آج کا قطعہ

جواب: آج کا قطعہ

کیسے عجیب لوگ تھے جِن کے یہ مشغلے رہے
میرے بھی ساتھ ساتھ تھے، غیروں سے بھی مِلے رہے
دیکھ لے! دلِ نامُراد تیرا گواہ بن گیا
ورنہ میرے خلاف تو میرے ہی فیصلے رہے​

 

جواب: آج کا قطعہ

گروں تو ساتھ گرے شان شہسواری بھی
زوال آئے تو پورے کمال میں آئے
تمام عمر کا ہے ساتھ آب و ماہی کا
پڑے جو وقت تو پانی نہ جال میں آئے​

 

جواب: آج کا قطعہ

آزردگئی جاں کا ہنر سیکھ رہے ہیں
سیکھا نہیں جاتا ہے مگر سیکھ رہے ہیں
آشفتہ سری، سنگ ملامت، دل پرخوں
اس شہر میں جینے کا ہنر سیکھ رہے ہیں​

 

جواب: آج کا قطعہ

یہ کیوں اتر گئے دریا محبتوں کے یہاں
یہ کیوں اجڑ گئے گلشن قرابتوں کے یہاں
لرز رہیں ہیں کیوں کاشانئہ وفا کے ستون
یہ کس طرح کے ہیں طوفان شدتوں کے یہاں
​

 

جواب: آج کا قطعہ

آ پڑی ہم پہ کوئی ایسی بھی افتاد نہیں
کیوں دکھاؤں اسے وہ دل کہ جو آباد نہیں
میں نے جس بات پہ توڑا تھا تعلق اس سے
کیا تماشا ہے کہ وہ بات اسے یاد نہیں
​

 

جواب: آج کا قطعہ

آسانیوں سے پوچھ نہ منزل کا راستہ
اپنے سفر میں راہ کے پتھر تلاش کر
ذرے سے کائنات کی تفسیر پوچھ لے
قطرے کی وسعتوں میں سمندر تلاش کر​

 

جواب: آج کا قطعہ

یہ آسماں کہیں پہ جھکا بھی کرتا ہے
جو حکم دیتا ہے وہ التجا بھی کرتا ہے
تو اگر ہر جائی ہے تو اک بری خبر بھی سن
میرا انتظار کوئی دوسرا بھی کرتا ہے​

 

جواب: آج کا قطعہ

دل میں درد، آہ بہ لب، چشمِ گُہر بار لئے
یوں جیا جاتا ہے اے دوست! تو پھر کون جیئے
جب سے آغوشِ غمِ زیست میں آ بیٹھا ہوں
ڈھونڈتے پھرتے ہیں قاصد تیرے پیغام لئے​

 

جواب: آج کا قطعہ

وقف حرمان و یاس رہتا ہے
دل ہے ، اکثر اداس رہتا ہے
تم تو غم دے کے بھول جاتے ہو
مجھ کو احساں کا پاس رہتا ہے​

 

جواب: آج کا قطعہ

واہ واہ

 

جواب: آج کا قطعہ

ہاتھ چُھوٹے بھی تو رشتے نہیں چھوڑا کرتے
وقت کی شاخ سے لمحے نہیں توڑا کرتے
جس کی آواز میں سلوٹ ہو نگاہوں میں شکن
ایسی تصویر کے ٹکڑے نہیں جوڑا کرتے​

 

جواب: آج کا قطعہ

اے دوست جھوٹ عام تھا دنیا میں اس قدر
تو نے بھی سچ کہا تو فسانہ لگا مجھے
اب اس کو کھو رہا ہوں بڑے اشتیاق سے
وہ جس کو ڈھونڈنے میں زمانہ لگا مجھے​

 

جواب: آج کا قطعہ

ہر درو میں کھلتی کلیوں کی مہک تھی....
یہ اس دور کی بات ہے جب دل میں کسک تھی.....

اب چاند کے ہمراہ نکلتے نہیں وہ لوگ....
اس شہر کی رونق میری آوارگی سے تھی. . .. .

