اشعار میں محاوروں کا استعمال

زندگی زندہ دلی کا نام ہے
مردہ دل خاک جیا کرتے ہیں
(ناسخ)

ہم آہ بھی کرتے ہیں تو ہو جاتے ہیں بدنام
وہ بھی قتل بھی کرتے ہیں تو چرچا نہیں ہوتا
(اکبرالہ آبادی)

ابتدائے عشق ہے روتا ہے کیا
آگے آگے دیکھے روتا ہے کیا
میر

قیس جنگل میں اکیلا ہے مجھے جانے دو​

خوب گزرے گی جو مل بیٹھیں گے دیوانے دو
اس شعر کے خالق کی تصحیح درکار ہے، شاید مرز ا غالب یا کوئی اور؟آصف بھائی توجہ​

 

بہت شاندار اشعار سے مزین کیا ھے آپ نے۔ بہت خوب۔بہت اچھا جواب ہے۔ شکریہ

 

میں کس کے ہاتھ پہ اپنا لہو تلاش کروں
تمام شہر نے پہنے ہوئے ہیں دستانے
زیدی۔

وہ باتیں تیری وہ فسانے تیرے
شگفتہ شگفتہ بہانے تیرے
غالب
​

وہ آئے بزم میں اتنا تو میر نے دیکھا
پھر اس کے بعد چراغوں میں روشنی نہ رہی

 

نیرنگئِ سیاستِ دوراں تو دیکھئے
منزل اُنہیں ملی جو شریک سفر نہ تھے
محسن بھوپالی

 

ان اشعار میں جو محاورے استعمال ہورہے ہیں اگر انہیں کسی خاص رنگ سے نمایاں کردیں تو مجھ جیسے علم و ادب سے بےبہرہ آدمی کو سمجھنے میں آسانی ہوجائے گی۔
شکریہ ۔

 

گدا سمجھ کے وہ چُپ تھا مری جو شامت آئی
اٹھا اور اُٹھ کے قدم میں نے پاسباں کے لئے ۔۔۔ غالب

 

جب عشق سکھاتا ہے آداب خود آگاہی
کھلتے ہیں غلاموں پر اسرارِ شہنشاہی

اقبال۔۔

 

اس غیرت ناہید کی ہر تان ہے دیپک
شعلہ سا لپک جائے ہے آواز تو دیکھو
(مومن)
​

 

وہ جو ہم میں تم میں قرار تھا تمہیں یاد ہو کہ نہ یاد ہو
وہی وعدہ یعنی نباہ کا تمہیں یاد ہو کہ نہ یاد ہو
(مومن)​

 

کھیر پکائی جتن سے چرخہ دیا جلا
آیا کتا کھا گیا تو بیٹھی ڈھول بجا
امیر خسرو رح

 

خیالِ زلفِ دو تا میں نصیر پیٹا کر
گیا ہے سانپ نکل اب لکیر پیٹا کر
شاہ نصیر

اس زلف پہ پھبتی شبِ دیجور کی سوجھی
اندھے کو اندھیرے میں بہت دور کی سوجھی
انشا اللہ خان انشا

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو
استاد زوق

 

وہ آئے بزم میں اتنا تو برق نے دیکھا
پھر اس کے بعد چراغوں میں روشنی نہ رہی
مہاراجہ برق لکھنوی​

 

بھانپ ہی لیں گے اشارہ سر محفل جو کیا
تاڑنے والے قیامت کی نظر رکھتے ہیں

لالہ مادھو رام جوہر فرخ آبادی​

 

اے ذوق دیکھ دُخترِ رَز کو نہ منہ لگا
چھٹتی نہیں ہے منہ سے یہ کافر لگی ہوئی
۔ محمد ابراہیم ذوقؔ۔​

 

تنگ دستی اگر نہ ہو سالکؔ
تندرستی ہزار نعمت ہے
مرزا قربان علی بیگ سالکؔ​

 

سدا عیش دوراں دکھاتا نہیں​

گیا وقت پھر ہاتھ آتا نہیں​

 

نہیں کھیل اے داغ یاروں سے کہدو
کہ آتی ہے اردو زباں آتے آتے

 

غیر کی محفل میں مجھ کو مثلِ شمع
آٹھ آٹھ آنسو رلایا آپ نے
( نواب مرزا داغ دہلوی )

 

تو بھی اے ناصح کسی پر جان دے
ہاتھ لا اُستاد کیوں کیسی کہی
--------------------
( نواب مرزا داغ دہلوی )

 

مشکل ہے زبس کلام میرا اے دل
سن سن کے اسے سخنورانِ کامل
آسان کہنے کی کرتے ہیں فرمائش
گویم مشکل وگرنہ گویم مشکل -
مرزا غالب۔

 

اور بازار سے لے آئے اگر ٹوٹ گیا
جام جم سے تو مِرا جام سِفال اچھا ہے
مرزا غالب۔

 

