جانور اپنی اس نسل کشی کے خوف سے افزائش نسل ہی ترک کر دیں ۔

 

جواب: امید سحر کی بات سنو

کوئی بھی انسان عقل کل نہیں ہوتا ، بہتری کے امکانات ہر شخص میں اور ہر لحظہ رہتے ہیں ، اب ہمیں شخصیت پرستی کے مرض سے چھٹکارہ پانا ہوگا ۔

 

جواب: امید سحر کی بات سنو

امید سحر کی بات سنو !
تبدیلی ! اور نئے سفر کی طرف چل نکلنے والے قافلے کے ساتھ چلو ۔ گزرے کل کی سب برائیوں اور محرمیوں‌ کے پیروں تلے دبا کر نئے جزبے اور امید نو کے ساتھ ، یاد رہے خلوص شرط ہے ۔

 

جواب: امید سحر کی بات سنو

امید سحر کی بات سنو
جگر دریدہ ہوں
چاک جگر کی بات سنو
امیدِ سحر کی بات سنو
علم رسیدہ ہوں
دوانِ دیر کی بات سنو
امیدِ سحر کی بات سنو
زباں بریدہ ہوں
زخمِ گلو سے حرف کرو
امیدِ سحر کی بات سنو
شکستہ پا ہوں
ملالِ سفر کی بات سنو
امیدِ سحر کی بات سنو
مسافری رہی صحرائے ظلمتِ شب سے
اب التفاتِ نگارِ سحر کی بات سنو
سحر کی بات
امیدِ سحر کی بات
جگر دریدہ ہوں
چاکِ جگر کی بات سنو
امیدِ سحر کی بات سنو
علم رسیدہ ہوں
دوانِ دیر کی بات سنو
امیدِ سحر کی بات سنو
زباں بریدہ ہوں
زخمِ گلو سے حرف کرو
امیدِ سحر کی بات سنو
شکستہ پا ہوں
ملالِ سفر کی بات سنو
امیدِ سحر کی بات سنو​

 

کچھ چیزوں کا اختیار انسان کے اپنے پاس ہوتا ہے ، اور اکثر معاملات کا اختیار وہ دوسروں کو سونپ دیتا ہے ، سو جو غلطی وہ کر بیٹھا ہے ، اسے اگر مٹایا نہیں جا سکتا تو کم از کم وہ آئیندہ کے لیے سبق سیکھ لے یعنی جو اختیارات اپنے ہاتھ میں رہ گئے ہیں ، اُنہیں بہتر اور درست طور پر استعمال کرے ۔ ۔ ۔

 

ڈپریشن کا بہترین علاج "صبر و قناعت " ہے ۔ ۔ ۔ اور حسد ڈپریشن کی وجہ ۔ ۔ ۔ قناعت انسان کو صبر سکھاتی ہے اور صبر انسان کو حوصلہ دیتا ہے ۔ ۔ ۔ اور یہ حوصلہ ہی ہے جو انسان کو جینے کا اصل " مزہ " دیتا ہے ۔ ۔ ۔ ورنہ جانور بھی تو سانس لیتے اور کھاتے پیتے ہیں ۔ ۔ ۔

 

السلام علیکم
ارے ! میں نے تو امیر غریب کی بات ہی نہیں کی ۔ ۔ ۔ ایک عام سی بات تھی اور ہر شخص کے لیے تھی ۔ ۔ ۔ اور میں جانتا ہوں کہ انسان اور جانور کے کھانے میں فرق ہوتا ہے ۔ ۔ ۔

 

میں نے اس سے کب انکار کیا ہے ۔ ۔ ۔ کل تک میں خود اُس کا حصہ تھا بلکہ میرے تمام عزیز و رشتہ دار آج بھی اسی حالت میں ہیں ۔ ۔ ۔ اور میں یہ بھی جانتا ہوں کہ پیٹ خالی ہو تو قناعت و صبر مشکل ہے ۔ ۔ ۔ میں نے تو ایک اخلاقی بات کی تھی ورنہ میں محترمہ حنا شیخ صاحب ہ اور آپ سے مکمل اتفاق کرتا ہوں ۔ ۔ ۔