ناصر کاظمی

 

جواب: آج کا قطعہ

یہ مری کتاب حیات ہے اسے دل کی آنکھ سے پڑھ ذرا
میں ورق ورق ترے سامنے ترے روبرو ترے پاس ہوں
یہ تری جدائی کا غم نہیں کہ یہ سلسلے تو ہیں روز کے
تری ذات اس کا سبب نہیں کئی دن سے یونہی اداس ہوں

​

 

جواب: آج کا قطعہ

قطعہ​

ان کی سمجھ میں عشق بھلا آسکے گا کیا​

دل کا معاملہ جو پرکھتے ہیں عقل سے​

غوری کروگے تم میری تائید بایقیں​

ہوتی ہے ہر نظر کو خوشی اچھی شکل سے​

 

جواب: آج کا قطعہ

نادان یہ کہتا ھے کہ میں بھی کچھ ھوں
انسان یہ کہتا ھے کہ میں بھی کچھ ھوں
لا حول ولا قوة الا بالله
شیطان یہ کہتا ھے کہ میں بھی کچھ ھوں

 

جواب: آج کا قطعہ

مجھ کو بتائے صاحب فہم و خرد کوئی
باقی میں صرف ہوکے رہوں ایسی مد کوئی
عمرراواں کی گرد نے دھندلادئے نقوش
اب مجھ سے مانگتا ہے میرے خال و خط کوئی

خیام قادری

 

جواب: آج کا قطعہ

ھنسنا بھی کبھی سیکھ اے دیدہ نمناک
اس زخمی دلِ زار نے بھرنا بھی تو ھو گا
ہر شام کے آخر میں اگر شب ھے تو کیا ھے
سورج نے اسی شب ابھرنا بھی تو ھو گا

سہیل بخاری

 

جواب: آج کا قطعہ

دہکتی ہے میری روح کے اندر فصل شعلوں کی
اور تم بات کرتے ہو بارشوں کی ، پھولوں کی
ایک لڑکی ہنستی تھی میری چھوٹی چھوٹی باتوں پر
مگر یہ بات بہت پرانی ہے جانے کتنے سالوں کی

​

 

جواب: آج کا قطعہ

بڑی مدت کے بعد آنا ہوا ہے
مگر جانے میں عُجلت ‘ توبہ توبہ

نہ پوچھو کس لئے روتا ہے واصفؔ
’’گناہوں پر ندامت‘‘ ، توبہ توبہ

 

جواب: آج کا قطعہ

وہ معصوم خواہشيں ريزہ ريزہ کہاں کھوگئيں
تجھ سے آباد ميرے خوابوں کا جہاں نہيں ملتا
اجنبی صديوں جيسے سفر کے بعد مجھے پتہ چلا
ميری زمين سے تيری محبت کا آسمان نہيں ملتا​

 

جواب: آج کا قطعہ

آنکھ سے اوجھل سارے منظر ہو جائیں گے
دیکھتے دیکھتے ہم بھی پتھر ہو جائیں‌گے
میری صدا صحرا میں گونجتی رہ جائے گی
ریت میں گُم یہ تیرے لشکر ہوجائیں گے​

--------
شمشیر حیدر ۔ واہ کینٹ

 

جواب: آج کا قطعہ

کچھ وقت میں اک بیج شجر ہوتا ہے
کچھ روز میں اک قطرہ گہر ہرتا ہے
اے بندہ ناصبور۔ تیرا ہر کام۔۔۔۔۔۔۔۔
کچھ دیر میں ہوتا ہے ،مگر ہوتا ہے​

 

جواب: آج کا قطعہ

بپھری موجوں میں گم ہوتے سپنوں میں وہ سب کچھ تھا
بے بس آنکھیں جس کو ڈھونڈیں لہروں میں وہ سب کچھ تھا
دل کے نادیدہ زخموں پر مرہم رکھنا مشکل ہے
آنکھیں جس کو دیکھ نہ پائیں آہوں میں وہ سب کچھ تھا

​

 

جواب: آج کا قطعہ

بیج کر نام خدا کا جو دوکاں چمکائیں
عمر بھر ان سے یہ طے ہے کہ ٹھنے گی اپنی
ہم وہ دیوانے کہ پتھر بہ سر و چشم مگر
شیخ و ملا سے بنی ہے نہ بنے گی اپنی ​

 

​

زندگی صرف محبت نہیں کچھ اور بھی ہے
زلف و رخسار کی جنت نہیں کچھ اور بھی ہے
بھوک و افلاس کی ماری ہوئی اس دنیا میں
عشق ہی صرف حقیقت نہیں ،کچھ اور بھی ہے

 

محبت پھر محبت ہے​

کبھی دل سے نہیں جاتی

ہزاروں رنگ ہیں اس کے

عجب ہی ڈھنگ ہیں اس کے​

 

محبت پھر محبت ہے​

کبھی دل سے نہیں جاتی​

ہزاروں رنگ ہیں اس کے​

عجب ہی ڈھنگ ہیں اس کے​