لوگ خوش بخت وہ رہے ہوں گے۔ حُسنِ نبوی جو دیکھتے ہوں گے۔ تازہ ہدیہ نعت

بارگہ رسالت مآب صل اللہ علیہ وسلم میں آج کی رات کا تازہ ترین تحفہ

اللھم صل علی سیدنا ومولانا محمد وعلی آلہ وصحبہ وبارک وسلم

لوگ خوش بخت وہ رہے ہوں گے
حُسنِ نبوی جو دیکھتے ہوں گے

خاکِ پائے نبی کو سب عاشق
اپنی آنکھوں سے چومتے ہوں گے

چاند بدلی میں چھپ گیا ہو گا
جب وہ گیسو سنوارتے ہوں گے

جب وہ گیسو سنوارتے ہوں گے
دل صحابہ سنبھالتے ہوں گے

وہ نمازوں میں قبلہ رُو ہو کر
جلوہء یار دیکھتے ہوں گے

جب وہ پردے سے جھانکتے ہوں گے
یہ نمازوں کو بھولتے ہوں گے

آئینہ تک کے مصطفیٰ والا
تشنگی سب بجھا رہے ہوں گے

کیا مدینے کے راستے ہوں گے
اُنکے نعلین چومتے ہوں گے

اونٹنی وہ براق سے اعلیٰ
جس پہ سرکار بیٹھتے ہوں گے

اے حلیمہ ! بتا ذرا منظر
جب وہ جھولے میں جھولتے ہوں گے

گود تیری میں سو کے شاہِ جہاں
تیری قسمت جگا رہے ہوں گے

رشکِ افلاک ہے وہ کُٹیا جہاں
آقا بچپن میں کھیلتے ہوں گے

جب سنور کر وہ باغ میں جائیں
پھول خیرات مانگتے ہوں گے

اُن کے ہاتھوں کا لمس پانے کو
گُلِ رعنا بھی دوڑتے ہوں گے

جوبنِ حُسنِ نرگسیں کیا ہے ؟
اُنکی آنکھوں سے سیکھتے ہوں گے

چاند سورج بھی اُن کی انگلی کے
اک اشارے پہ ناچتے ہوں گے

نہیں منظر وہ بھولنے والا
جب وہ معراج جا رہے ہوں گے

کیسی عظمت ہے اُن کے قدموں کی
جن کو جبریل چومتے ہوں گے

سب نبی بن کے مقتدی تھے کھڑے
وہ امامت کرا رہے ہوں گے
دیکھ پرواز جانبِ سِدرہ
دنگ قُدسی بھی رہ گئے ہوں گے

جب وہ سوئے عرش چلے ہوں گے
رشک جبریل کررہے ہوں گے

جن کے ساقی ہوں ساقیء کوثر
روزِ محشر وہ پی رہے ہوں گے

جن کے خوابوں میں آپ آجائیں
کب وہ خوابوں سے جاگتے هوں گے

نعت جن کی کہے خدا بھی رضا
ہم سے کیا اُنکے تذکرے ہوں گے

کلام : محمد نعیم رضا قادری۔ جمعۃ المبارک 13نومبر2015

 

شکریہ پیارے بھائی ۔

 

آمین ۔ جزاک اللہ خیر محترم بھائی

 

محمد نعیم رضا قادری صاحب !ماشاء اللہ عقیدت واحترام جو ہمیں سردارِ کونین صلی اللہ علیہ وسلم سے ہے،آپ نے اُس کی تصویرکھینچ کررکھدی۔حضرت محمد صلی اللہ علیہ وآلہٖ وسلم بطورِ بشرِ کامل اور بطورِ خاتم النبین ،ہرطرح کی تعریف وتوصیف اور تحسین وستائش کا قرارواقعی استحقاق رکھتے ہیں ،جیساکہ آپ نے اِس نعت شریف میں فرمایا۔۔۔۔۔۔۔۔۔۔۔۔۔۔۔۔۔۔۔میں آپ کے عالی قدرجذبات کا مداح ہوا،یہ میری خوش بختی اور بلند نصیبی ہے۔آپ نعتیں بنی جی (صلی اللہ علیہ وسلم ) کی لکھتے رہیں،ہم کو مداحوں میں لوگ گنتے رہیں،آمین۔

 

محترم بھائی شکیل احمد خان صاحب
آپ کی محبت و عقیدت بھرے جملے میں اپنے حق میں "بطور دعا" لیتے ہوئے آمین کہتا ہوں کہ اللہ کریم مجھے آپکے "حسنِ ظن" کے مطابق بنا دے۔
آپ کے الفاظ سے آپکی قوتِ تحریر بخوبی عیاں ہے۔ ماشاءاللہ۔ اتنی محبتوں کا شکریہ ۔ جزاک اللہ خیر۔

 

ازحد شکریہ ،محترم نعیم صاحب!

 

سبحان اللہ۔۔۔ بہت عمدہ تعریف کی بہت پیارے انداز میں نبی پاک سرور کونین صلی اللہ علیہ وآلہ وسلم کی تعریف بیان کی۔آپ کے اس خوبصورت ہدیہ نعت کو دربار رسالت میں شرف قبولیت عطا ہو۔آمین ثم آمین۔
نعیم صاحب آپ کا یہ انداز بہت حیران کن اور اچھا لگا۔۔

 

بہت شکریہ ۔ جزاک اللہ خیر۔
ہمیشہ دعاؤں میں یاد رکھا کریں۔

 

سبحان اللہ ۔۔۔۔۔۔۔۔۔۔۔۔۔

 

شکریہ محترم ۔ دعاؤں کی التماس ہے

 

سبحان اللہ بہت خوبصورت نعیم بھائی۔ اللہ اور اس کا رسول جزائے خیر عطا کرے۔

 

محترم جماعتی صاحب۔ آپکی دعاؤں کے لیے شکریہ.
جزاک اللہ خیر

 

سبحان اللہ العظیم

 

ماشاء اللہ نعیم بھائی

 

آپکی محبتوں کے لیے ممنون ہوں۔ خاص دعاؤں میں یاد رکھا کریں۔ جزاک اللہ بڑے بھائی

 

بہت شکریہ جنید آذر بھائی۔ جزاک اللہ

 

شکریہ برادر گرامی۔ جزاک اللہ

 

بہت خوبصورت ۔۔ جزاک اللہ خیرا

 

ماشاء اللہ زبردست کلام ہے جنابِ محترم میری ٹوٹی پھوٹی شاعری کی بھی اصلاح کر دیا کریں اپنی تفصیلی رائے سے نوازیں شکریہ

 

ماشاء اللہ خوبصورت کلام ہے
اللہ آپ کو جذائے خیر دے آمین

 

آپکی ذرہ نوازی ہے۔ میں تو طالبعلم ہوں۔

 

شکریہ ۔ ذرہ نوازی