واہ بھئی واہ !بہت اچھوتا موضوع ہے اور اِس کے تحت بہت معیاری اشعار ہیں جو اہلِ بزم نے پیش کیے ہیں ۔میں اِس موضوع میں شامل تمام اراکین مجلس کو سلام اور اُن کے انتخاب کو دادپیش کرتاہوں ۔اور اب چند محاورہ بند اشعارمیری طرف سے :ہمارے آگے تیرا جب کسونے نام لیا۔۔۔۔۔۔دلِ ستم زدہ کو ہم نے تھام تھام لیا(2)بات کی طرز کو دیکھوتو کوئی جادوتھا۔۔۔۔۔۔۔پر ملی خاک میں کیا سحر بیانی اُس کی(3)مرمٹے ہم تو مٹ گئے سب رنج۔۔۔۔۔۔۔یہ بھی اچھا ہوا برانہ ہوا(4)حضورِ یار ہوئی دفتر ِ جنوں کی طلب۔۔۔۔۔۔۔۔گرہ میں لے گریباں کا تار تار چلے(5)یادہے سیرِ چراغاں ناصر۔۔۔۔۔۔دل کے بجھنے کا سبب یاد نہیں

 

انوکھا موضوع ہے بہت پسند آیا کچھ عرض کرنا چاہوں گا
بات کچھ ادھوری لگی ہے
اساتذہ کے کلام میں بعض ایسے مصرعے ہیں جو آج کل محاوروں اور ضرب المثال کے طور پر استعمال ہوتے ہیں
جیسے مایوسی میں کہہ دیتے ہیں
کوئی امید بر نہیں آتی
یا
کوئی صورت نظر نہیں آتی
یہ غالب کے ایک ہی شعر کے دو نوں مصرع ہیں اور دونوں ہی محاورے کے طور پر استعمال ہوتے ہیں
جیسے اوپر یہ شعر ہوا
ٹک ساتھ ہو حسرت دل مرحوم سے نکلے
عاشق کا جنازہ ہے ذرا دھوم سے نکلے

اس کا دوسرا مصرع بھی محاورے کے طور پراستعمال کیا جاتا ہے

 

دشمن ہو کوئی دوست ہو پرکھا نہیں کرتے
ہم خاک نشیں ظرف کا سودا نہیں کرتے

 

شکوۂ آبلہ ابھی سے میرؔ
ہے پیارے ہنوز دلی دور
میر تقی میر

 

کہاں بچ کر چلی اے فصل گل مجھ آبلہ پا سے
مرے قدموں کی گلکاری بیاباں سے چمن تک ہے
مجروح سلطانپوری

 

بہترین موضوع ہے اور نئی نسل کو اردو کی وسعت اور تنوع سے روشناس کرنے کی بہترین ترکیب ہے۔ کچھ اشعار میری طرف سے بھی شامل فرما لیجیے۔۔۔

بوئے گل، نالہء دل دود چراغ محفل
جو تری بزم سے نکلا، سو پریشان نکلا
مرزا غالب

ابراہیم ذوق کے متعدد اشعار میں بہت ہی خوبصورتی سے ضرب الامثال کا استعمال ہے۔

بجا کہے جسے عالم اسے بجا سمجھو
زبان خلق کو نقارہ خدا سمجھو

رند خراب حال کو زاہد نہ چھیڑ تو
تجھ کو پرائی کیاپڑی ، اپنی نبیڑ تو

دنیا و دیں میں رہتا ہے آلودہ جو فقیر
دھوبی کا کتا ہے وہ نہ گھر کا نہ گھاٹ کا

ناخن خدا نہ دے تجھے اے پنجہء جنوں
دے گا تمام عقل کے بخیے ادھیڑ تو

بلبل نے آشیانہ چمن سے اٹھا لیا
اس کی بلا سے بوم بسے یا ہما بسے

ہو تو عاشق سوچ کر اس دشمن ایماں کا
دل نہ کر جلدی، کہ جلدی کام ہے شیطان کا

سینے میں بوالہوسی کے بھی پھولا تھا آبلہ
نشتر کا نام سنتے ہی منہ زرد ہو گیا

اکبر الہ آبادی نے بھی اپنے کلام میں کیا خوبصورتی سے محاورات کا استعمال کیا ہے۔

بے پردہ کل جو آئیں نظر چند بیبیاں
اکبرزمیں میں غیرت قومی سے گڑ گیا
پوچھا جو ان سے آپ کا پردہ وہ کیا ہوا
کہنے لگیں کہ عقل پہ مردوں کی پڑ گیا۔

کہے جو چاہے کوئی، میں تو یہ کہتا ہوں اے اکبر
خدا بخشے، بہت سی خوبیاں تھیں مرنے والے میں

پر ایک سخن بندہ عاجز کا رہے یاد
اللہ کو اور اپنی حقیقت کو نہ بھولو