کہانی: گائے اپنے مالک کے ساتھ

​

استاد اپنے طلباء کے ساتھ خرید و فروخت کے مقام سے گزر رہا تھا۔ انھوں نے دیکھا کہ ایک آدمی رسی سے بندھی گائے کو کھینچ رہا ہے۔ استاد نے اس آدمی کو مخاطب کرکے کہا کہ ذرا رکو اور اپنے شاگردوں سے کہا کہ وہ ان کے گرد جمع ہوجائیں۔ میں آپ کو ایک چیز سکھانا چاہتا ہوں۔ اور اسے جاری رکھتے ہوئے استاد نے کہا کہ مجھے یہ بتاؤ کہ کون کس کا تابع ہے؟ کیا یہ گائے اس آدمی کے تابع ہے یا یہ آدمی گائے کے تابع ہے؟

شاگردوں نے بلا جھجھک جواب دیا کہ بے شک گائے اس آدمی کے تابع ہے کیونکہ یہ آدمی اس کا مالک ہے۔ رسی آدمی کے ہاتھ میں ہے اس لئے گائے تو وہیں جائے گی جہاں یہ آدمی جائے گا۔ آدمی مالک ہے اور گائے اس کی غلام ہے۔

​

استاد نے کہا اب دیکھئے کیا ہوتا ہے۔ اس نے اپنے تھیلے میں سے ایک قینچی نکالی اور رسی کو کاٹ دیا۔ گائے اپنے مالک کو چھوڑ کر بھاگ گئی اور وہ آدمی اپنی گائے کے پیچھے دوڑنے لگا۔ استاد نے کہا دیکھو کیا ہورہا ہے

​

"کیا تم دیکھ سکتے ہوکہ کون مالک ہے؟ گائے اس آدمی میں بالکل بھی رغبت نہیں رکھتی۔ حقیقت میں گائے اس آدمی سے فرار چاہتی ہے"۔ یہی حالت ہمارے دماغ کی ہے۔


گائے ہی کی طرح، وہ تمام مہمل باتیں یا لغویات جو ہم اپنے دماغوں کے اندر سمائے ہوئے رہتے ہیں، وہ ہمارے اندر رہنا نہیں چاہتیں۔ ہم ان فضول باتوں سے واسطہ رکھنا چاہتے ہیں اور کسی نا کسی طرح انھیں اپنے دماغوں کے اندر اکٹھا کرکے رکھتے ہیں۔ ان احمقانہ اور بے معنی باتوں کو اپنے قابو میں رکھنے کے لئے ہم پاگل ہوئے جاتے ہیں۔

​

جس وقت ہم ان تمام آلائشوں اور کوڑا کرکٹ جو ہمارے سروں میں بھرا پڑا ہے ان سے عدم دلچسپی لینا چھوڑ دیں اور جیسے ہی ہم ان فضولیات کی بے حاصلی کو سمجھ جائیں یہ غائب ہونا شروع ہوجائیں گی۔ بالکل اسی طرح جیسے گائے نے راہ فرار حاصل کی اور غائب ہوگئی۔ ہمیں چاہیے کہ ان تمام غیر ضروری چیزوں کو جو ہمارے دماغ میں ہیں انھیں بھاگنے کی اجازت دیں تاکہ آرام حاصل کرسکیں۔



مرتبہ و ترجمہ: عبدالقیوم خان غوری

 

واہ جناب کیا کہنے ۔۔۔۔۔۔ کیا خوبصورت انداز ہے۔۔۔۔۔۔۔۔۔ بہت عمدہ