میں خود کو توڑ بیٹھا ہوں۔۔۔۔۔۔!!!!!!

میں جب بچہ تھا
تو اکثر۔۔۔۔۔۔۔۔
کھلونے ٹوٹ جاتے تھے
ميرے رونے پہ
ماں آکر، کھلونے جوڑ ديتی تھی
سنا ہے ماں سے بھی بڑھ کر
تجھے الفت ہے بندوں سے
تو
آكے جوڑ دے يا رب
ميں خود کو توڑ بیٹھا ہوں۔

​

 

یہ کوئی گل نئیں والی تو بات ہے ہی نہیں ہارون بھائی۔۔۔

 

شکستگی انسانی زندگی کی مسلمہ حقیقت ہے مگر ایمان اور لگن اسی شکستگی کو نیا ولولہ عطاء کرتے ہیں مزید برآں رحمت خداوندی نئے عزم ودیعت فرماتی ہے تاکہ ہم مزید صدمات کو جھیل سکیں۔

 

یہ نظم دیکھ کر ہی میں اس محفل میں شامل ہوا صرف یہ عرض کرنے کے لیئے کہ یہ نظم میری تخلیق ہے جو کہ میری فیس بک پر بھی موجود ہے

 

بہت خوب!

 

بہت خوب تخلیق ہے جناب ۔۔۔۔ واہ

 

پیارے بھائی اشعار تخلیق نہیں ہوتے بلکہ کہے جاتے ہیں اور کچھ خوش نصیب ایسے ہوتے ہیں کہ ان کے کہے ہوئے اشعار صدیوں تک ترو تازہ رہتے ہیں اور زبان زد عام ہوتے ہیں جیسے

نازکی اُس کے لب کی کیا کہئیے
پنکھڑی اِک گلاب کی سی ہے

میر اُن نیم باز آنکھوں میں
ساری مستی شراب کی سی ہے

دعاء کیجئے اللہ تعالی آپ سے بھی ایسے اشعار کہلوا دے جو ہمیشہ ہمیشہ دنیا میں پڑھے جائیں۔

 

بہت نوازش احباب، مجھے یہ بتائیں کہ کیا فیس بُک کا لنک شئر کر سکتا ہوں یہاں تا کہ آپ وہاں دیکھ سکیں جب پہلی بار یہ نظم پوسٹ کی تھی

 

باقی بہت معذرت کہ دیر سے جواب دیا، دراصل میں شیشن کورٹ میں بطور اسسٹنٹ سپرنٹنڈنٹ کام کر رہا ہوں اورآجکل نیا سٹاف بھرتی کر رہے ہیں تو بہت کم وقت ملتا ہے، اس لیئے معذرت

 

یہ میری قلمی ہے،

 

ضبط بھی ہم کو مانند مصیبت گویا
اب تو چاہ کر بھی نہ اک اشک بہایا جائے

از قلم: ملک محمد اسد

 

بہت عمدہ